ព្រឹត្តិការណ៍ - នយោបាយ ព្រឹត្តិការណ៍

25/06/2026 - 19:54

គណៈប្រតិភូតំណាងរដ្ឋសភាទីក្រុង ចុះពិនិត្យការងារការពារបរិស្ថាននៅសង្កាត់ហ៊ឹងភូ

(CTO) - គណៈប្រតិភូតំណាងរដ្ឋសភាទីក្រុងកឹងធើ ដឹកនាំដោយលោក ដាវជីងៀ អនុប្រធានទទួលបន្ទុកនៃគណៈប្រតិភូតំណាងរដ្ឋសភាទីក្រុង បានចុះពិនិត្យជាក់ស្តែងការអនុវត្តគោលនយោបាយ និងច្បាប់ អំពីការងារការពារបរិស្ថាននៅក្នុងសង្កាត់ហ៊ឹងភូ។

គណៈប្រតិភូតំណាងរដ្ឋសភាទីក្រុង ចុះពិនិត្យនិងធ្វើការនៅមន្ទីរពេទ្យពហុព្យាបាល
ហ្វាងមីគឺវឡុង។

គណៈប្រតិភូបានអញ្ជើញទៅត្រួតពិនិត្យនៅមន្ទីរពេទ្យពហុព្យាបាល ហ្វាងមីគឺវឡុង។ មន្ទីរពេទ្យដែលបំពេញគ្រប់សំណុំឯកសារគតិយុត្តថ្មីបំផុតគឺលិខិតអនុញ្ញាតផ្នែកបរិស្ថានដែលបានផ្តល់កាលពីខែឧសភា ឆ្នាំ២០២៦។ ប្រព័ន្ធប្រព្រឹត្តិកម្មទឹកកខ្វក់ប្រមូលផ្តុំដែលមានពលានុភាព ២០០ ម៉ែត្រគូប/មួយថ្ងៃ-យប់ របស់មន្ទីរពេទ្យ បានអនុវត្តបច្ចេកវិទ្យាចម្រោះ MBR ទំនើប សម្រេចបទដ្ឋានជួរ A ។ កាកសំណល់វេជ្ជសាស្ត្រគ្រោះថ្នាក់ប្រមាណជាង ៧៧ តោនដែលកើតមានក្នុងមួយឆ្នាំៗ ត្រូវបានបែងប្រភេទ និងប្រគល់ជូនអង្គភាពមានសមត្ថកិច្ចយកទៅប្រព្រឹត្តិកម្មយ៉ាងតឹងរ៉ឹង ២ ថ្ងៃម្តង។

លោក ដាវជីងៀ (ជួរមុខ) អនុប្រធានទទួលបន្ទុកនៃគណៈប្រតិភូតំណាងរដ្ឋសភាទីក្រុង ចុះពិនិត្យនៅរោងចក្រប្រព្រឹត្តិកម្មទឹកកខ្វក់ទីក្រុង។

បន្ទាប់មក គណៈប្រតិភូបានបន្តទៅពិនិត្យនៅផ្សារភូធឺ និងរោងចក្រប្រព្រឹត្តិកម្មទឹកកខ្វក់ទីក្រុង (ចំណុះក្រុមហ៊ុនភាគហ៊ុនផ្គត់ផ្គង់ និងបង្ហូតទឹកកឹងធើ)។ នៅទីនេះ គណៈប្រតិភូបានស្តាប់របាយការណ៍អំពីដំណើរការប្រតិបត្តិការប្រព័ន្ធប្រមូល និងប្រព្រឹត្តិកម្មទឹកកខ្វក់ប្រជុំជីវភាព ដោយមានពលានុភាព ៣០.០០០ ម៉ែត្រគូប/មួយថ្ងៃ-យប់។ ដោយអាស្រ័យប្រព័ន្ធលូប្រមូលទឹកបច្ចុប្បន្នជាប្រព័ន្ធរួម មិនទាន់គ្រប់លក្ខណៈពេញលេញ ទើបបរិមាណទឹកកខ្វក់ហូរចូលរោងចក្រក្នុងរដូវប្រាំងមានការថយចុះយ៉ាងខ្លាំង។ ក្រៅពីនេះ ការយឺតយ៉ាវក្នុងការប្រគល់ទ្រព្យសម្បត្តិគម្រោង និងការអនុម័តលើផែនការតម្លៃប្រតិបត្តិការសម្រាប់ដំណាក់កាលឆ្នាំ ២០២៤ - ២០២៥ ក៏បានបង្កការលំបាកដល់ថវិកាដំណើរការរបស់អាជីវកម្មផងដែរ។

លោក ដាវជីងៀ បានកត់សម្គាល់នូវស្មារតីទទួលខុសត្រូវ និងការខិតខំប្រឹងប្រែងរបស់អង្គភាពត្រួតពិនិត្យក្នុងការគោរពតាមបទប្បញ្ញត្តិច្បាប់ស្តីពីការការពារបរិស្ថាន; ព្រមទាំងបានចែករំលែកនូវការលំបាក និងបញ្ហាប្រឈមនានាដែលកើតឡើងក្នុងការអនុវត្តជាក់ស្តែង។

ប្រធានគណៈប្រតិភូបានមានប្រសាសន៍ នឹងបូកសរុបរាល់សំណើដែលទាក់ទងនឹងការបែងប្រភពទុន ការលើកកម្ពស់បច្ចេកវិទ្យាប្រព្រឹត្តិកម្មទឹកកខ្វក់ និងធ្វើឱ្យសុក្រឹតយន្តការសហការរវាងគណៈកម្មាធិកាបក្សគ្រប់ថ្នាក់ គ្រប់ផ្នែក ដើម្បីរាយការណ៍ជូនស្ថាប័នមានសមត្ថកិច្ចពិនិត្យនិងដោះស្រាយ រួមចំណែកលើកកម្ពស់ប្រសិទ្ធភាពនៃការងារការពារបរិស្ថាននៅលើភូមិសាស្ត្រទីក្រុង។

ថាញធឺ - វ៉ាន់តឹន

ចែករំលែកអត្ថបទ

ពាក្យគន្លឹះ