ព្រឹត្តិការណ៍ - នយោបាយ ព្រឹត្តិការណ៍

03/06/2019 - 16:20

អនុ​រដ្ឋ​មន្ត្រី អនុ​ប្រធាន​គណៈ​កម្មា​ធិកា​រ​ជន​ជាតិ​ ហ្វាង​ធី​ហាញ់​ ទ​ទួល​អ្នក​មាន​ប្រ​ជា​ប្រិយ​ភាព​ក្រុង​កឹង​ធើ

នា​រ​សៀល​ថ្ងៃ​ទី​២៣​ ខែ​ឧស​ភា​ ឆ្នាំ​​២០១៩ នៅ​ទី​ស្នាក់​ការ​នៃ​គណៈ​កម្មា​ធិ​​ការ​ជន​ជាតិ​ អនុ​រដ្ឋ​មន្ត្រី​ អនុ​ប្រ​ធាន​គណៈ​កម្មា​ធិ​ការ​ជន​ជាតិ​ លោក​ស្រី​ហ្វាង​ធី​ហាញ់​ បាន​ទ​ទួល​គណៈ​ប្រតិ​ភូដែល​តំណាង​ឲ្យ​អ្នក​មាន​ប្រ​ជា​ប្រិយ​ភាព​ចំ​នួន​៥០០​រូប នៅ​ក្រុង​កឹង​ធើ នា​ឱ​កាស​ដែល​គណៈ​ប្រតិ​ភូបា​ន​​មក​ទស្សន​កិច្ចនិង​សិក្សា​នៅ​ហា​ណូយ​។

អនុ​រដ្ឋ​មន្ត្រី ​អនុ​ប្រធាន​គណៈ​កម្មា​ធិ​ការ​ជន​ជាតិ​ លោក​ស្រី​ហ្វាង​ធីហា​ញ់​ បាន​ជូន​អំ​ណោយ​​និង​ថត​រូប​អនុស្សាវ​រីយ៍​ជាមួ​យ​គណៈ​ប្រតិ​ភូតំ​ណាង​អ្នក​មាន​ប្រ​ជាប្រិយ​ភាព​ក្រុង​កឹង​ធើ។

តំ​ណាង​គណៈ​ប្រតិ​ភូអ្នក​មាន​ប្រ​ជា​ប្រិយ​​ភាព​ក្រុង​កឹង​ធើ លោក​លឿង​វុា​ំ​ង​ទ្រឺ​​ ប្រ​ធាន​គណៈ​ជន​ជាតិក្រុង​កឹង​ធើ ​បាន​ជូន​​ព័ត៌​មាន​៖ ក្នុង​ប៉ុន្មាន​ឆ្នាំក​ន្លង​ ផ្តើម​ពី​ការ​​អ​នុ​វត្ត​ព្រម​ៗ​គ្នា​នូវ​កម្ម​វិ​ធី​និង​គោល​ន​យោ​បាយ​ជន​ជាតិ​ក៏​បាន​ញុាំង​ឲ្យ​ជីវ​ភាព​របស់​​ជន​ជាតិ​ភាគ​តិច​នៅ​ក្រុង​កឹង​ធើ មាន​ការ​​វិ​វឌ្ឍជា​វិ​ជ្ជ​មាន​។ គិត​ដល់​ដំ​ណាច់​ឆ្នាំ​២០១៨ អត្រា​គ្រួ​សារ​ក្រី​ក្រ​នៅ​លើ​ភូមិ​សាស្រ្ត​ក្រុង​នៅ​៥,០៨%​ ថយ​ចុះ​៣,០៧​% បើ​ប្រៀប​ធៀប​​នឹង​ឆ្នាំ២០១៧​។ នៅ​ឯ​ភូមិ​ភាគ​អ្នក​មាន​​ប្រ​ជា​ប្រិយ​ភាព​តែង​សកម្ម​ចូល​រួម​បណ្តា​​ស​កម្ម​ភាព​។ សម្តែង​ឡើង​នូវ​តួ​នា​ទី​ដ៏​សំ​ខាន់​ក្នុង​ការ​ចលនា​ប្រ​ជា​ជន​អភិ​វឌ្ឍ​សេដ្ឋ​កិច្ច​ កាត់​បន្ថយ​ភាព​ក្រី​ក្រ​ ថែ​រក្សា​អត្ត​សញ្ញាណ​វប្ប​ធម៌​ ធា​នា​សន្តិ​សុខ​និង​សណ្តាប់​​ធ្នាប់​នៅ​លើ​ភូមិ​សាស្រ្ត​។

ក្រោយ​ពី​បាន​ស្តាប់​យោ​បល់​របស់​អ្នក​មាន​ប្រ​ជា​ប្រិយ​ភាព ​ពី​លទ្ធផល​មួយ​ចំ​នួន​និង​បញ្ហា​លំ​បាក​ដែល​មាន​នៅ​មូល​ដ្ឋាន​ អនុ​រដ្ឋ​មន្រ្តី​ អនុ​ប្រ​ធាន​គណៈ​កម្មា​ធិ​ការ​​ជន​ជាតិ​ បាន​មាន​ប្រ​សាសន៍​សម្តែង​នូវ​​ការ​គោ​រព​ ការ​ចែក​រំ​លែក​ និង​វាយ​តម្លៃ​​​ខ្ពស់​ចំពោះ​ការ​ខិត​ខំ​ប្រឹង​ប្រែង​និង​ការ​រួម​ចំ​ណែក​របស់​កង​ជួរ​អ្នក​មាន​ប្រ​ជា​ប្រិយ​ភាព​ក្នុង​ការ​អភិ​វឌ្ឍ​រួម​របស់​ជន​ជាតិ​ភាគ​​តិ​ច​នៅ​ក្រុង​កឹង​ធើ​។ អនុ​រដ្ឋ​មន្រ្តី​បា​​ន​សំ​ណូម​ពរ​ អ្នក​មាន​ប្រ​ជា​ប្រិយ​ភាព​គប្បី​​ពង្រីក​នូវ​តួ​នា​ទី​ជា​ស្ពាន​ត​ភ្ជាប់​រ​វាង​រដ្ឋ​អំ​​ណាចជា​មួយ​នឹង​ប្រ​ជា​ជន​ជា​បន្ត​។ ធ្វើ​ជា​​គំ​រូ​ និង​រួម​ចំ​ណែក​ក​សាង​ទី​ក្រុង​រឹត​តែ​អភិ​​វឌ្ឍ​ជាង​ទៀត​។

នា​ឱ​កាស​នេះ ជំ​នួស​មុខ​ថ្នាក់​ដឹក​នាំ​ គណៈ​កម្មា​ធិ​ការ​ជន​ជាតិ​ អនុ​រដ្ឋ​មន្រ្តី​ អនុ​ប្រ​ធាន​គណៈ​កម្មា​ធិ​ការ​ជន​ជាតិ​ ហ្វាង​ធី​​ហាញ់ ​បាន​ជូន​អំ​ណោយ​អនុ​ស្សាវ​រីយ៍​​ដល់​គណៈ​ប្រ​តិ​ភូ៕​

                          ហ៊ុង​ភុក​-ប្រែ៖​ សុ​ផន

ចែករំលែកអត្ថបទ