ព្រឹត្តិការណ៍ - នយោបាយ ព្រឹត្តិការណ៍

01/07/2026 - 22:41

បង្ហាញមុខក្រុមប្រឹក្សាផ្តល់ការប្រឹក្សាប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋទីក្រុងកឹងធើ

(CTO) - ក្រុមប្រឹក្សាផ្តល់ការប្រឹក្សាប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋទីក្រុងកឹងធើ មានតួនាទីប្រឹក្សាយោបល់ចងសម្ព័ន្ធ និងគាំទ្រដល់បណ្តាអង្គការ បុគ្គល និងអាជីវកម្មក្នុងការអនុវត្តសកម្មភាពនានា ទាក់ទងនឹងការអភិវឌ្ឍប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋនៅលើភូមិសាស្ត្រទីក្រុង។

ទិដ្ឋភាពទាំងមូលនៃព្រឹត្តិការណ៍។

នៅថ្ងៃទី ១ ខែកក្កដា មន្ទីរវិទ្យាសាស្ត្រ និងបច្ចេកវិទ្យាក្រុងកឹងធើ បានចាត់តាំងពិធីប្រកាសបង្កើតក្រុមប្រឹក្សាប្រព័ន្ធអេកូឡូស៊ី ផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋទីក្រុងកឹងធើ និងលក្ខណវិនិច្ឆ័យសម្រាប់ការទទួលស្គាល់មជ្ឈមណ្ឌលផ្លាស់ថ្មីច្នៃប្រតិដ្ឋ និងមជ្ឈមណ្ឌលគាំទ្រផ្តើមអាជីពច្នៃប្រតិដ្ឋ។

ថ្លែងមតិក្នុងព្រឹត្តិការណ៍នេះ លោក ង្វៀងវ៉ាំងខើយ អនុប្រធានគណៈកម្មាធិការប្រជាជនក្រុងកឹងធើ បានសង្កត់ធ្ងន់៖ ឆ្លងតាមរយៈព្រឹត្តិការណ៍នេះ ក្រុងកឹងធើមានបំណងបន្តការចងសម្ព័ន្ធប្រភពធនធានផ្លាស់ថ្មីច្នៃប្រតិដ្ឋ; ជំរុញការស្រាវជ្រាវ និងការអនុវត្តវិទ្យាសាស្ត្របច្ចេកវិទ្យា ការផ្លាស់ប្តូរឌីជីថល និងដោះស្រាយបញ្ហាធំៗអំពីវិទ្យាសាស្ត្រ បច្ចេកវិទ្យា ផ្លាស់ថ្មីច្នៃប្រតិដ្ឋនិងការផ្លាស់ប្តូរឌីជីថល។

ទីក្រុងជឿជាក់ថា ជាមួយនឹងការរួមដំណើររបស់សហគមន៍អាជីវកម្ម អ្នកវិទ្យាសាស្ត្រ វិទ្យាស្ថាន សាលារៀននឹងកសាង អភិវឌ្ឍប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋទីក្រុងកឹងធើ មានលក្ខណៈលេចធ្លោក្នុងតំបន់ និងនៅតំបន់វាលរាបទន្លេគឺវឡុង សំដៅក្លាយជាកម្លាំងចលករសម្រាប់ការអភិវឌ្ឍ ជាស្នូលនៃការតភ្ជាប់ និងចងសម្ព័ន្ធក្នុងតំបន់។

លោក ង្វៀងវ៉ាំងខើយ អនុប្រធានគណៈកម្មាធិការប្រជាជនក្រុងកឹងធើ ថ្លែងមតិក្នុងព្រឹត្តិការណ៍។

ព្រឹត្តិការណ៍លើកនេះ មិនត្រឹមតែបញ្ឈប់ត្រឹមបង្ហាញមុខក្រុមប្រឹក្សាប៉ុណ្ណោះទេ ថែមទាំងបានធ្វើជាកសិណលើកិច្ចសន្យា បង្កើតមជ្ឈមណ្ឌលផ្លាស់ថ្មីច្នៃប្រតិដ្ឋ និងកិច្ចសហប្រតិបត្តិការវិនិយោគអភិវឌ្ឍប្រព័ន្ធអេកូឡូស៊ីនៅភូមិភាគ។ នេះក៏ជាឱកាសសម្រាប់អ្នកគ្រប់គ្រង អ្នកជំនាញ អ្នកវិទ្យាសាស្ត្រ និងអាជីវកម្ម រួមគ្នាពិភាក្សា និងពិគ្រោះយោបល់អំពីផែនការបង្កើតបណ្តាមជ្ឈមណ្ឌលផ្លាស់ថ្មីច្នៃប្រតិដ្ឋ ចំណុះក្រុមសម្ព័ន្ធ អាជីវកម្មឯកជននៅក្រុងកឹងធើនាពេលខាងមុខ។

លោក ង៉ោអាញ់ទីន នាយកមន្ទីរវិទ្យាសាស្ត្រ និងបច្ចេកវិទ្យាទីក្រុងកឹងធើថ្លែងមតិ។

មជ្ឈមណ្ឌលបច្ចេកវិទ្យាបៃតង ផ្លាស់ថ្មីច្នៃប្រតិដ្ឋ និងអភិវឌ្ឍចីរភាព (GTISD) សន្យាវិនិយោគរយៈពេលវែង រួមដំណើរជាមួយទីក្រុងក្នុងការអភិវឌ្ឍប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋ។

យោងតាមមន្ទីរវិទ្យាសាស្ត្រ និងបច្ចេកវិទ្យា ក្រុងកឹងធើ ទម្រង់មជ្ឈមណ្ឌលផ្លាស់ថ្មីច្នៃប្រតិដ្ឋទីក្រុងកឹងធើ កំពុងបានបង្កើតជារូបរាង និងអភិវឌ្ឍន៍ដោយផ្អែកលើសសរស្តម្ភស្នូលចំនួន ៤ រួមមាន៖ ទម្រង់តាមសសរស្តម្ភសម្របសម្រួល, ទម្រង់តាមសសរស្តម្ភកិច្ចសហប្រតិបត្តិការរវាងរដ្ឋនិងឯកជន, ទម្រង់តាមសសរស្តម្ភ Deep-Tech និងទម្រង់តាមសសរស្តម្ភការធ្វើពាណិជ្ជកម្ម។ ក្នុងនោះ មានតំបន់សមាសធាតុផ្តើមអាជីវកម្ម និងផ្លាស់ថ្មីច្នៃប្រតិដ្ឋ (CASIC Complex Hub) មាន ១២ តំបន់មុខងារ និង ១0 បន្ទប់ labs ត្រូវបានរៀបចំប្រមូលផ្តុំជា ៣ បណ្តុំ៖ បណ្តុំ R&D ចំណុះសាកលវិទ្យាល័យនានា រួមជាមួយមជ្ឈមណ្ឌលស្រាវជ្រាវអនុវត្តវិទ្យាសាស្ត្រស៊ីជម្រៅ, បណ្តុំផ្លាស់ថ្មីច្នៃប្រតិដ្ឋសម្រាប់អាជីវកម្ម វិទ្យាស្ថាន និងសាលារៀន; បរិយាកាសតភ្ជាប់សហគមន៍ ការតាំងពិព័រណ៍ និងសេវាកម្មគាំទ្រ startup ព្រមទាំងបរិយាកាសធ្វើការរួមគ្នា។

បង្ហាញមុខក្រុមប្រឹក្សាប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋទីក្រុងកឹងធើ។

ក្រុមប្រឹក្សាប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋទីក្រុងកឹងធើ បានបង្កើតឡើងដោយគណៈកម្មាធិការប្រជាជនក្រុង តាមសេចក្តីសម្រេចលេខ ៣១៩២/QĐ-UBND។ ក្រុមប្រឹក្សាមានតួនាទីប្រឹក្សាយោបល់ និងស្នើជូនប្រធានគណៈកម្មាធិការប្រជាជនក្រុងនូវយុទ្ធសាស្ត្រ និងគោលនយោបាយស្តីពីសកម្មភាពជំរុញ និងអភិវឌ្ឍប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋ។ ទន្ទឹមនឹងនោះ ប្រឹក្សាយោបល់ ចងសម្ព័ន្ធ និងឧបត្ថម្ភដល់បណ្តាអង្គការ បុគ្គល និងអាជីវកម្មក្នុងការអនុវត្តសកម្មភាពនានាទាក់ទងនឹងការអភិវឌ្ឍប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋ នៅលើភូមិឋានក្រុង។

ក្រុមប្រឹក្សាធ្វើសកម្មភាពតាមលក្ខន្តិកៈដែលគណៈកម្មាធិការប្រជាជនក្រុងបានកំណត់ និងស្ថិតក្រោមការដឹកនាំនិងបញ្ជាដោយផ្ទាល់ពីប្រធានគណៈកម្មាធិការប្រជាជនក្រុង។ អង្គភាពប្រចាំការនៃក្រុមប្រឹក្សាយោបល់គឺ មន្ទីរវិទ្យាសាស្ត្រ និងបច្ចេកវិទ្យាទីក្រុងកឹងធើ។ សមាជិកក្រុមប្រឹក្សាប្រមូលផ្តុំថ្នាក់ដឹកនាំបណ្តាមន្ទីរ ផ្នែក សាកលវិទ្យាល័យ អាជីវកម្មឈានមុខ និងក្រុមហ៊ុនបច្ចេកវិទ្យាទាំងក្នុងនិងក្រៅក្រុងកឹងធើ; ថ្នាក់ដឹកនាំតំណាងឱ្យស្ថាប័នឧបត្ថម្ភផ្លាស់ថ្មីច្នៃប្រតិដ្ឋ និងផ្តើមអាជីពច្នៃប្រតិដ្ឋ បណ្តាសមាគម អង្គការសមាគម; អ្នកជំនាញផ្លាស់ថ្មីច្នៃប្រតិដ្ឋ និងផ្តើមអាជីពទាំងក្នុងនិងក្រៅប្រទេស។

មីថាញ - វ៉ាន់តឹន

ចែករំលែកអត្ថបទ

ពាក្យគន្លឹះ