មហាសាមគ្គីជនជាតិ ភូមិស្រុកផ្លាស់ថ្មី

27/05/2019 - 15:53

កសាងជនបទកាន់តែមានភាពល្អប្រសើរ

រយៈពេលកន្លង ខេត្តវិញឡុង អនុវត្តល្អគោលនយោបាយជនជាតិក្នុងការអភិវឌ្ឍហេដ្ឋារចនាសម្ព័ន្ធផ្លូវគមនាគមន៍លើភូមិសាស្រ្ត បង្កលក្ខណសម្បត្តិជូនមាមីងអភិវឌ្ឍសេដ្ឋកិច្ច លើកកម្ពស់គុណភាពជីវភាព។

ពេលស្ពានត្រាខាងបានកសាងសម្រេចរួចរាល់ សិស្សសាលាទៅរៀនមានភាពងាយស្រួលជាង។

ផ្តើមពីការធ្វើស្ថិតិរបស់គណៈជនជាតិខេត្តវិញឡុង សឲ្យឃើញថា នៅឃុំនានា ដែលមានជនរួមជាតិខ្មែររស់នៅកុះករ ផ្លូវគមនាគមន៍តភ្ជាប់ដល់មជ្ឈមណ្ឌលឃុំ ត្រូវបានក្រាលកៅស៊ូ១០០% ផ្លូវគមនាគមន៍ជនបទក្នុងភូមិ ត្រូវបានធានារឹងមាំ និងងាយស្រួលធ្វើដំណើរទៅមកទាំងប្រាំងវស្សាសម្រេចជាង១០០%។ អត្រាឃុំមានបណ្តាញអគ្គិសនីជាតិ អត្រាគ្របដណ្តប់រលកធាតុអាកាសវិទ្យុ-ទូរទស្សន៍នៅតំបន់ជនរួមជាតិភាគតិចលើភូមិសាស្រ្តខេត្តសម្រេចអត្រាប្រមាណ៩៨%។ អនុវត្តផែនការកសាងជនបទថ្មី ខេត្តមាន១អង្គភាពថ្នាក់ស្រុក (ក្រុងប៊ិញមិញ) បាននាយករដ្ឋមន្រ្តីនៃរដ្ឋាភិបាលទទួលស្គាល់ អនុវត្តសម្រេចភារកិច្ចកសាងជនបទថ្មី។ ក្នុងនោះ ឃុំដុងថាញ់ ក្រុងប៊ិញមិញ មានជនរួមជាតិភាគតិចរស់នៅកុះករ។ សរុបលក្ខឋានសម្រេចបានលើភូមិសាស្រ្តឃុំទាំង៨៩ គឺ១.២១៩ លក្ខឋានមធ្យមភាគទូទាំងខេត្តសម្រេច១៣,៧លក្ខឋាន/ឃុំ។ ឃុំនានាដែលមានជនរួមជាតិខ្មែររស់នៅកុះករ សុទ្ធសឹងសម្រេចលក្ខឋានកសាងជនបទថ្មីតាមល្បឿនផែនការដាក់ចេញ។

លោកថាច់យឿង ប្រធានគណៈជនជាតិខេត្តវិញឡុង ឲ្យដឹងបន្ថែមអំពីលទ្ធផលអនុវត្តគោលនយោបាយជនជាតិ ដូច៖ អនុវត្តសេចក្តីសម្រេចចិត្តលេខ២០៨៥/QĐ-TTg ចុះថ្ងៃ៣១ ខែតុលា ឆ្នាំ២០១៦ របស់នាយករដ្ឋមន្ត្រីនៃរដ្ឋាភិបាល អំពីការផ្តល់សច្ចាប័នគោលនយោបាយ ពិសេសដោយឡែក ឧបត្ថម្ភអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច តំបន់ភ្នំ ដំណាក់កាល២០១៧-២០២០ ខេត្តបានរំសាយថវិកាឲ្យ១៥០គ្រួសារបុលទុនអភិវឌ្ឍផលិតកម្ម ប្រមូលផ្តុំនៅស្រុកតាមប៊ិញ ត្រាអូងនិងក្រុងប៊ិញមិញ។ អនុវត្តតាមសេចក្តីសម្រេចចិត្តលេខ១៧២២របស់នាយករដ្ឋមន្រ្តីនៃរដ្ឋាភិបាល ស្ដីពីការផ្តល់សច្ចាប័នលើកម្មវិធីទិសដៅជាតិកាត់បន្ថយភាពក្រីក្រប្រកបដោយចីរភាព ដំណាក់កាល២០១៦-២០២០ ក្នុងនោះ ឧបត្ថម្ភវិនិយោគកសាងផ្នែកហេដ្ឋារចនាសម្ព័ន្ធឲ្យឃុំ ភូមិនានាក្រលំបាកជាង៣ពាន់លានដុង ឧបត្ថម្ភអភិវឌ្ឍផលិតកម្ម បង្កើតមុខរបររកទទួលទាន ពង្រីកទម្រង់កាត់បន្ថយភាពក្រីក្រ លើកកម្ពស់សមត្ថភាពកម្មាភិបាលមូលដ្ឋាននិងសហគមន៍ជាង១ពាន់លានដុង។ល។ ពេលផ្នែកហេដ្ឋារចនាសម្ព័ន្ធកសាងសម្រេចរួចរាល់ ប្រជាជនអាចនឹងបង្កើតមុខរបររកទទួលទានមានភាពងាយស្រួល។ រីឯសិស្សទៅសាលាមានភាពងាយស្រួល គ្មាននៅស្ថានភាពភក់ជ្រាំ ស្ពានរបះរបើកដូចមុនឡើយ។ បងសើុងហ្វាងខាញ់ នៅភូមិស្វឹងមិញ២ ឃុំទ្រុងថាញ់ ស្រុកវ៉ុងឡីម ឲ្យដឹង៖ “ខ្ញុំទិញម៉ូតូស៊ីឡាំង៥០ ឲ្យកូនស្រីជិះទៅរៀននៅសាលាវិទ្យាល័យវ៉វ៉ាន់កៀក តាំងពីមានស្ពានត្រាខាងបានកសាងថ្មី។ ស្ពាននេះចំណុះ៣តោន ម៉្លោះហើយរថយន្តដឹកកសិផល រថយន្តតាក់ស៊ី។ល។ បើកទៅមកបានងាយស្រួល”៕

ហាថាញ់-មុនី

ចែករំលែកអត្ថបទ

ពាក្យគន្លឹះ