ព្រឹត្តិការណ៍ - នយោបាយ ព្រឹត្តិការណ៍

16/10/2017 - 14:31

បិទវគ្គសន្និបាតលើកទី៦ គណៈ ប្រតិបត្តិការមជ្ឈិមបក្ស នីតិកាលXII

ក្រោយរយៈពេល៧ថ្ងៃធ្វើ ការយ៉ាងរួសរាន់ មធ្យ័តនៅថ្ងៃ១១ តុលា ឆ្នាំ២០១៧ សន្និបាតលើកទី៦ របស់គណៈប្រតិបត្តិការមជ្ឈិមបក្ស នីតិកាលXII បានបិទវគ្គ សម្រេចទាំងស្រុងខ្លឹមសារ ដែលកម្មវិធីបានដាក់ចេញ។

អគ្គលេខា ង្វៀនភូត្រុង ថ្លែងសុន្ទរកថា បើកអង្គសន្និបាត។ រូបៈ ទ្រីយ៉ុង -TTXVN

គណៈប្រតិបត្តការមជ្ឈិមបានឯកភាព បញ្ជាក់ថា ក្នុង៩ខែដើមឆ្នាំ២០១៧អាស្រ័យដោយការខិតខំយ៉ាងពេញទំហឹង ក្នុងទូទាំងបក្ស ទូទាំងប្រជាជន ទូទាំងកងទ័ព ឃើញថាសេដ្ឋកិច្ច-សង្គមកិច្ចប្រទេសយើង មានការវិវឌ្ឍសកម្មជាបន្ត និងគ្រប់ជ្រុងជ្រោយលើរាល់វិស័យ។ សេដ្ឋកិច្ចមានកំណើនបង្គួរត្រៃមាសក្រោយតែងមានកំណើនខ្ពស់ជាងត្រៃមាសមុន នៅត្រៃមាសទី៣ មានកំណើន៧,៤៦%បង្កើនកម្រិតកំណើនជាមធ្យមភាគនៅត្រៃមាសទី៣ឡើង៦,៤១%។ គណៈប្រតិបត្តិការមជ្ឈិម បញ្ជាក់ថា ឆ្នាំ២០១៨គប្បីបន្តការធានាលំនឹងម៉ាក្រូសេដ្ឋកិច្ច គ្រប់គ្រងឲ្យបានអតិភរណា បង្កើនគុណភាពកំណើនកែលម្អជីវភាពប្រជាជន និងធានាសុខុមាលភាពសង្គម។ បង្កបានការវិវឌ្ឍយ៉ាងច្បាស់ក្រឡែតក្នុងការអនុវត្តភាពទម្លុះទំលាយជាយុទ្ធសាស្រ្តទាំង៣ ផ្លាស់ថ្មីទម្រង់រូបភាពកំណើនផ្សារភ្ជាប់នឹងធ្វើរចនាសម្ពន្ធឡើងវិញនូវខឿនសេដ្ឋកិច្ច លើកកម្ពស់ទិន្នផលការងារ និងកម្លាំងប្រជែងនៃខឿនសេដ្ឋកិច្ច។ អភិវឌ្ឍវប្បធម៌អនុវត្តប្រជាធិបតេយ្យនិងសមភាពសង្គម។ ទប់ទល់មានប្រសិទ្ធភាពចំពោះការប្រែប្រួលនៃអាកាសធាតុ ម្ចាស់ការបង្ការប្រឆាំងគ្រោះធម្មជាតិ បង្កើនការគ្រប់គ្រងធនធាន ការពារបរិស្ថានអនាម័យសុវត្ថិភាពចំណីអាហារ។ ជម្រុញមាំការកែទម្រង់រដ្ឋបាល រៀបចំអង្គការចាត់តាំងសកម្មភាពមានសុពលភាពនិងប្រសិទ្ធភាព។ បន្តការជម្រុញយ៉ាងខ្លាំងក្លានូវការប្រឆាំងនឹងអំពើពុករលួយ ខ្ជះខ្ជាយធានាសន្តិសុខការពារប្រទេស រក្សាលំនឹងបរិស្ថានសន្តិភាព ចីរភាព ម្ចាស់ការនិងសកម្មក្នុងការធ្វើសមាហរណកម្មអន្តរជាតិ។

គណៈប្រតិបត្តិការមជ្ឈិមបញ្ជាក់៖ ការការពារថែទាំ បង្កើនសុខភាពគឺជាភារកិច្ចរបស់ប្រជាជនគ្រប់រូបគ្រប់គ្រួសារនិងប្រព័ន្ធនយោបាយទាំងមូលក៏ដូជាទូទាំងសង្គម។ ទាមទារការចូលរួមយ៉ាងសកម្មរបស់គណៈកម្មាធិការបក្ស រដ្ឋអំណាចរណសិរ្សមាតុភូមិ និងអង្គការនយោបាយ-សង្គមគ្រប់លំដាប់ថ្នាក់ក្នុងនោះផ្នែកសុខាភិបាល និងបណ្តាផ្នែកពាក់ព័ន្ធគឺជាកម្លាំងស្នូល។ គប្បីបន្តការជម្រុញការផ្លាស់ថ្មីបង្កើនគុណភាព បម្រើការអភិវឌ្ឍខឿនវេជ្ជសាស្រ្តវៀតណាមប្រកបដោយលក្ខណៈវិទ្យាសាស្រ្តជនជាតិ និង មហាជន។ កសាងខឿនសុខាភិបាលសមភាព ប្រសិទ្ធភាព គុណភាពនិងសមាហរណកម្ម។ អភិវឌ្ឍដោយតុល្យភាព ព្រមៗគ្នារវាងសុខាភិបាល ឧត្តានកម្ម និងសុខាភិបាលមុខជំនាញខ្ពស់រវាងពេទ្យយោធានិងពេទ្យប្រជាជន ផ្សារភ្ជាប់វេជ្ជសាស្រ្តបុរាណនឹងវេជ្ជសាស្រ្តទំនើប។ ដើម្បីអនុវត្តសម្រេចនូវទិសដៅ សំណូមពរដាក់ចេញ គប្បីផ្សព្វផ្សាយ អនុវត្តព្រមៗគ្នាបណ្តាភារកិច្ចនិងដំណោះស្រាយលើរាល់ផ្នែករាល់វិស័យ ដែលមានការពាក់ព័ន្ធដល់ការការពារថែទាំ បង្កើនសុខភាពជូនប្រជាជន។គណៈកម្មាធិការបក្ស រដ្ឋអំណាចរណសិរ្សមាតុភូមិ និងអង្គការនយោបាយ-សង្គមគ្រប់លំដាប់ថ្នាក់ គប្បីម្ចាស់ការសកម្មចូលរួម យកចិត្តទុកដាក់ ដឹកនាំ ចង្អុលការចលនាទូទាំងប្រជាជនចូលរួមលត់ដំរាងកាយ។ កែលម្អលក្ខណៈរស់នៅ ផ្នត់រស់នៅនិងធ្វើការ។ ការពារបរិស្ថានជីវសាស្រ្ត និងអនាម័យសុវត្ថិភាពម្ហូបអាហារ។ ឧស្សាហ៍ហាត់ប្រាណ លេងកីឡា ប្រជុំជីវភាពទៀងទាត់ត្រឹមត្រូវ។

គណៈប្រតិបត្តិការមជ្ឈិមវាយតម្លៃខ្ពស់ បណ្តាការខិតខំ ខ្នះខ្នែងក្នុងទូទាំងបក្ស ទូទាំងប្រជាជនក្នុងការអនុវត្តការងារចំនួនប្រជាជន និងផែនការគ្រួសារនៅប្រទេសយើងជាច្រើនឆ្នាំកន្លង ដោយទទួលបាននូវលទ្ធផលសំខាន់ៗជាច្រើន។ ជម្រុញការចលនាគូស្វាមីភរិយាគប្បីមានកូនត្រឹមពីរនាក់ ធានាសិទ្ធិនិងតួនាទីរបស់ឪពុកម្តាយក្នុងការកើត និងចិញ្ចឹមកូនល្អដើម្បីរក្សាកម្រិតកើតកូនជំនួសលើវិសាលភាពទូទាំងប្រទេស ដោយទ្រង់ទ្រាយចំនួនប្រជាជនសមស្រប (ប្រមាណ១០៤លាននាក់នៅឆ្នាំ២០៣០) ។

គណៈប្រតិបត្តិការមជ្ឈិមបានសង្កត់ធ្ងន់ទៅលើអត្ថន័យ សារសំខាន់នៃបញ្ហានេះ និងសំណូមពរក្នុងរយៈកាលខាងមុខ ទូទាំងប្រព័ន្ធនយោបាយ គប្បីម្ចាស់ការ សកម្មចូលរួម ត្រូវចាត់ទុកនូវការផ្លាស់ថ្មី រៀបចំអង្គការចាត់តាំងនៃប្រព័ន្ធនយោបាយ សកម្មភាពមានសុពលភាព ប្រសិទ្ធភាព គឺជាភារកិច្ចដ៏សំខាន់មួយ និងជាបន្ទាន់ មានអត្ថន័យចម្បងត្រូវបានចាត់ចូលក្នុងភារកិច្ចរួមនៃការកសាង រៀបចំបក្សផ្លាស់ថ្មីប្រព័ន្ធនយោបាយព្រមៗគ្នានឹងផ្លាស់ថ្មីសេដ្ឋកិច្ច ឆ្លើយតបសំណូមពរអភិវឌ្ឍសេដ្ឋកិច្ចទីផ្សារតាមទិសដៅសង្គមនិយម និងសមាហរណកម្មអន្តរជាតិ។

ក្នុងសន្និបាតលើកនេះ គណៈប្រតិបត្តិការមជ្ឈិមបានបោះឆ្នោតជ្រើសបំពេញបន្ថែមសមាជិកគណៈលេខាបក្ស នីតិកាលXII ចំនួន២រូប។ អនុវត្តការពិនិត្យធ្វើការពិន័យចំពោះសមមិត្ត ង្វៀនស្វឹងអាញ់ សមាជិកមជ្ឈិមបក្ស លេខាគណៈកម្មាធិការបក្ស ក្រុងដាណាំង។សម្រេចចិត្តបញ្ចប់សកម្មភាពនៃគណៈចង្អុលការតីបាក់ តីង្វៀន តីណាមបូ។ ចាត់តាំងឡើងវិញបក្ខភាគក្រៅ ប្រទេសនិងបក្ខភាគក្រសួងការបរទេស។ រៀបចំឡើងវិញអង្គការចាត់តាំងផ្លាស់ថ្មី សកម្មភាពនៃគណៈការពារ ថែទាំសុខភាពកម្មាភិបាល។

នៅក្នុងពិធីបិទវគ្គសន្និបាត លោកអគ្គលេខា បានអំពាវនាវទូទាំងបក្ស ទូទាំងប្រជាជន ទូទាំងកងទ័ពគប្បីបន្តការផ្សព្វផ្សាយ អនុវត្តយ៉ាងម៉ឺងមាត់ជាងទៀត មធ្យ័តជាងទៀតមានប្រសិទ្ធភាពជាងទៀតនូវសេចក្តីសម្រេចនៃមហាសន្និបាតលើកទី XII របស់បក្ស និងបណ្តាសេចក្តីសម្រេចរបស់មជ្ឈិមនីតិកាល XII ជាពិសេសគឺបណ្តាសេចក្តីសម្រេច សេចក្តីបញ្ជាក់នៃសន្និបាតមជ្ឈិមលើកនេះ ដើម្បីពង្រីកនូវលទ្ធផល សមិទ្ធផលដែលសម្រេចបានជំនះនូវភាពអន់ថយ ចំណុចខ្វះខាត សំដៅសម្រេចជោគជ័យទិសដៅ ភារកិច្ចចំពោះមុខដែលបានដាក់ចេញសម្រាប់ឆ្នាំ២០១៧-២០១៨ និងបណ្តាឆ្នាំបន្តបន្ទាប់ទៀត៕

TTXVN - ប្រែ៖ សុផន

ចែករំលែកអត្ថបទ

ពាក្យគន្លឹះ