គោលនយោបាយ -ការរស់នៅ ការរស់នៅ

19/03/2018 - 16:35

ដាំដំណាំលើដីស្រែ

ក្រោយពេលប្រមូលផលស្រូវរដូវប្រាំងរួច មាមីងកសិករនៅសុកត្រាំង បានសស្រាក់សស្រាំវិនិយោគទុនដាំដំណាំលើដីស្រែដើម្បីរកចំណូលបន្ថែមក្រោយពីប្រមូលផលស្រូវ។

បងហ្វាងណា នៅអនុសង្កាត់៦ សង្កាត់៧ ក្រុងសុកត្រាំង កំពុងស្រោចទឹកឪឡឹក។

បច្ចុប្បន្ន ឃុំសង្កាត់នានានៅលើភូមិសាស្រ្តខេត្ត ដូចជា៖ អាងនិញ អាងហ៊ីប ភូតឹង ស្រុកចូវថាញ់ និងភូម៉ីទ្វឹងហ៊ឹង ស្រុកម៉ីទូ; សង្កាត់៧ ក្រុងសុកត្រាំង វាលស្រែគ្របដណ្ដប់ដោយពណ៌បៃតងរបស់ដំណាំឪឡឹក ល្ពៅ ពោតបារាំងនិងដំណាំផ្សេងៗទៀត។ បងយ័ញហ្វាងណា នៅអនុសង្កាត់៦ សង្កាត់៧ ក្រុងសុកត្រាំង ឲ្យដឹង៖ “ខ្ញុំដាំដំណាំលើដីស្រែជាង១០ឆ្នាំមកហើយ និងផ្ដល់ប្រាក់ចំណូលខ្ពស់គួរសម។ ដាំដំណាំ មួយកុងរកប្រាក់ចំណេញមធ្យមភាគពី១០-១២លានដុង ឆ្នាំនេះ ខ្ញុំដាំឪឡឹក២កុង ល្ពៅ២កុង ពោតបារាំង២កុងបន្តទៀត។ បច្ចុប្បន្ន ដំណាំរបស់ខ្ញុំកំពុងលូតលាស់បានជាង៣០ ថ្ងៃហើយ។ ខ្ញុំឃើញដាំដំណាំលើដីស្រែងាយស្រួលណាស់ ចំណាយដើមទុនតិច។ ក្រោយ ពីប្រមូលផលស្រូវរួចស្រេច ចាប់ផ្ដើមជីករណ្ដៅដាក់គ្រាប់ ហើយគ្រាន់តែចំណាយ កម្លាំងស្រោចទឹកនិងថែទាំហ្មត់ចត់គឺដំណាំនឹងផ្ដល់ផល។ បច្ចុប្បន្ន អាកាសធាតុអំណោយផល បន្ថយការប្រើថ្នាំការពាររុក្ខជាតិ ម៉្លោះហើយទុនវិនិយោគក៏តិចដែរ”។

បងថាច់រ៉ៀង ប្រធានសមាគមកសិករ សង្កាត់៧ ក្រុងសុកត្រាំង ឲ្យដឹង៖ បច្ចុប្បន្ន ទូទាំងសង្កាត់មានផ្ទៃដីដាំដំណាំលើដីស្រែប្រហែល១៥ហិកតា។ នេះជាទម្រង់រូបភាពមួយនាំមកនូវប្រសិទ្ធភាពសេដ្ឋកិច្ចខ្ពស់និងលំនឹង។ ប្រសិនអំណោយផល និងលក់ដោយតម្លៃខ្ពស់ អាចរកប្រាក់ចំណេញជាង១០លានដុង/កុង ខ្ពស់ជាងបើប្រៀបនឹងផលិតស្រូវ រដូវដើមឆ្នាំ។ នេះជាទម្រង់រូបភាពងាយផលិត ទុនវិនិយោគតិចនិងរយៈពេលដំណាំ លូតលាស់ឆាប់ ម៉្លោះហើយសមស្របក្នុងការផលិតនារដូវប្រាំង។ ទម្រង់រូបភាពដាំដំណាំលើដីស្រែប្រកបដោយប្រសិទ្ធភាពនេះ ពីមួយថ្ងៃទៅមួយថ្ងៃកាន់តែមានគ្រួសារខ្មែរ ជាច្រើន បង្វែរពីផលិតស្រូវរដូវប្រាំងមកដាំដំណាំវិញ។ បងឡឹមអង អនុសង្កាត់៦ សង្កាត់៧ ក្រុងសុកត្រាំង រៀបរាប់៖ “ប៉ុន្មានឆ្នាំមុន ក្រោយពីប្រមូលផលស្រូវរដូវប្រាំង ខ្ញុំចោលដីទំនេរ រង់ចាំដល់រដូវធ្លាក់ទឹកភ្លៀងទើបចាប់ផ្ដើមធ្វើ។ ឆ្នាំកន្លងហើយ ខ្ញុំដាំសាកល្បងឪឡឹក២កុង ចំណេញជិត១០លានដុង/កុង។ ឆ្នាំនេះ ខ្ញុំដាំឪឡឹក២កុង ល្ពៅ២កុង ត្រសក់២កុងលើដីស្រែបន្តទៀត ហើយបច្ចុប្បន្នដំណាំកំពុងលូតលាស់ល្អ មុខជាអំណោយផលជាក់ជាមិនខាន”។

ទម្រង់រូបភាពដាំដំណាំលើដីស្រែនៅតំបន់ជនរួមជាតិខ្មែរសុកត្រាំង បានរួមចំណែក បង្កើតការងារធ្វើជូនមាមីងកសិករ ក្រោយពេលទំនេរពីការងារស្រែ៕

ត្រឿងផល-ទីទុយ

ចែករំលែកអត្ថបទ

ពាក្យគន្លឹះ