មហាសាមគ្គីជនជាតិ ភូមិស្រុកផ្លាស់ថ្មី

21/01/2019 - 08:36

អភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិច តាមរយៈ ការឧបត្ថម្ភសហប្រតិបត្តិការអន្តរជាតិនៅអាងយ៉ាង

តាមគណៈជនជាតិខេត្តអាងយ៉ាង ផ្សព្វផ្សាយអនុវត្តគ្រោងការ “បង្កើនសហប្រតិបត្តិការអន្តរជាតិឧបត្ថម្ភអភិវឌ្ឍសេដ្ឋកិច្ច -សង្គមតំបន់ជនរួមជាតិភាគតិច” ចាប់ពីឆ្នាំ២០១៤មកទល់ពេល នេះ អាងយ៉ាងមានអង្គការក្រៅរដ្ឋាភិបាលបរទេសនិងអង្គការក្នុងប្រទេសចំនួន២៧ ផ្សព្វផ្សាយអនុវត្តគម្រោងនិងក្រៅគម្រោងជាដើម។ ពិសេសគឺគម្រោងនិងក្រៅគម្រោងជាច្រើនបាននិងកំពុងផ្សព្វផ្សាយអនុវត្ត នាំមកនូវប្រសិទ្ធភាពជាក់ស្តែង។

កសិករនៅទ្រីតូងកំពុងយកទឹកត្នោត។

កាលពីខែតុលា ឆ្នាំ២០១៨ ឃុំអូរឡឹម ស្រុកទ្រីតូង សមាគមកសិករខេត្តអាងយ៉ាង បានរៀបចំបង្ហាញមុខកន្លែង សំចតដំណើរឧទ្ទេសនាមផលិតផលច្នៃពីដើមត្នោត។ លោកទីវឌិញហ៊ីវញឹងហូវ ប្រធានសមាគមកសិករឃុំអូរឡឹម ឲ្យដឹង៖ កន្លែងសំចតដំណើរ គឺជាកន្លែងលក់ផលិតផលស្ករត្នោតរបស់មាមីងក្នុងភូមិរបរផលិតស្ករត្នោតចំនួន២០គ្រួសារនៅភូមិភឿកឡើយ។ ដូច្នេះសង្ឃឹមថា កន្លែងសំចតដំណើរនេះពង្រីកបានប្រសិទ្ធភាព-គឺជាកន្លែងឧទ្ទេសនាមផលិតផលពីដើមត្នោតដល់ភ្ញៀវទេសចរផង នឹងរួមចំណែកបង្កើនប្រាក់ចំណូលដល់គ្រួសារមាមីងខ្មែរក្នុងភូមិរបរផង។

បានដឹងថា កន្លែងសំចតដំណើរឧទ្ទេសនាមផលិតផលច្នៃពីដើមត្នោតនៅឃុំអូរឡឹម គឺជាកន្លែងដំបូង ហើយជាកន្លែងមួយក្នុងចំណោមកន្លែងទាំង៥ ចំណុះគម្រោង “លើកកម្ពស់ផលប្រយោជន៍ពីការបង្កបង្កើនផល និងការប្រើប្រាស់ស្ករត្នោតដល់មាមីងខ្មែរក្រីក្រនៅខេត្តអាងយ៉ាង”។ ម្យ៉ាងទៀត គម្រោងអាស្រ័យអង្គការអភិវឌ្ឍ ប្រភពធនធានមនុស្សជនបទទ្វីបអាស៊ី (AsiaDHRRA) ធ្វើហិរញ្ញប្បទាន។ អំឡុងពេលផ្សព្វផ្សាយគម្រោងគឺ៣ឆ្នាំ (ចាប់ពីខែកក្កដា ឆ្នាំ២០១៦ ដល់ខែកក្កដា ឆ្នាំ២០១៩) នៅឃុំចំនួន៧របស់ស្រុកទិញបៀង និងឃុំចំនួន៣របស់ស្រុកទ្រីតូង ដោយមានប្រភពហិរញ្ញវត្ថុ ដែលកៀរគរបានជិត១,៣ពាន់លានដុង។ ក្រៅពីនេះ គម្រោងក៏បានកសាងយីហោផលិតផលប្រកបដោយលក្ខណៈរបស់ប្រជាជនខ្មែរអាងយ៉ាង។ ផ្តើមពីនោះ លើកកម្ពស់គុណភាពនិងបង្កើនតម្លៃផលិតផល ពង្រីករបរប្រពៃណី សង្ឃឹមថានឹងបង្កើតបានការងារធ្វើ ព្រមទាំងរកបានប្រាក់ចំណូលលំនឹងដល់ប្រជាជនចូលរួមប្រមាណជិត២០០គ្រួសារ មានពលករជនជាតិខ្មែរចូលរួមជាង៦០០នាក់។

លោកម៉ែនផល្លី ប្រធានគណៈជនជាតិខេត្តអាងយ៉ាង ឲ្យដឹង៖ ចាប់ពីឆ្នាំ២០១៤ មកទល់ពេលនេះ អាងយ៉ាងមានអង្គការក្រៅរដ្ឋាភិបាលបរទេសនិងអង្គការក្នុងប្រទេសចំនួន២៧ ផ្សព្វផ្សាយ អនុវត្តគម្រោងចំនួន៣០ និងក្រៅគម្រោងចំនួន២៦ ឧបត្ថម្ភអភិវឌ្ឍសេដ្ឋកិច្ច-សង្គមដល់តំបន់ជនរួមជាតិភាគតិច។ ថវិកាសរុបប្រមាណជិត៧៧០ពាន់លានដុង ក្នុងនោះ ដើមទុនបដិភាគប្រមាណជិត១៦៦ពាន់លានដុង។ នៅរាល់គម្រោងនិងក្រៅគម្រោង តែងបានអង្គការក្រៅរដ្ឋាភិបាលបរទេស សហការជាមួយដៃគូជាក់ស្តែងនៅភូមិភាគដើម្បីផ្សព្វផ្សាយ។ ឃើញថារូបភាពផ្សព្វផ្សាយអនុវត្តគម្រោង សំខាន់គឺផ្ទេរថវិកាឧបត្ថម្ភតាមដំណើរការអនុវត្តគម្រោង។ ចំណែកការអនុវត្តក្រៅគម្រោង គឺផ្តល់ជូនរបស់របរដល់អ្នកទទួលប្រយោជន៍។ ម្យ៉ងទៀត វិស័យសំខាន់ៗមួយចំនួនត្រូវបានវិនិយោគ ឧបត្ថម្ភ ដូច៖ គម្រោងទប់ស្កាត់បម្រែបម្រួលអាកាសធាតុ ថែទាំសុខភាព ពិនិត្យព្យាបាលជំងឺ ផ្តល់ជូនឧបករណ៍ពេទ្យ ផ្តល់ថ្នាំដោយឥតគិតថ្លៃ ផ្គត់ផ្គង់ប្រព័ន្ធចម្រោះទឹកស្អាត កសាងនិងជួសជុលហេដ្ឋារចនាសម្ព័ន្ធមូលដ្ឋានអប់រំ បន្ទប់រៀន បន្ទប់អនាម័យ បណ្ណាល័យ។ល។ នាំមកនូវអត្ថន័យជាក់ស្តែងដល់តំបន់ជនរួមជាតិភាគតិច៕

ថាញ់ឡុង-លីសៀ

ចែករំលែកអត្ថបទ

ពាក្យគន្លឹះ