គោលនយោបាយ -ការរស់នៅ ការរស់នៅ

05/07/2026 - 17:51

ស្ពានតភ្ជាប់នាំកសិផលទៅបានឆ្ងាយ

ចំពោះសំណូមពរតឹងតែងរបស់ទីផ្សារនីហរ័ណ និងនិន្នាការប្រើប្រាស់ទំនើប ចំណោទរកច្រកចេញសម្រាប់ផលិតផលកសិកម្ម និងទំនិញ តែងជាការប្រឈមមុខដ៏ធំចំពោះបណ្តាសហករណ៍លើភូមិឋានទីក្រុង។ ជាមួយតួនាទីជាអង្គការតំណាង និងជាទីជឿទុកចិត្ត សហព័ន្ធសហករណ៍ទីក្រុងកឹងធើ បាននិងកំពុងពង្រីកប្រសិទ្ធភាពតួនាទីជាស្ពានតភ្ជាប់ រួមដំណើរជាមួយសហករណ៍រៀបចំឡើងវិញការផលិត ជំរុញពាណិជ្ជកម្ម និងនាំំកសិផលទៅបានឆ្ងាយ។

បណ្តាសហករណ៍លើភូមិឋានទីក្រុងកឹងធើ ចូលរួមផ្សពព្វផ្សាយឧទ្ទេសនាមផលិតផលនៅអង្គប្រជុំដែលសហព័ន្ធសហករណ៍ទីក្រុងចាត់តាំង។

លោកឡេមិញភឿង អនុប្រធានសហព័ន្ធសហករណ៍ទីក្រុងកឹងធើ ឱ្យដឹង៖ “ដើម្បីសហករណ៍ទាំងឡាយអភិវឌ្ឍស្ថិរភាពនិងចីរភាពក្នុងដំណាក់កាលថ្មី សហព័ន្ធសហករណ៍ទីក្រុងបានកំណត់ច្បាស់់នូវភារកិច្ចសំខាន់និងធ្វើល្អតួនាទីជាស្ពានតភ្ជាប់។ អង្គភាពបាននិងកំពុងសហការជាមួយបណ្តាមន្ទីរគណៈផ្នែកទាក់ទិនទីក្រុងឧទ្ទេសនាម តភ្ជាប់បណ្តាសហករណ៍ជាមួយអាជីវកម្ម ប្រព័ន្ធផ្សារទំនើប និងបណ្តាវេទិការពាណិជ្ជកម្មអេឡិចត្រូនិចមានប្រិយភាព។ ទន្ទឹមនោះ សកម្មឧបត្ថម្ភបណ្តាសហករណ៍ចូលរួមបណ្តាកម្មវិធីផ្សារណាត់ ជំរុញពាណិជ្ជកម្មធំនៅក្នុងនិងក្រៅទីក្រុង។ បណ្តាសកម្មភាពនេះបានក្លាយជា “ការទាក់ទាញ” សំខាន់ ជួយឱ្យផលិតផលកសិកម្ម អាហារដែលច្នៃរបស់បណ្តាសហករណ៍បានកៀកជិតអតិថិជនថ្មី ពង្រីកទីផ្សារ និងសន្សឹមៗអះអាងប្រិយភាពលើទីផ្សារ”។

មិនបង្អង់ត្រឹមការតភ្ជាប់ផ្គត់ផ្គង់-តម្រូវការ សហព័ន្ធសហករណ៍ទីក្រុងនៅទាំងសហការជាមួយបណ្តាផ្នែកសមត្ថកិច្ចចាត់តាំងបណ្តាថ្នាក់ហ្វឹកហាត់ បណ្តុះបណ្តាលជំនាញសំដៅលើកកម្ពស់លទ្ធភាពអភិបាលកិច្ចឱ្យកងជួរកម្មាភិបាលសហករណ៍។ ការងារនេះបានអនុវត្តរៀបរយចាប់ពីផ្នែកកសាងពាណិជ្ជសញ្ញា ចុះឈ្មោះផ្លាកសញ្ញា ការស្វែងរកប្រភពរហូតដល់ការអនុវត្តបណ្តាស្តង់ដារតឹងតែងដូច VietGAP, GlobalGAP។ ទន្ទឹមនោះ សហព័ន្ធសហករណ៍ទីក្រុងនៅទាំងសហការជាមួយបណ្តាអង្គភាពអាជីវកម្ម ជំរុញឧបត្ថម្ភសហករណ៍អនុវត្តបច្ចេកវិទ្យាផ្សព្វផ្សាយផលិតផលលើបណ្តាញឌីជីថលនិងបណ្តាញសង្គម សំដៅជួយបណ្តាសហករណ៍ក្តាប់និន្នាការធ្វើអាជីវកម្មឌីជីថលក្នុងបរិការណ៍ថ្មី។

ឆ្ពោះទៅរកទិសដៅអភិវឌ្ឍស្ថិរភាព សហព័ន្ធសហករណ៍ទីក្រុងនឹងបង្កើនតភ្ជាប់ ឧទ្ទេសនាមបណ្តាសហករណ៍ជាមួយអាជីវកម្មធំៗដែលមានតម្រូវការប្រមូលទិញកសិផលតាមការចងសម្ព័ន្ធ។ សំខាន់អង្គភាពនឹងប្រមូលផ្តុំអនុវត្តបណ្តាកម្មវិធីឧបត្ថម្ភសហករណ៍បង្វែរឌីជីថល កសាងនិងផ្សព្វផ្សាយពាណិជ្ជសញ្ញាឆ្លងតាមបណ្តាញទូរគមនាគមន៍ពហុពត៌មាន៕

ភូអាង- ចន្ថា

ចែករំលែកអត្ថបទ

ពាក្យគន្លឹះ