មហាសាមគ្គីជនជាតិ ភូមិស្រុកផ្លាស់ថ្មី

09/10/2026 - 21:38

អំណរបុណ្យសែនដូនតា ជាមួយនឹងក្តីរីករាយផ្តើមពីការផ្លាស់ប្តូរនៅតាមភូមិស្រុក

រាល់ពេលបុណ្យសែនដូនតាមកដល់ ជនរួមជាតិខ្មែរតែងតែជួបជុំគ្នា រំលឹកនឹកគុណដល់ជីដូនជីតា បុព្វការីជន និងរួមគ្នាទទួលក្តីរីករាយនៅក្នុងជីវភាព។ ឆ្នាំនេះ ក្តីរីករាយនោះកាន់តែពេញបរិបូរណ៍ថែមទៀត ពេលដែលទិដ្ឋភាពភូមិស្រុកជាច្រើនកំពុងមានការផ្លាស់ប្តូរយ៉ាងច្បាស់ក្រឡែត។ ផ្ទះថ្មីៗ ដងផ្លូវស្អាតៗ ព្រមទាំងគោលនយោបាយឧបត្ថម្ភមុខរបរចិញ្ចឹមជីវភាព កំពុងបំពេញបន្ថែមកម្លាំងចិត្ត ដើម្បីប្រជាជនឈានឡើងលំនឹងជីវភាព។

នៅភូមិតឹងគ្វី B ឃុំតឹងថាញ់ ទីក្រុងកឹងធើ បងស្រី ថាច់ ធីចន្ទដារា គឺជាគ្រួសារមានស្ថានភាពក្រលំបាក មានកូនច្រើន ប្រភពចំណូលចម្បងគឺផ្អែកលើប្រាក់ធ្វើការឈ្នួលបន្តិចបន្តួចរបស់ប្តី។ ដោយការយកចិត្តទុកដាក់របស់បក្ស និងរដ្ឋ បងស្រីបានឧបត្ថម្ភសង់ផ្ទះក្នុងកម្មវិធីគោលដៅជាតិ។ បុណ្យសែនដូនតាឆ្នាំនេះ គ្រួសារបងស្រីបន្តទទួលបន្ថែមក្តីរីករាយ ពេលបានភូមិភាគឧបត្ថម្ភគោពូជពីរក្បាល។ បងស្រី ដារា បានឱ្យដឹង៖ “ខ្ញុំត្រេកអរខ្លាំងណាស់ អរគុណរដ្ឋ គណៈកម្មការប្រជាជនភូមិ ឃុំ ព្រមទាំងទីក្រុង ដែលបានឧបត្ថម្ភឱ្យប្តីប្រពន្ធខ្ញុំមានផ្ទះនៅ ថែមទាំងឱ្យគោពូជប្រកបរបររកស៊ី ចិញ្ចឹមគ្រួសារ។ ឥឡូវនេះខ្ញុំមានសង្ឃឹមច្រើនណាស់ នឹងខំប្រឹងចិញ្ចឹមគោនោះ ដើម្បីឱ្យកូនខ្ញុំបានរៀនសូត្រទៅថ្ងៃក្រោយ”។

រដ្ឋអំណាចភូមិភាគឃុំតឹងថាញ់ មកសួរសុខទុក្ខគ្រួសារបងស្រី លី ធីយ៉ីមត្រាង នៅភូមិតឹងគ្វី B ក្នុងឱកាសបុណ្យសែនដូនតា ឆ្នាំ២០២៦។

មិនត្រឹមតែឧបត្ថម្ភផ្ទះ និងមុខរបរចិញ្ចឹមជីវភាពប៉ុណ្ណោះទេ បណ្តាកម្មវិធីគិតគូរជូនជនជាតិភាគតិចថែមទាំងឆ្ពោះទៅរកតម្រូវការជាក់ស្តែង ដូច៖ ទឹកស្អាត បង្គន់អនាម័យសម្រេចបទដ្ឋាន បុលទុនអនុគ្រោះ បង្រៀនមុខរបរ ជំរុញកសិកម្ម សុខាភិបាល អប់រំ ហេដ្ឋារចនាសម្ព័ន្ធចរាចរណ៍...។ល។ តាមរយៈនោះ រួមចំណែកលើកកម្ពស់គុណភាពការរស់នៅ និងបង្កលក្ខណៈដើម្បីឱ្យប្រជាជនអភិវឌ្ឍសេដ្ឋកិច្ចគ្រួសារ។ ក្នុងប៉ុន្មានថ្ងៃជិតៗនេះ សម្លេងពិណពាទ្យ ចង្វាក់រាំប្រជាប្រិយ រាំវង់ សារ៉ាវ៉ាន់ បានលាន់ឮរំពងនៅតាមភូមិស្រុក លាយឡំជាមួយនឹងក្តីរីករាយចំពោះការផ្លាស់ប្តូរថ្មីនៃភូមិស្រុក។ មកកាន់ភូមិស្រុកខ្មែរនៅឃុំតឹងថាញ់នាថ្ងៃនេះ នៅតាមដងផ្លូវបេតុង ផ្លូវកៅស៊ូ បានវិនិយោគយ៉ាងទូលំទូលាយ ជួយឱ្យការធ្វើដំណើរ និងដឹកជញ្ជូនទំនិញមានភាពងាយស្រួលជាងមុនច្រើន។

បងស្រី លី ធីយ៉ីមត្រាង នៅភូមិតឹងគ្វី B ឃុំតឹងថាញ់ បានឱ្យដឹង៖ “តាំងពីថ្ងៃមានផ្លូវបេតុងទទឹង ៣ ម៉ែត្រ នៅមុខផ្ទះ បានកសាងរួចរាល់មក ការលក់ដូរ និងការរស់នៅរបស់គ្រួសារមានភាពងាយស្រួលជាងមុនច្រើនណាស់ ផ្លូវដល់មុខផ្ទះតែម្តង។ កាលពីមុនគឺលំបាកណាស់ ត្រូវដើរឆ្លងស្ពានតូច រួចផ្ញើម៉ូតូនៅផ្ទះគេ ទើបដឹកជញ្ជូនសម្ភារៈមកផ្ទះ។ ឥឡូវផ្លូវថ្នល់មកដល់មុខផ្ទះបែបនេះ ក្មេងៗទៅរៀនក៏ងាយស្រួល មានភាពសប្បាយ អ៊ូអរ នៅក្នុងភូមិយើងឃើញថាជ្រះស្អាត ភ្លឺស្វាងឡើង។ ឆ្នាំនេះផ្លូវថ្នល់ធំទូលាយបូករួមជាមួយនឹងលក្ខណៈអភិវឌ្ឍន៍សេដ្ឋកិច្ចគ្រួសាររបស់មាមីងបានកើនឡើង ដូច្នេះមាមីងទទួលបុណ្យសែនដូនតាយ៉ាងកក់ក្តៅ”។

សមិទ្ធផលទាំងនោះបានបង្ហាញឱ្យឃើញថា នៅពេលដែលហេដ្ឋារចនាសម្ព័ន្ធបានយកចិត្តទុកដាក់វិនិយោគ ជាមួយនឹងបណ្តាគោលនយោបាយឧបត្ថម្ភមុខរបរចិញ្ចឹមជីវិតអនុវត្តទាន់ពេល ប្រជាជនមានលក្ខណៈបន្ថែមដើម្បីលំនឹងជីវភាព ហានអភិវឌ្ឍន៍ការផលិត។ ផ្ដើមពីនោះ ទិដ្ឋភាពភូមិស្រុកកាន់តែមានភាពជឿនលឿនឡើង ជីវភាពសម្ភារៈ និងស្មារតីរបស់មាមីងបានលើកកម្ពស់ជាជំហានៗ រួមចំណែកបង្កមូលដ្ឋានគ្រឹះដើម្បីភូមិភាគអនុវត្តមានប្រសិទ្ធភាពនូវការងារបន្ថយភាពក្រីក្រ និងអភិវឌ្ឍន៍សេដ្ឋកិច្ចដោយចីរភាព។ លោក ត្រា វិញឡើយ - អនុលេខាសាខាបក្ស និងជាប្រធានគណៈការងាររណសិរ្សភូមិតឹងគ្វី B ឃុំតឹងថាញ់ បានឱ្យដឹង៖ “បក្ស និងរដ្ឋ តែងតែយកចិត្តទុកដាក់តំបន់ជនរួមជាតិខ្មែរ បានកសាងផ្លូវចរាចរណ៍ជនបទ ក្រោយពេលមានផ្លូវដាន ជនរួមជាតិខ្មែរនៅទីនេះមានសេចក្តីរីករាយណាស់ ព្រោះមាមីងដឹកជញ្ជូនសម្ភារៈកសិកម្មមានភាពងាយស្រួល ពេលប្រមូលផលគឺដឹកជញ្ជូនដោយរថយន្តលើដងផ្លូវនេះចូលដល់ស្រែតែម្តង។ ជាពិសេសគឺមានការវិនិយោគចិញ្ចឹមសត្វ គឺមាមីងយើងក៏មានលក្ខណៈជាច្រើនដើម្បីខិតខំរកស៊ី ហើយអភិវឌ្ឍសេដ្ឋកិច្ចគ្រួសារ។ ជាទូទៅ ទិដ្ឋភាពរបស់ភូមិភាគកាន់តែអភិវឌ្ឍពីមួយថ្ងៃទៅមួយថ្ងៃ”។

ជនរួមជាតិខ្មែរ ឃុំតឹងថាញ់ ទីក្រុងកឹងធើ កំពុងរៀបចំទីសក្ការៈ ទទួលបុណ្យសែនដូនតា ឆ្នាំ២០២៦។

នៅសង្កាត់មីស្វៀង លោក យ៉ីប ភឿកង៉ៀ គឺជាគ្រួសារមួយក្នុងចំណោមគ្រួសារដែលពង្រីកបានប្រសិទ្ធភាពប្រភពទុនឥណទានគោលនយោបាយ។ ជាមួយនឹងដើមទុន ៥០ លានដុង តាមរយៈការបុល ២ លើក លោក ង៉ៀ បានវិនិយោគដាំដំណាំកសិកម្មលើផ្ទៃដី ៤ កុង ដំឡើងប្រព័ន្ធស្រោចស្រពសន្សំសំចៃ អនុវត្តវិទ្យាសាស្ត្របច្ចេកទេសទៅក្នុងការផលិត សម្រេចបានប្រាក់ចំណេញជាង ៥០ លានដុងក្នុងមួយឆ្នាំៗ។ ផ្ដើមពីការឧបត្ថម្ភរបស់រដ្ឋ និងឆន្ទៈឈានឡើង លោកសង់បានផ្ទះយ៉ាងធំទូលាយ រួចចាកផុតភាពក្រីក្រនៅឆ្នាំ ២០២៤។ លោក ង៉ៀ សំណេះសំណាល៖ “កាលពីមុនគឺដាំបន្លែលើផ្ទៃដីបន្តិចបន្តួច ដោយសារយើងគ្មានទុន។ ក្រោយមកបានភូមិ ឃុំ (មុនពេលរួមបញ្ចូល) បង្កលក្ខណៈខិតជិតទុនផលិត ខ្ញុំបានពង្រីកឡើង ៤–៥ កុង ដាំបន្លែ រួចចិញ្ចឹមបន្ថែមគោ។ ឥឡូវនេះជីវភាពបានធូរស្រាលជាងមុនច្រើនណាស់។ ក្នុងមួយឆ្នាំៗខ្ញុំដាំ ៤ រដូវឆ្លាស់គ្នានូវប្រភេទបន្លែ ដូច៖ គូឆាយ ខ្ទឹមស្លឹក ជីក្រអូបជាដើម”។

នៅក្នុងបរិយាកាសសែនដូនតាយ៉ាងអ៊ូអរ ការផ្លាស់ប្តូរនៅភូមិស្រុកកាន់តែធ្វើឱ្យក្តីរីករាយរបស់ជនរួមជាតិកាន់តែបានពេញលេញថែមទៀត។ សម្រេចបានលទ្ធផលទាំងនេះ គឺដោយសារការយកចិត្តទុកដាក់ពីបក្ស រដ្ឋ និងការខិតខំប្រឹងប្រែងឈានឡើងដោយខ្លួនឯងរបស់ប្រជាជន បង្កកម្លាំងចិត្តដើម្បីតំបន់ជនរួមជាតិខ្មែរបន្តអភិវឌ្ឍ កសាងជីវភាពកាន់តែមានភាពសម្បូរណ៍សប្បាយ និងសុភមង្គល៕

ដាលិន-មេងលី

ចែករំលែកអត្ថបទ

ពាក្យគន្លឹះ