សន្តិសុខ - ការពារប្រទេស ការពារប្រទេស

18/08/2015 - 09:06

ប្រសិទ្ធភាពចលនាប្រឡងប្រណាំង "ដើម្បីសន្តិសុខមាតុភូមិ" របស់កម្លាំងនគរបាល

ការចលនាប្រឡងប្រណាំងស្នេហាជាតិរបស់កម្លាំងនគរបាលប្រជាជន បានក្លាយជាកម្លាំងចលករលើកទឹកចិត្តកម្មាភិបាល យុទ្ធជនតស៊ូឈានឡើងលើគ្រប់វិស័យ រួមចំណែកអនុវត្តបានល្អនូវភារកិច្ចនយោបាយរបស់បក្ស រដ្ឋ និងប្រជាជនប្រគល់ជូន។

ឧត្តមសេនីយ៍ឯក ត្រឹងដាយក្វាង សមាជិកការិយាល័យ នយោបាយ
រដ្ឋមន្ត្រីក្រសួងនគរបាល ជូនបាច់ផ្កាដល់បុគ្គលគំរូជឿនលឿន។

ជាមួយនិងបធានបទ "ពង្រីកប្រវេណីដ៏ត្រចះត្រចង់ ម្ចាស់ការច្បាប់ ទម្លាប់ភារកិច្ច ប្រសិទ្ធភាពដើម្បីសន្តិសុខមាតុភូមិ ដើម្បីសុភមង្គលប្រជាជន" មហាសន្និបាតប្រឡងប្រណាំង "ដើម្បីសន្តិសុខមាតុភូមិ" លើកទី៧ បានផ្តុំកម្លាំងបូកសរុប វាយតម្លៃស្នាដៃសម្រេចបានក្នុងអំឡុង៥ឆ្នាំកន្លង ស្ងើចសរសើរនិងជូនរង្វាន់ដល់គំរូជឿនលឿននិងឆ្នើម ព្រមទាំងដាក់ចេញនូវទិសដៅ ភារកិច្ចជាបន្ត សំដៅជំរុញការចលនាប្រឡងប្រណាំង"ដើម្បីសន្តិសុខមាតុភូមិ" ក្នុងដំណាក់កាល២០១៥-២០២០។ ប៉ុន្មានឆ្នាំកន្លង ពង្រីកកម្លាំងសាមគ្គីចម្រុះរបស់ប្រព័ន្ធនយោបាយកម្លាំងនគរបាលប្រជាជន បានសកម្មម្ចាស់ការក្នុងការបង្ការបង្ក្រាប បើកយុទ្ធនាការជាច្រើនលើកបោសសម្អាតឧក្រិដ្ឋកម្មទូទាំងប្រទេស។ លទ្ធផលការងារត្រួតពិនិត្យបំបែករឿងក្តីព្រហ្មទ័ណ្ឌ គ្រឿងញៀនដ៏ធ្ងន់ធ្ងរ រឿងក្តីប្រើប្រាស់បច្ចេកវិជ្ជាខ្ពស់ បោកប្រាស់ ជំរិតយកប្រាក់ ចាប់ពង្រត់បានបង្ហាញនូវថ្វីដៃមោះមុត កម្រិតវិជ្ជាជីវៈ សមត្ថភាពការងារ ស្មារតីប្តេជ្ញាចិត្ត វាយលុកបង្ក្រាបឧក្រិដ្ឋកម្ម ឧបាយកល អង់អាចក្លាហាន ច្នៃប្រតិដ្ឋរបស់កម្លាំងនគរបាល។

សមូហភាព និងបុគ្គលជាច្រើនបង្កើតបានស្នាដៃឆ្នើម គំរូក្នុងការតស៊ូជាមួយនឹងឧក្រិដ្ឋកម្មគ្រប់ប្រភេទ ត្រូវបានលោកប្រធានរដ្ឋផ្ញើលិខិតស្ងើចសរសើរ និងជូនគ្រឿងឥស្សរិយយសយុទ្ធជ័យ បានលើកតម្កើងលើប្រព័ន្ធមធ្យោបាយព័ត៌មានមហាជន។ល។ ស្នាដៃនិងយុទ្ធជ័យគំរូទាំងនោះ បានបង្ហាញថ្វីដៃនយោបាយរឹងមាំរបស់យុទ្ធជននគរបាល ស្មោះត្រង់ចំពោះបក្ស ចំពោះមាតុភូមិ រួមចំណែកធ្វើឲ្យទំព័រប្រវត្តិសាស្រ្តរបស់កម្លាំងនគរបាលប្រជាជនវៀតណាមកាន់តែត្រចះត្រចង់។

ទន្ទឹមនឹងការចលនាប្រឡងប្រណាំង "ដើម្បីសន្តិសុខមាតុភូមិ" ប៉ុន្មានឆ្នាំកន្លង កម្លាំងនគរបាលប្រជាជនបានធ្វើសេនាធិការជូនបក្ស និងរដ្ឋ ប្រកាសឲ្យប្រើឯកសារយុទ្ធសាស្រ្តសំខាន់ៗជាច្រើន កៀរគរបានកម្លាំងទូទាំងប្រជាជន កម្លាំងទូទាំងប្រព័ន្ធនយោបាយក្នុងការចលនា "ទូទាំងប្រជាជនការពារសន្តិសុខមាតុភូមិ"។

ផ្តើមពីភាពជាក់ស្តែងនោះ បូកសរុបបាននូវបទពិសោធន៍សំខាន់ៗខាង ពង្រីកតួនាទីមហាជន សហការជាមួយនឹងផ្នែកអង្គការសង្គមនានា ក្នុងការកសាងចលនាប្រឡងប្រណាំងការពារសន្តិសុខមាតុភូមិ។ កម្លាំងនគរបាលប្រជាជនសហការស្អិតល្មួតជាមួយនឹងកងទ័ពប្រជាជនសកម្ម ឃោសនា ចលនាប្រជាជនចូលរួមក្នុងការចលនា"ទូទាំងប្រជាជនការពារសន្តិសុខមាតុភូមិ" សកម្មផ្លាស់ថ្មីខាងខ្លឹមសារ ទ្រង់ទ្រាយកៀកជិតនឹងជីវភាពប្រចាំថ្ងៃរបស់ប្រជាជនភាគច្រើន នាំមកនូវផលប្រយោជន៍ជូនប្រជាជន ផ្តើមពីនោះ ប្រជាជននឹងលើកកម្ពស់ស្មារតីប្រុងប្រយ័ត្ន និងស្ម័គ្រចិត្តផ្តល់ដំណឹងមានតម្លៃទាក់ទងដល់ការងារសន្តិសុខសណ្តាប់ធ្នាប់ ជួយឲ្យកម្លាំងនគរបាលរកគំហើញសើុបអង្កេត វិនិច្ឆ័យករណីស្មុគស្មាញជាច្រើន ខាងសន្តិសុខសណ្តាប់ធ្នាប់ ពិសេសគឺរឿងក្តីធំៗខាងអំពើពុករលួយ គ្រឿងញៀន ព្រហ្មទ័ណ្ឌ និងការប្រព្រឹត្តល្មើសបរិស្ថានជាដើម៕

មិញតៀង(នគរបាលប្រជាជន)-វិមាន

ចែករំលែកអត្ថបទ

ពាក្យគន្លឹះ