សន្តិសុខ - ការពារប្រទេស ការពារប្រទេស

30/12/2018 - 19:31

សុកត្រាំង៖ អនុវត្ត"ទិវាការពារព្រំដែន ទូទាំងប្រជាជន"

អស់រយៈពេល១០ឆ្នាំ អនុវត្ត"ទិវាការពារព្រំដែនទូទាំងប្រជាជន" ដំណាក់កាល២០០៩-២០១៩ កងទ័ពការពារព្រំដែនខេត្តសុកត្រាំង អនុវត្តបានល្អភារកិច្ចគ្រប់គ្រង ការពារអធិបតេយ្យដែនសមុទ្រ កសាងនិងរក្សាខ្ជាប់ខ្សែបន្ទាត់ព្រំដែនពីមួយថ្ងៃទៅមួយថ្ងៃកាន់តែរឹងមាំរៀបរយ។

តំណាងថ្នាក់ដឹកនាំកងទ័ពការពារព្រំដែនខេត្តសុកត្រាំង ប្រគល់គោចិញ្ចឹមបន្តពូជ

ដល់គ្រួសារខ្មែរក្រីក្រតំបន់ដែនសមុទ្រ ចំណុះឃុំទ្រុងប៊ិញ ស្រុកត្រឹងដេ។

តំបន់ព្រំដែនសមុទ្រនៅខេត្តសុកត្រាំង រួមមាន១១ឃុំ សង្កាត់ ទីប្រជុំជន ចំណុះស្រុកកូវឡាវយុង ត្រឹងដេ និងក្រុងវិញចូវ ដោយមានចំនួនប្រជាជនជាង១៩៧.៧០០នាក់ (ស្រូបអត្រា១៥,២០%នៃចំនួនប្រជាជនទូទាំងខេត្ត)។ ម្យ៉ាងទៀត ប្រជាជននៅតំបន់ព្រំដែនសមុទ្រ សំខាន់គឺប្រកបរបរកសិកម្ម របរនេសាទនិងចិញ្ចឹមជលផលជាដើម។ តាមប្រសាសន៍វរសេនីយ៍ឯក ង្វៀនឌឹកកឿង ស្នងការនយោបាយនៃកងទ័ពការពារព្រំដែនខេត្តសុកត្រាំង ឲ្យដឹង៖ អស់រយៈពេល១០ឆ្នាំធ្វើសកម្មភាព"ទិវាការពារព្រំដែនទូទាំងប្រជាជន" កងទ័ពការពារព្រំដែនខេត្ត បានសហការជាមួយគណៈកម្មាធិការបក្ស រដ្ឋអំណាចភូមិភាគគ្រប់លំដាប់ថ្នាក់អនុវត្តផ្សារភ្ជាប់នឹងចលនាប្រឡងប្រណាំង និងការចលនានានាដូច៖ “ទូទាំងប្រទេសសាមគ្គីរួមកម្លាំងកសាងជនបទថ្មី” “លំនៅឋានសម្រាប់អ្នកក្រនៅតំបន់ព្រំដែន កោះសមុទ្រ” “ឧបត្ថម្ភគោចិញ្ចឹមបន្តពូជដល់អ្នកក្រតំបន់ព្រំដែន” “ជម្រុញដំណើរប្អូនៗទៅកាន់សាលា” យុទ្ធនាការ “ចូរសម្អាតបរិស្ថានសមុទ្រ"។ល។ បាននាំមកនូវប្រយោជន៍ជាក់ស្តែងដល់តំបន់ដែនសមុទ្រ។ ទន្ទឹមនឹងនោះកងទ័ពការពារព្រំដែនសុកត្រាំង ថែមទាំងសហការជាមួយផ្នែកពាក់ព័ន្ធចលនាសាងសង់ផ្ទះឧបការគុណ ផ្ទះមេត្តាធម៌ ផ្ទះមិត្តរួមកងបានចំនួន១.២០៥ខ្នង គិតជាតម្លៃទឹកប្រាក់សរុបជិត៥០ពាន់លានដុង; ពិនិត្យព្យាបាលជំងឺនិងផ្តល់ថ្នាំដោយឥតគិតថ្លៃជូនប្រជាជនជិត៣.០០០លើកនាក់; ជូនអំណោយរាប់សិបពាន់ចំណែកដល់គ្រួសារគោលនយោបាយ គ្រួសារក្រីក្រលើភូមិសាស្រ្តក្នុងឱកាសបុណ្យទាន; បន្តរក្សាទម្រង់ចិញ្ចឹមពពែ ចិញ្ចឹមគោបន្តពូជ ដាំដំណាំរួមផ្សំ ជួញដូរកំប៉ិចកំប៉ុកចំនួន៩ទម្រង់ ជាមួយទឹកប្រាក់ជាង២,៥ពាន់លានដុង ជួយប្រជាជនរាប់រយគ្រួសារចាកផុតពីភាពក្រីក្រ។

កងទ័ពការពារព្រំដែនសុកត្រាំង ពង្រីកបានល្អនូវតួនាទីស្នូលរបស់ខ្លួន គឺច្បាមប្រជាជន ច្បាមភូមិសាស្រ្ត ពង្រីកធ្លុងមហាសាមគ្គីទូទាំងជនជាតិ ក្នុងការចូលរួមការពារអធិបតេយ្យដែនសមុទ្រ។ តួយ៉ាងដូចជាសហការពង្រឹង កសាងក្រុមស្វ័យគ្រប់គ្រងចំនួន៣៩៤ក្រុម បង្កើតក្រុមទាញយកផលជលផល២៧ក្រុម សាជីវកម្មរបរនេសាទចំនួន២ និងកងប្រជាការពារចំនួន៨៣។ ព្រះតេជព្រះគុណតាំងវណ្ណា ព្រះចៅអធិការវត្តតាំងយូ ឃុំឡាយហ្វា ក្រុងវិញចូវ មានថេរដីកា៖ "ដោយបានការចលនាពីប៉ុស្តិ៍ការពារព្រំដែនវិញហាយ ថ្នាក់ដឹកនាំក្រុងវិញចូវបានចុះមកផ្សព្វផ្សាយពីខ្លឹមសារ៥យ៉ាង “ទិវាការពារព្រំដែនទូទាំងប្រជាជន”។ អាត្មាភាពព្រមទាំងគណៈកម្មការវត្ត តែងមានស្មារតីភ្ញាក់រលឹកនូវតួនាទី ភារកិច្ច ខ្នះខ្នែងចូលរួមជាមួយរណសិរ្សមាតុភូមិ និងគណៈ ផ្នែក អង្គការមហាជននៅភូមិភាគ និងប៉ុស្តិ៍ការពារព្រំដែនវិញហាយ ផ្សព្វផ្សាយចលនាពុទ្ធបរិស័ទលើភូមិសាស្រ្តអំពីគោលការណ៍ គោលមាគ៌ារបស់បក្ស គោលនយោបាយនិងក្រឹត្យច្បាប់របស់រដ្ឋ និងរាល់សេចក្តីកំណត់របស់ភូមិភាគ។ ផ្តើមពីនោះ លើកកម្ពស់ស្មារតីភ្ញាក់រលឹកក្នុងការរក្សាអត្តសញ្ញាណជាតិ; ចូលរួមចលនាមហាជនការពារសន្តិសុខមាតុប្រទេស រួមចំណែករក្សាខ្ជាប់សន្តិសុខសណ្តាប់ធ្នាប់នយោបាយ សុវត្ថិភាពសង្គមនៅភូមិភាគ"។

វរសេនីយ៍ឯក ង្វៀនឌឹកកឿង ស្នងការនយោបាយនៃកងទ័ពការពារព្រំដែនសុកត្រាំង ឲ្យដឹង៖ កងទ័ពការពារព្រំដែនគ្រប់លំដាប់ថ្នាក់ តែងធ្វើសេនាធិការជូនគណៈកម្មាធិការបក្ស រដ្ឋអំណាចភូមិភាគ កសាងប្រព័ន្ធនយោបាយនៅឃុំ សង្កាត់ ទីប្រជុំជនតំបន់ដែនសមុទ្ររឹងមាំ; បន្តការលើកកម្ពស់ប្រសិទ្ធភាពសកម្មភាព "ទិវាការពារព្រំដែនទូទាំងប្រជាជន" រួមចំណែកកសាងគ្រប់គ្រងនិងរក្សាខ្ជាប់អធិបតេយ្យសន្តិសុខព្រំដែនជាតិ៕

ត្រឿងផល-លីសៀ

ចែករំលែកអត្ថបទ

ពាក្យគន្លឹះ