គោលនយោបាយ -ការរស់នៅ ការរស់នៅ

05/07/2026 - 13:12

ជំនួយកម្លាំងប្រជាជនអភិវឌ្ឍសេដ្ឋកិច្ច

ប្រភពទុនឥណទានគោលនយោបាយបាន និងកំពុងពង្រីកប្រសិទ្ធភាពជាក់ស្តែងក្នុងការឧបត្ថម្ភប្រជាជនបង្កការរកស៊ីចិញ្ចឹមជីវិត ដោះស្រាយការងារធ្វើនិងបង្កើនចំណូល។ ពីប្រភពទុនបុលអាទិភាពនេះ មានគ្រួសារប្រជាជនជាច្រើនបានវិនិយោគផលិត បើកទូលាយទម្រង់ជួញប្រែនិងសន្សឹមៗលំនឹងជីវភាព។

កម្មាភិបាលការិយាល័យធនាគារគោលនយោបាយសង្គមសុកត្រាំងសួរសុខទុក្ខ ក្តាប់សភាពការណ៍ប្រើទុនបុលរបស់គ្រួសារជួញប្រែ។

ហាងលក់សារពើភ័ណ្ឌរបស់បងតូធីថាញហាំង នៅសង្កាត់ភូឡើយ ទីក្រុងកឹងធើ តែងមានភ្ញៀវណែនណាប់ចេញចូលទិញដូរ។ មុខទំនិញបានបងរៀបចំរៀបរយងាយស្រួលឱ្យភ្ញៀវជ្រើសរើស។ បងហាំងនិយាយ៖ “ឆ្នាំ២០១៨ គ្រួសារខ្ញុំលក់ដូរតិចតួច មុខទំនិញមិនច្រើនដោយខ្វះទុន។ ពេលបុលបាន៥០លានដុងពីធនាគារគោលនយោបាយសង្គម ខ្ញុំយកទំនិញបន្ថែមមកលក់។ ដោយប្រើទុនចំគោលដៅ សងបំណុលត្រូវពេលកំណត់ គ្រួសារបន្តបានពិនិត្យឱ្យបុលច្រើនជាង។ ឆ្នាំ២០២៦ ខ្ញុំបានបុល២០០លានដុងដើម្បីបើកហាងធំជាង។ មធ្យមរាល់ថ្ងៃហាងមានចំណូលប្រហែល១លានដុង”។

អាស្រ័យប្រភពទុនឥណទានគោលនយោបាយ បងផាមហ្វាយបាវ នៅមណ្ឌល១៤ សង្កាត់ភូឡើយ មានលក្ខណៈបើកហាងលាងរថយន្តនៅផ្ទះ។ បងបាវនិយាយ៖ “ឆ្នាំ២០២៤ ខ្ញុំបានបុល៩០លានដុងពីធនាគារគោលនយោបាយសង្គម ដើម្បីទិញសម្ភារៈលាងរថយន្ត។ ទម្រង់ពង្រីកប្រសិទ្ធភាព ខ្ញុំបន្តបានបង្កើនកម្រិតបុលឡើងដល់២០០លានដុង ដើម្បីវិនិយោគបន្ថែមគ្រឿងម៉ាស៊ីនមួយចំនួនទៀត”។

បច្ចុប្បន្នមូលដ្ឋានរបស់បងបាវទទួលលាង អនាម័យថែទាំយានយន្តជាច្រើនប្រភេទ រួមនឹងលក់ភេសជ្ជៈទៀតផង។ ដោយឡែកតែការលាងនិងថែទាំរថយន្តបងចំណូលពី១៤-១៥លានដុងក្នុងមួយខែ បង្កការងារធ្វើឱ្យពលករនៅភូមិភាគ២នាក់។

ពីប្រភពទុនអាទិភាព មានគ្រួសារជាច្រើនកសាងបានទម្រង់ផលិតជួញប្រែប្រសិទ្ធភាព ប្រាក់ចំណូលក៏កើនឡើង។ តួយ៉ាងដូចគ្រួសារមីងផាមទ្វៀកជិន នៅមណ្ឌល២៣ សង្កាត់សុកត្រាំង ទីក្រុងកឹងធើ ជាមួយទម្រង់ទិញលក់អេតចាយគ្រួសារមីងចូវគីមលីវ នៅមណ្ឌល១៨ សង្កាត់ភូឡើយ បើកលក់បាយគួបផ្សំនិងបោក សម្ងួតខោអាវ គ្រួសារពូលីវាំងហីវ នៅមណ្ឌល២៤ សង្កាត់សុកត្រាំង អនុវត្តទម្រង់ចិញ្ចឹមគោគួបផ្សំផលិតស្រូវនិងដាំដំណាំ។

តាមលោកស្រីក្វាច់ថាញ់វឹង នាយិកាការិយាល័យធនាគារគោលនយោបាយសង្គមសុកត្រាំង អង្គភាពគ្រប់គ្រងឥណទានគោលនយោបាយលើភូមិឋាន២សង្កាត់ គឺភូឡើយនិងសុកត្រាំង ប្រភពទុនគោលនយោបាយបានផ្សព្វផ្សាយដល់១០០%មណ្ឌលលើភូមិឋាន សរុបបំណុលជាង៤៦៥ពាន់លានដុង កើនប្រហែល៥០ពាន់លានដុងប្រៀបនឹងចុងឆ្នាំ២០២៥។ ក្នុងនោះកម្មវិធីឱ្យបុលឧបត្ថម្ភបង្កការងារធ្វើ បើកទូលាយការងារធ្វើដែលមានតម្រូវការខ្ពស់។ តាំងពីដើមឆ្នាំ២០២៦ ដល់សព្វថ្ងៃ ការិយាល័យធនាគារគោលនយោបាយសង្គមសុកត្រាំងសហការជាមួយរដ្ឋអំណាចភូមិភាគ បណ្តាអង្គការនយោបាយសង្គមទទួលកឬប្រគល់សិទ្ធិ បណ្តាក្រុមប្រិតសំចៃនិងបុលទុន បានឱ្យបុលជាង៩១ពាន់លានដុង រួមចំណែកបង្កការងារធ្វើ បើកទូលាយការងារធ្វើឱ្យពលករភូមិភាគ១២០០រូប។

លោកស្រីក្វាច់ថាញ់វឹង ឱ្យដឹងបន្ថែម៖ “សព្វថ្ងៃតម្រូវការបុលទុនផលិតជួញប្រែបង្កការងារធ្វើរបស់ប្រជាជនលើភូមិឋានមានចំនួនច្រើន។ ជាមួយប្រាក់ចុងការអាទិភាព សំណុំបែបបទងាយស្រួល ប្រភពទុនឥណទានបានជួយឱ្យអ្នកបុលហ៊ានវិនិយោគសន្សឹមៗអភិវឌ្ឍសេដ្ឋកិច្ចគ្រួសារ។ ដើម្បីបញ្ជូនប្រភពទុនជិតដិតប្រជាជន ការិយាល័យធនាគារគោលនយោបាយសង្គមសុកត្រាំងរក្សា៨កន្លែងដោះដូរនិងគ្រប់គ្រង១៧០ក្រុមប្រិតសំចៃនិងបុលទុន។ សកម្មភាពដោះដូររាល់ខែនៅមូលដ្ឋានជួយប្រជាជនងាយស្រួលជិតដិតទុនបុល សងបំណុល ផ្ញើប្រាក់ប្រិតសំចៃនិងឆ្លុះបញ្ចាំងបណ្តាបញ្ហាទាក់ទិនបានទាន់ពេលពីបណ្តាកម្មវិធីឥណទានគោលនយោបាយ”។

រយៈពេលខាងមុខ ការិយាល័យធនាគារគោលនយោបាយសង្គមសុកត្រាំងបន្តធ្វើសេនាធិការជូនគណៈកម្មាធិការបក្ស រដ្ឋអំណាចភូមិភាគ សហការជាមួយបណ្តាអង្គការនយោបាយ-សង្គមទទួលការប្រគល់សិទ្ធិ លើកកម្ពស់គុណភាពសកម្មភាពប្រគល់សិទ្ធិ ក្រុមសន្សំសំចៃ បុលទុននិងប្រសិទ្ធភាពបណ្តាកន្លែងដោះដូរ។ ទន្ទឹមនោះ បង្កើនការឃោសនាណែនាំប្រជាជនប្រើទុនត្រូវគោលដៅ បើកទូលាយបណ្តាទម្រង់ផលិតជួញប្រែសុវត្ថិភាព ភ្ជាប់ប្រភពទុនឥណទានគោលនយោបាយជាមួយការផ្ទេរវិទ្យាសាស្ត្របច្ចេកទេស រួមចំណែកយ៉ាងសកម្មក្នុងការរួមដំណើរជាមួយប្រជាជនអភិវឌ្ឍការផលិតជួញប្រែបង្កើនប្រាក់ចំណូល៕

គៀងក្វុក- ចន្ថា

ចែករំលែកអត្ថបទ

ពាក្យគន្លឹះ