ជារៀងរាល់ថ្ងៃ ទោះបីភ្លៀងខ្យល់យ៉ាងណាក៏ដោយ នៅតាមខ្សែបន្ទាត់ព្រំដែនវៀតណាម-កម្ពុជា លើភូមិសាស្រ្តខេត្តឡុងអាន តែងមានស្នាមជើងកងយុទ្ធជនការពារព្រំដែន ដើរល្បាតការពាររឹងមាំ បន្ទាត់ព្រំដែនរបស់មាតុភូមិ។
បង្កើនកិច្ចសហប្រតិបត្តិការក្នុងការគ្រប់គ្រងការពារអធិបតេយ្យ សន្តិសុខព្រំដែន។
នៅពាក់កណ្តាលខែមេសា យើងខ្ញុំមានឱកាសទៅកាន់ប៉ុស្តិ៍ការពារព្រំដែនសុងត្រាំងនេះជាប៉ុស្តិ៍ការពារព្រំដែនឆ្ងាយបំផុតរបស់ខេត្ត។ ប៉ុស្តិ៍កំពុងគ្រប់គ្រងខ្សែបន្ទាត់ព្រំដែនប្រវែង១៥,២គីឡូម៉ែត្រ ចាប់ពីប៉ុស្តិ៍ការពារព្រំដែនបេនភោដល់ប៉ុស្តិ៍ការពារព្រំដែនថុងប៊ិញ ខេត្តដុងថាប ជាប់ព្រំដែននឹងឃុំក្រួស ឃុំចាម ឃុំជាងដែក ស្រុកកំពង់ត្របែកខេត្តព្រៃវែង និងឃុំស្វាយធំ ស្រុកស្វាយជ្រំ ខេត្តស្វាយរៀង ព្រះរាជាណាចក្រកម្ពុជា។
មេឃក្តៅបែកផ្សែង បណ្តាលឲ្យផ្លូវចាប់ពីស្ពានមិត្តភាព១ដល់ប៉ុស្តិ៍ការពារព្រំដែនខ្យល់បក់បោកធូលីហុយទ្រលោម។ ថ្ងៃសៅរ៍ កម្មាភិបាលយុទ្ធជនស្ទើរតែទាំងអស់កំពុងបំពេញភារកិច្ចនៅតាមដំណាក់ការពារព្រំដែន អាស្រ័យប៉ុស្តិ៍គ្រប់គ្រង។ ទទួលយើងខ្ញុំក្រៅពីសមមិត្ត ង្វៀនស្វឹនលិញ ស្នងការនយោបាយអនុប្រធានប៉ុស្តិ៍ការពារព្រំដែនសុងត្រាំង នៅទាំងមានកម្មាភិបាលយុទ្ធជនមួយចំនួនទៀត។ អនុសេនីយ៍ឯកង្វៀនស្វឹងលិញ ឲ្យដឹង៖ “ទោះបីចុងសប្តាហ៍គឺជាថ្ងៃសម្រាករបស់អ្នកទាំងឡាយ ប៉ុន្តែចំពោះកងកម្លាំងកងទ័ពការពារព្រំដែន នៅតែផ្លាស់គ្នាដើរល្បាត ការពាររឹងមាំតាំងពីមួយតឹកដីដ៏ពិសិដ្ឋរបស់មាតុភូមិ”។
តាមប្រសាសន៍របស់លោកអនុសេនីយ៍ឯក ង្វៀនស្វឹងលិញ ប៉ុស្តិ៍កំពុងគ្រប់គ្រងបង្គោលព្រំដែនភ្លោះ១ និងបង្គោលបន្សំចំនួន១៣ ជារៀងរាល់ថ្ងៃកម្មាភិបាលយុទ្ធជននៃប៉ុស្តិ៍ការពារព្រំដែនចែកគ្នា២ក្រុម ដើរល្បាតតាមបណ្តោយខ្សែបន្ទាត់ព្រំដែន រៀងរាល់រាត្រី តែងរក្សាក្រុមដើរល្បាតដោយសហការនឹងកម្មាភិបាល យុទ្ធជនការពារព្រំដែននិងកងកម្លាំងនគរបាល កងយោធាឃុំនានានៅតំបន់ព្រំដែន។ លោកអនុសេនីយ៍ឯក ង្វៀនស្វឹងលិញ ឲ្យដឹងបន្ថែម៖ “ថ្វីដ្បិតតំបន់ប៉ុស្តិ៍គ្រប់គ្រងមានស្ថានភាពលំនឹង ប៉ុន្តែការងារដើរល្បាតការពារព្រំដែននៅជួបលំបាកច្រើន។ នៅរដូវភ្លៀងផ្លូវដើរល្បាតចុងបំផុតនៃខ្សែបន្ទាត់ព្រំដែនឡុងអាន ជាប់នឹងខេត្តដុងថាបប្រវែង៥គីឡូម៉ែត្រ មិនអាចបើកម៉ូតូបាន។ នៅពេលភ្លៀងម្តងៗ យុទ្ធជនការពារព្រំដែនត្រូវដើរលុយភក់។ ទោះជាលំបាកយ៉ាងណាក៏ដោយ បងប្អូនយុទ្ធជនតែងអស់ពីចិត្តពីថ្លើមក្នុងការការពាររក្សាលំនឹងព្រំដែន ហើយចាតទុកជាភារកិច្ចដ៏ពិសិដ្ឋរបស់យុទ្ធជនការពារព្រំដែន" ។
ចាកចេញពីប៉ុស្តិ៍ការពារព្រំដែនសុងត្រាំង យើងខ្ញុំទៅកាន់ប៉ុស្តិ៍ការពារព្រំដែនបេនភោ។ ដងផ្លូវដើរល្បាតការពារព្រំដែន អាស្រ័យប៉ុស្តិ៍គ្រប់គ្រងត្រូវបានចាក់បេតុង។ យើងខ្ញុំជិះម៉ូតូបណ្តើរសំណេះសំណាលបណ្តើរ លោកវរសេនីយ៍ត្រី ហ្វាងវ៉ាន់យុង ស្នងការនយោបាយប៉ុស្តិ៍ការពារព្រំដែនសុងត្រាំង ចង្អុលបង្ហាញខ្ញុំរាល់កំណាត់ផ្លូវ រាល់តំបន់បង្គោលព្រំដែន អាស្រ័យប៉ុស្តិ៍គ្រប់គ្រង។ លោកយុង ឲ្យដឹង៖ “ប៉ុស្តិ៍កំពុងគ្រប់គ្រងខ្សែបន្ទាត់ព្រំដែនប្រវែង២២,៥គីឡូម៉ែត្រ ក្នុងនោះ ផ្លូវទឹកប្រវែង១៧,៥គីឡូម៉ែត្រ ផ្លូវគោកប្រវែង៥គីឡូម៉ែត្រជាប់ឃុំចំនួន៤ គឺបាសាក់ ចំឡុង ចំបក់ និងឃុំក្រួស ស្រុកស្វាយជ្រំខេត្តស្វាយរៀង ព្រះរាជាណាចក្រកម្ពុជា។ តំបន់ព្រំដែនដែលប៉ុស្តិ៍គ្រប់គ្រងដាក់ពង្រាយដំណាក់ការពារព្រំដែនចំនួន៤ និងកងត្រួតពិនិត្យរដ្ឋបាលទាំងឡាយធ្វើការគ្រប់គ្រងព្រំដែនទូទៅ។ ជារៀងរាល់សប្តាហ៍ ក្រុមប្រដាប់អាវុធរបស់ប៉ុស្តិ៍ បន្តរក្សាការដើរល្បាតព្រំដែនជាប្រចាំ។ ឆ្នាំ២០១៧ ប៉ុស្តិ៍ចាត់ក្រុមល្បាតការពារព្រំដែន១.៤៤០ក្រុម ដោយមានកម្មាភិបាលយុទ្ធជនចំនួន៧.២០០លើកនាក់ចូលរួម។ ក្រៅពីនោះ ប៉ុស្តិ៍នៅទាំងសហប្រតិបត្តិការជាមួយនឹងកងកម្លាំងឈរជើងលើភូមិសាស្រ្ត ចាត់ចែងដើរល្បាតបានជិត១០០លើក ដោយមានអ្នកចូលរួមចំនួន៤៨០នាក់។ ដោយឡែកក្នុង៣ខែដើមឆ្នាំ២០១៨ ប៉ុស្តិ៍រៀបចំដើរល្បាតនិងត្រួតពិនិត្យចំនួន៣៦០លើក។ នៅតាមខ្សែបន្ទាត់ព្រំដែនសុទ្ធតែដិតដានស្នាមជើងយុទ្ធជនការពារព្រំដែន"។ លោកវរសេនីយ៍ត្រី ហ្វាងវ៉ាន់យុង ចែករំលែកដូច្នេះ។
ក៏ដូចជាប៉ុស្តិ៍ការពារព្រំដែនផ្សេងៗដែរ នៅតាមបន្ទាត់ព្រំដែនរបស់ខេត្តដងផ្លូវដើរល្បាតព្រំដែន អាស្រ័យប៉ុស្តិ៍ការពារព្រំដែនត្វៀងប៊ិញគ្រប់គ្រងប្រមាណជាង៦គីឡូម៉ែត្រ ប៉ុន្តែដើម្បីទៅដល់ផ្លូវដើរល្បាតព្រំដែន កម្មាភិបាល យុទ្ធជនរបស់ប៉ុស្តិ៍ត្រូវទៅដោយទូកឡើងច្រាំងបន្តដំណើរមួយកំណាត់ផ្លូវឬក៏ដើរវាងតាមផ្លូវទីរួមខេត្តកៀងតឿង។ ប៉ុន្តែ ជារៀងរាល់ថ្ងៃ កម្មាភិបាល យុទ្ធជនរាប់សិបលើកនាក់របស់ប៉ុស្តិ៍ផ្លាស់វេនដើរល្បាត ត្រួតពិនិត្យ ធានាសុវត្ថិភាពតំបន់ព្រំដែន។ គិតដោយឡែកក្នុងឆ្នាំ២០១៧ ប៉ុស្តិ៍ចាត់ចែងដើរល្បាត ការពារព្រំដែន បង្គោលព្រំដែនបានចំនួន៤០០ពេល ដោយមានកម្មាភិបាល យុទ្ធជនចូលរួមជិត២.៨០០លើក។ ចាប់ពីដើមឆ្នាំ២០១៨មកទល់នឹងបច្ចុប្បន្ន ប៉ុស្តិ៍ចាត់ចែងដើរល្បាតបាន២១១ពេល ដោយមានកម្មាភិបាលយុទ្ធជនចូលរួមជិត១.៥០០លើក។ល។ ថ្វីដ្បិតជារៀងរាល់ឆ្នាំចូលរួមដើរល្បាតរាប់រយលើកក៏ដោយ ប៉ុន្តែពេលឈរនៅកណ្តាលព្រំដែនម្តងៗ ពិសេសគឺឈរក្បែរបង្គោលព្រំដែន យុទ្ធជនមានអារម្មណ៍រំភើប។
ទើបចេញសាលា យុទ្ធជនយឺឌិញបាំង មានស្រុកកំណើតនៅហាណូយមកទទួលភារកិច្ចនៅកងទ័ពការពារព្រំដែនខេត្តឡុងអាន។ ក្រោយពីរយៈកាល១៦ឆ្នាំ បច្ចុប្បន្ន បងមានតួនាទីជាប្រធានប៉ុស្តិ៍ការពារព្រំដែនត្វៀងប៊ិញ។ ពិតមែនជាកម្មាភិបាលគ្រប់គ្រងប៉ុស្តិ៍ក៏ដោយ ប៉ុន្តែបងតែងចូលរួមនឹងកម្មាភិបាលយុទ្ធជនក្នុងការដើរល្បាតព្រំដែនជាប្រចាំ។ ឆ្លងកាត់រាប់ពាន់លើកដើរ ល្បាតប៉ុន្តែពេលបំពេញភារកិច្ចម្តងៗបងរំភើបចិត្តណាស់ ពិសេសគឺពេលធ្វើការគោរពបង្គោលព្រំដែន។ បង ឲ្យដឹង៖ “តាមផ្លូវដើរល្បាតទៅដល់បង្គោលព្រំដែននីមួយៗ បន្ទាប់ពីអនុវត្តការងារត្រួតពិនិត្យ បោសសម្អាតកាប់ឆ្ការព្រៃគុម្ពោត កម្មាភិបាល យុទ្ធជនតែងតែអនុវត្តពិធីគោរពបង្គោលព្រំដែន។ ទោះបីអនុវត្តពិធីនេះរាប់ពាន់លើកក៏ដោយ ប៉ុន្តែពេលឈរក្បែរបង្គោលព្រំដែនអនុវត្តពិធីគោរពម្តងៗខ្ញុំរំភើបចិត្តក្រៃលែង ពីព្រោះវាបញ្ជាក់អធិបតេយ្យដែនដី ប្រទេសជាតិ"។ ក៏ដូចជាអ្នកបញ្ជាការរបស់អង្គភាព យុទ្ធជនឡេតឹងដាក ទើបចូលក្នុងជួរទ័ពពុំទាន់បានមួយឆ្នាំក៏ដោយ ប៉ុន្តែបានចូលរួមល្បាតជាមួយនឹងមិត្តរួមកងរាប់រយលើក។ មកទល់នឹងបច្ចុប្បន្ន នៅតាមតំបន់ខ្សែបន្ទាត់ព្រំដែន បង្គោលព្រំដែនហាក់មានភាពជិតស្និទ្ធសម្រាប់បង។ “ពេលគោរពបង្គោលព្រំដែនម្តងៗ យុទ្ធជនដូចរូបខ្ញុំ ឃើញថាមានកិត្តិយសថ្លៃថ្នូរបំផុតនៅតំបន់ព្រំដែនដ៏ល្វឹងល្វើយ។ ពីព្រោះបានចូលរួមដោយផ្ទាល់ក្នុងការការពារអធិបតេយ្យ សន្តិសុខព្រំដែន គឺជាកិត្តិយសសម្រាប់យុទ្ធជនពាក់ស័ក្តិខៀវ”។
លោកវរសេនីយ៍ឯក ដងវ៉ាន់អាន ប្រធានស្នងការនយោបាយនៃកងទ័ពការពារព្រំដែនខេត្តឡុងអាន ឲ្យដឹង៖ “ទោះបីភ្លៀង ខ្យល់យ៉ាងណាក៏ដោយ នៅតាមខ្សែបន្ទាត់ព្រំដែនវៀតណាម-កម្ពុជា លើភូមិសាស្រ្តខេត្តឡុងអាន ដិតដានដោយស្នាមជើងយុទ្ធជនការពារព្រំដែនដើរល្បាតការពាររឹងមាំ តាំងពីមួយតឹកដីដ៏ពិសិដ្ឋរបស់មាតុភូមិរក្សាភាពសុខសាន្តជូនប្រជាជន”៕
យោងៈកាសែតឡុងអាន-មុនី
ពាក្យគន្លឹះ
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
