ព្រឹត្តិការណ៍ - នយោបាយ ព្រឹត្តិការណ៍

29/06/2026 - 18:52

អស់ពីចិត្ត ទទួលខុសត្រូវចំពោះប្រជាជន

ក្នុងការងារ លោកឡេវ៉ាំងផិច លេខាសាខាបក្ស ប្រធានគណៈប្រជាជនភូមិទ្រឿងភូ B ឃុំទ្រឿងឡុង តែងជាគំរូពីស្មារតីទទួលខុសត្រូវខ្ពស់។ ការអស់ពីចិត្ត ឈានមុខរបស់លោក បានកម្មាភិបាល បក្ខជន និងប្រជាជនភូមិភាគកត់សម្គាល់ គោ រពចងចាំ។

លោកផិច (ខាងឆ្វេង) ឃោសនាដល់ប្រជាជនពីគោលការណ៍រៀបចំរួមបញ្ចូលភូមិទ្រឿងភូ B និងភូមិទ្រឿងភូ ដើម្បីបង្កើតភូមិទ្រឿងភូ។

លោកឡេវ៉ាំងផិច ចូលរួមការងារនៅភូមិ ទ្រឿងភូ B ពីឆ្នាំ ១៩៩២ និងឆ្លងកាត់តួនាទីជាច្រើន។ តាំងពីឆ្នាំ ២០១៨ ដល់សព្វថ្ងៃ លោកធ្វើលេខាសាខាបក្ស ប្រធានគណៈប្រជាជនភូមិ។ តាមការវាយតម្លៃរបស់បក្ខជន និងប្រជាជនភូមិភាគ ក្នុងការងារ លោកផិចតែងអស់ពីចិត្តបម្រើប្រជាជន។ សំខាន់ពីឆ្នាំ ២០១៨ មកដល់សព្វថ្ងៃ ជាមួយតួនាទីជាលេខាសាខាបក្ស ប្រធានគណៈប្រជាជនភូមិ លោកផិច ចង្អុលការអនុវត្តមានប្រសិទ្ធភាពរាល់ភារកិច្ច ចលនា រួមចំណែកយ៉ាងសកម្មក្នុងការកសាងភូមិអភិវឌ្ឍ លើកកម្ពស់ជីវភាពប្រជាជន។

ក្នុងរយៈពេលជិត ៨ ឆ្នាំកន្លង សាខាបក្សចង្អុលការកម្មាភិបាល បក្ខជន និងបណ្តាសាខាសមាគម ក្រុម ឧបត្ថម្ភប្រជាជនបុលទុនជាង ៥ ពាន់លានដុង ពីធនាគារគោលនយោបាយសង្គម ដើម្បីអភិវឌ្ឍសេដ្ឋកិច្ច ឧបត្ថម្ភហ្វឹកហាត់បច្ចេកទេស ឃោសនាចលនាប្រជាជនបង្វែរពូជដំណាំ សត្វចិញ្ចឹម ជំរុញការអនុវត្តវិទ្យាសាស្ត្របច្ចេកទេសជឿនលឿនក្នុងការផលិត។ មកដល់សព្វថ្ងៃ ចម្ការចំនួន ២៣៤ ហិកតា ក្នុងភូមិតែងដាំទុរេន Ri6, ទុរេន Monthong, ដើមទឹកដោះគោឡរ៉ែង...។ លោកនិងកម្មាភិបាលបក្ខជនក្នុងភូមិ ចលនា ទឹកប្រាក់ឧបត្ថម្ភសង់ផ្ទះ ៤០ ខ្នងជូនបណ្តាគ្រួសារមានស្ថានភាពលំបាកពីលំនៅឋាន។ តាំងពីឆ្នាំ ២០២៤ ភូមិទ្រឿងភូ B មិននៅគ្រួសារក្រ និងដល់ឆ្នាំ ២០២៥ ភូមិគ្មាននៅគ្រួសារក្បែរក្រ។

រួមជាមួយការគិតអាន លើកកម្ពស់ជីវភាពប្រជាជន លោកផិច រួមជាមួយកម្មាភិបាលបក្ខជន ឃោសនាចលនាប្រជាជនបរិច្ចាគដី ៥០០០ ម៉ែត្រការេ បើកទូលាយចាក់បេតុងដងផ្លូវបុងយៀង - ដៀមួង ប្រវែង ២៥០០ ម៉ែត្រ ទទឹង ៤ ម៉ែត្រ។ ទន្ទឹមនោះ ចលនាប្រជាជននិងសប្បុរសជនគប់វាល់ជិត ៧០០ លានដុង ធ្វើស្ពានបេតុងរឹងមាំ ១ ធ្វើបង្គោលទង់លើដងផ្លូវជាង ២០០០ ម៉ែត្រ ដាក់អំពូលភ្លើងថាមពលព្រះអាទិត្យ កាមេរ៉ាសន្តិសុខលើបណ្តាដងផ្លូវ។ល។

បច្ចុប្បន្ន អនុវត្តគោលការណ៍រៀបចំរួមបញ្ចូលភូមិទ្រឿងភូ B និងភូមិទ្រឿងភូ ដើម្បីបង្កើតភូមិទ្រឿងភូ សំដៅសម្រិតសម្រាំងអង្គការ បង្កើនប្រសិទ្ធភាពសកម្មភាពនៅមូលដ្ឋាន សំខាន់គឺបង្កលក្ខណៈដើម្បីកម្មាភិបាលវ័យក្មេងក្លៀវក្លាចូលរួមការងារភូមិភាគ អនុវត្តល្អភារកិច្ច លោកផិច សម្រេចបញ្ឈប់ការងារចាប់ពីថ្ងៃទី ១ ខែកក្កដា។ “ខាងមុខ ទោះជាមិនចូលរួមការងារ តែចំពោះភារកិច្ចរបស់ខ្លួនជាបក្ខជន ខ្ញុំបន្តរក្សាទំនាក់ទំនងសហការជាមួយសាខាបក្ស គណៈប្រជាជនភូមិ គណៈការងាររណសិរ្ស និងបណ្តាសាខាសមាគមភូមិ ជំរុញការងារឃោសនាជួយប្រជាជនយល់ដឹងជ្រៅជ្រះ និងប្រតិបត្តិល្អគោលការណ៍របស់បក្ស គោលនយោបាយ និងក្រឹត្យច្បាប់របស់រដ្ឋ សកម្មចូលរួមបណ្តាចលនាប្រឡងប្រណាំង រួមចំណែកកសាងស្រុកភូមិមួយថ្ងៃកាន់តែផ្លាស់ថ្មី” លោកផិច បានឱ្យដឹងដូច្នេះ៕

ហ្វាងយុង - ចន្ថា

ចែករំលែកអត្ថបទ

ពាក្យគន្លឹះ