មហាសាមគ្គីជនជាតិ ភូមិស្រុកផ្លាស់ថ្មី

15/09/2015 - 08:44

កាត់បន្ថយភាពក្រីក្រឆាប់រហ័សនៅតំបន់មានជនជាតិភាគ តិចរស់នៅកុះករ

អាស្រ័យដោយគោលនយោបាយពិសេសរបស់បក្សនិងរដ្ឋ ជីវភាពរបស់ជនជាតិភាគតិចនៅតំបន់វាលរាបទន្លេគឺវឡុង (ជិត៨%ចំនួនប្រជាជនទូទាំងតំបន់) បានលើកស្ទួយច្បាស់ក្រឡែត។

ផ្លូវចូលឃុំធើយស្វឹង ស្រុកកើ-ដ ក្រុងកឹងធើ កន្លែងមានជនរួមជាតិខ្មែររស់នៅកុះករ។

តាមប្រសាសន៍ លោកលឿងវាំុងត្រឺ ប្រធានគណៈជនជាតិក្រុងកឹងធើ ឲ្យដឹង៖ ការអនុវត្តន៍សេចក្តីសម្រេចលេខ៧៤/២០០៨/QĐ-TTg របស់នាយករដ្ឋមន្រ្តីនៃរដ្ឋាភិបាលគណៈកម្មាធិការប្រជាជនក្រុង កសាងមណ្ឌលតាំងទីលំនៅបាន៣កន្លែង ប្រមូលផ្តុំនៅភូមិធើយហ្វាB ស្រុកកើ-ដ ភូមិវិញញឹង ស្រុកវិញថាញ់ និងមណ្ឌលតាំងទីលំនៅប្រមូលផ្តុំនៅខ័ណ្ឌអូរម៉ូង។ ទន្ទឹមនឹងការគួបផ្សំគោលនយោបាយជំនួយរបស់រដ្ឋ ដើម្បីសង់ផ្ទះមហាសាមគ្គី ជូនគ្រួសារខ្មែរក្រីក្រទាំងឡាយក្នុងមណ្ឌលតាំងទីលំនៅ។ ដោយសារមានផ្ទះនៅលំនឹងមានគ្រួសារជាច្រើន ប្រើប្រាស់ប្រភពទុនបុលរបស់រដ្ឋបានត្រឹមត្រូវនិងប្រិតសំចៃក្នុងការចាយវាយ ដើម្បីឈានឡើងចាកផុតពីភាពក្រីក្រ។ នៅខេត្តវិញឡុង អាស្រ័យផ្តុំកម្លាំងអនុវត្តព្រមៗគ្នានូវកម្មវិធី គ្រោងការផ្សេងៗ អត្រាគ្រួសារក្រីក្រ បានកាត់បន្ថយជាបណ្តើរៗមធ្យមភាគក្នុងមួយឆ្នាំៗ កាត់បន្ថយបានពី២-៤%។ កាលពីឆ្នាំ២០០៨ អត្រាគ្រួសារក្រីក្រមាន៥០,៥% លុះ ដល់ឆ្នាំ២០១៤ អត្រាគ្រួសារក្រីក្រទូទាំងខេត្តនៅក្រោម២០%។ អត្រាគ្រួសារ ខ្មែរក្រីក្រទូទាំងខេត្តត្រាវិញ មានការកាត់បន្ថយមធ្យមភាគរៀងរាល់ឆ្នាំពី៣-៣,៥% នៅតំបន់ជនជាតិភាគតិចកាត់បន្ថយ៤%។ ឆ្នាំ២០១៣ គ្រួសារក្រីក្រទូទាំងខេត្តសរុប៣៦,៨៤១គ្រួសារ ស្រូបអត្រា១៣,៩៦% (ក្នុងនោះ គ្រួសារខ្មែរមាន២០.៨៤១ ស្រូបអត្រា២៤,៦៥% បើធៀបជាមួយនឹងគ្រួសារខ្មែរសរុបទូទាំងខេត្ត);គ្រួសារជិតក្រ២៣.៤៧១គ្រួសារ ស្រូបអត្រា៨,៩០%(ក្នុងនោះគ្រួសារខ្មែរ៩.៧៨៧គ្រួសារ ស្រូបអត្រា១១,៥៨% បើធៀបជាមួយនឹងគ្រួសារខ្មែរសរុបទូទាំងខេត្ត)។ រីឯនៅខេត្តអាងយ៉ាង លោកត្រឹងវាំុងថាញ់ ប្រធានគណៈជនជាតិខេត្ត ឲ្យដឹងដោយក្តីរីករាយ៖ "អត្រាគ្រួសារក្រីក្រជនជាតិភាគតិចនៅខេត្តអាងយ៉ាង កាត់បន្ថយពី២៧,៣២% កាលពីឆ្នាំ២០០៩ លុះដល់ឆ្នាំ២០១៣ នៅតែ១៧,៤៣%។ អត្រាគ្រួសារក្រីក្រជនជាតិភាគតិច ថ្វីត្បិតតែនៅមានចំនួនច្រើន បើធៀបជាមួយនឹងមធ្យមភាគរួម ប៉ុន្តែក្នុងរយៈពេល៤ឆ្នាំ អត្រាគ្រួសារក្រីក្រជាជនជាតិភាគតិចកាត់បន្ថយជិត១០%"។

តាមប្រសាសន៍លោកស្រីហ្វិញធីសុម៉ាលី ប្រធាននាយកដ្ឋានភូមិភាគ៣ នៃគណៈកម្មាធិការជនជាតិ ឲ្យដឹង៖ អត្រាគ្រួសារក្រីក្រក្នុងតំបន់ជនជាតិភាគតិចនៅវាលរាបទន្លេគឺវឡុង រៀងរាល់ឆ្នាំកាត់បន្ថយពី២ដល់៥%; កាលពីឆ្នាំ២០១១ កាត់បន្ថយជាង៣០% លុះដល់ឆ្នាំ២០១៤ កាត់បន្ថយជាង១៦%។ នេះគឺជាសមិទ្ធិផលនៃការខ្នះខ្នែងក្នុងការសហការវិនិយោគទុន ជំនួយអភិវឌ្ឍលើគ្រប់វិស័យសេដ្ឋកិច្ច-សង្គមកិច្ច ផ្សព្វផ្សាយគោលនយោបាយ កម្មវិធី និងគ្រោងការផ្សេងៗសម្រាប់ជនជាតិភាគតិចហើយភូមិភាគនានា ត្រូវបានអនុវត្តតាមកិច្ចចង្អុលការរបស់រដ្ឋាភិបាល ៕

ហាថាញ់-លីសៀ

ចែករំលែកអត្ថបទ

ពាក្យគន្លឹះ