សមាគមសហព័ន្ធនារីសង្កាត់ថូកណូក បានអនុវត្តប្រកបដោយប្រសិទ្ធភាពនូវគម្រោង “ឧបត្ថម្ភនារីផ្តើមអាជីព ដំណាក់កាល ២០២៦-២០៣៥” បង្កលក្ខណៈជូនសមាជិកាបានខិតជិតប្រភពទុនអភិវឌ្ឍផលិត អាជីវកម្ម និងបង្កើនប្រាក់ចំណូល។
ជាក់ស្តែង ចាប់ពីដើមឆ្នាំ ២០២៦ រហូតមកទល់ពេលនេះ សមាគមសហព័ន្ធនារីសង្កាត់បានសហការជាមួយធនាគារគោលនយោបាយសង្គម ឧបត្ថម្ភនារី ១៥ នាក់ បានបុលទុនជាមួយនឹងទឹកប្រាក់សរុបចំនួន ១,៥ ពាន់លានដុង ដើម្បីធ្វើអាជីវកម្មផ្លែឈើទំនិញចាំបាច់ ផលិតផលត្បាញ កសិកម្មនិងចិញ្ចឹមសត្វ។ ព្រមជាមួយនឹងការឧបត្ថម្ភដើមទុន សមាគមសហព័ន្ធនារីសង្កាត់ថែមទាំងដាក់ឱ្យដំណើរការក្រុមសហការ “នំប្រពៃណី” ដោយមានសមាជិកាចំនួន ១៣ នាក់; ឧទ្ទេសនាមក្រុមសហការឱ្យចូលរួមក្នុងពិព័រណ៍ពាណិជ្ជកម្មទូទៅ និងផលិតផល OCOP; ផ្ដោតការយកចិត្តទុកដាក់លើការណែនាំសមាជិកាលើកកម្ពស់បំណិនលក់ទំនិញនៅលើវេទិកាពាណិជ្ជកម្មអេឡិចត្រូនិក។
នាពេលខាងមុខ សមាគមសហព័ន្ធនារីសង្កាត់នឹងបន្តសហការគ្រប់គ្រង និងប្រើប្រាស់ប្រភពទុនឥណទានគោលនយោបាយឱ្យមានប្រសិទ្ធភាព ផ្តល់អាទិភាពឧបត្ថម្ភនារីក្រីក្រ និងនារីជាម្ចាស់គ្រួសារក្នុងការអភិវឌ្ឍផលិត និងអាជីវកម្ម; រក្សានិងអភិវឌ្ឍបណ្តាទម្រង់សេដ្ឋកិច្ចសមូហភាព។ ទន្ទឹមនឹងនោះ បង្កើនកិច្ចសហការបើកវគ្គបណ្តុះបណ្តាលវិជ្ជាជីវៈសមស្របនឹងតម្រូវការទីផ្សារការងារ និងលក្ខណៈភូមិភាគ ជួយឱ្យនារីមានការងារធ្វើលំនឹង៕
កៀងក្វឹក - វ៉ាន់តឹន