មហាសាមគ្គីជនជាតិ ភូមិស្រុកផ្លាស់ថ្មី

01/04/2026 - 07:53

ភាពរីកចម្រើននៃឃុំទ្រីតូង ក្រោយរួមបញ្ចូលអង្គភាពរដ្ឋបាល

ក្រោយការរួមបញ្ចូលនិងស្ថិរភាពប្រព័ន្ធចាត់តាំង ឃុំទ្រីតូង ខេត្តអាងយ៉ាង កំពុងបោះជំហានអភិវឌ្ឍន៍លើវិស័យជាច្រើន។ សេដ្ឋកិច្ចកំណើនវិជ្ជមាន ហេដ្ឋារចនាសម្ព័ន្ធវិនិយោគព្រមៗគ្នា ធ្វើឱ្យទិដ្ឋភាពជនបទមានភាពរីកចម្រើនជាលំដាប់ពីមួយថ្ងៃទៅមួយថ្ងៃ។

ដងផ្លូវជនបទបានវិនិយោគកសាងយ៉ាងសមរម្យ។

ឃុំទ្រីតូង បានបង្កើតឡើងតាមរយៈការរួមបញ្ចូលរវាងទីប្រជុំជនទ្រីតូង ឃុំចូវឡាំង និងឃុំណូយតូ។ ក្រោយពីការរួមបញ្ចូល អង្គភាពរដ្ឋបាលថ្មីនេះក៏បានពង្រឹងនិងស្ថិរភាពយ៉ាងឆាប់រហ័ស។ ឆ្នាំ ២០២៥ គឺជាឆ្នាំមានរបត់រីកចម្រើនគួរឱ្យកត់សម្គាល់ ដោយភូមិភាគបានអនុវត្តសម្រេចភាគកម្រិតដែលបានដាក់ចេញ ១៣/១៣ ។

បច្ចុប្បន្ន សេដ្ឋកិច្ចឃុំទ្រីតូងបន្តរក្សាសន្ទុះកំណើនបង្គួរ ជាមួយនឹងល្បឿនកំណើនតម្លៃផលិតផលសរុបសម្រេចបានជាង ១០%។ ចំណូលមធ្យមសម្រាប់មនុស្សម្នាក់ៗ សម្រេចជាង ៦៥ លានដុងក្នុងមួយឆ្នាំ អត្រាគ្រួសារក្រីក្រថយចុះនៅត្រឹម ២,៤២%។ ក្នុងនោះ វិស័យកសិកម្មនៅតែជាបង្គោលគ្រឹះដ៏សំខាន់ ដោយមានផ្ទៃដីបង្កបង្កើនផលជាង ១០.០០០ ហិកតា និងទិន្នផលស្រូវសម្រេចបានជាង ៦៨.០០០ តោន។

ទន្ទឹមនឹងវិស័យកសិកម្ម វិស័យឧស្សាហកម្ម -សិប្បកម្ម និងពាណិជ្ជកម្ម-សេវាកម្ម ក៏មានជំហានអភិវឌ្ឍន៍ប្រកបដោយស្ថិរភាពផងដែរ។ បច្ចុប្បន្ន ទូទាំងឃុំមានមូលដ្ឋានផលិតជាង ២០០ កន្លែង ក្នុងនោះ មានមុខរបរប្រពៃណីជាច្រើន ដូចជា ស្ករត្នោតនិងចង្ក្រានដីបានរក្សានិងពង្រីក។

ពិសេស វិស័យទេសចរណ៍កំពុងក្លាយជាចំណុចលេចធ្លោរបស់ឃុំទ្រីតូង តាមរយៈការទាក់ទាញភ្ញៀវទេសចររាប់សែននាក់ក្នុងមួយឆ្នាំៗ។ ជាក់ស្ដែងដូចជា តំបន់ទេសចរណ៍អាងទឹកភ្នំតាប៉ា វត្តតាប៉ា និងអាងទឹកភ្នំស្វាយសជាដើម បានកែលម្អទេសភាពបៃតង - ជ្រះ - ស្អាត ដើម្បីផ្សព្វផ្សាយរូបភាពភូមិភាគ។ ព្រឹត្តិការណ៍វប្បធម៌ កីឡា ដូចជា បុណ្យប្រណាំងគោតំបន់បៃណូយ និងការប្រកួតឆ័ត្រយោង ក៏បង្កកម្លាំងទាក់ទាញយ៉ាងខ្លាំងជំរុញការអភិវឌ្ឍសេវាកម្ម និងលើកកម្ពស់ប្រាក់ចំណូលជូនប្រជាជន។

ទន្ទឹមនឹងការអភិវឌ្ឍសេដ្ឋកិច្ចឃុំទ្រីតូង យកចិត្តទុកដាក់ជាពិសេសលើការវិនិយោគហេដ្ឋារចនាសម្ព័ន្ធ។ សំណង់គមនាគមន៍ និងការរៀបចំសោភណភាពទីប្រជុំជន ត្រូវបានអនុវត្តដោយមានសរុបទុនវិនិយោគទូទាំងសង្គមជាង ៣០០ ពាន់លានដុង។ គោលនយោបាយសុខុមាលភាពសង្គម បានអនុវត្តទាន់ពេលវេលា ជាពិសេសគឺកម្មវិធីលុបបំបាត់ផ្ទះបណ្ដោះអាសន្ន និងទ្រុឌទ្រោមសម្រេចតាមផែនការ ១០០% ជួយឱ្យគ្រួសារក្រីក្ររាប់រយគ្រួមានលំនៅឋានស្នាក់នៅដ៏កក់ក្តៅ។

ក្រៅពីនេះ ការងារកែទម្រង់រដ្ឋបាលនិងផ្លាស់ប្ដូរឌីជីថលត្រូវបានជំរុញយ៉ាងខ្លាំង ដើម្បីបម្រើប្រជាជនឱ្យកាន់តែមានប្រសិទ្ធភាព។ យន្តការ “ច្រកចេញចូលតែមួយ” និង “៤ នៅនឹងកន្លែង” បាននាំមកនូវប្រសិទ្ធភាពខ្ពស់ ជាមួយនឹងអត្រាដោះស្រាយឯកសារជូនប្រជាជនទាន់ពេលវេ លាសម្រេចបានស្ទើរតែទាំងស្រុង បង្កបាននូវទំនុកចិត្តយ៉ាងខ្លាំងពីសំណាក់ប្រជាជននិងអាជីវកម្ម។

លោក ត្រឹងវ៉ាំងកឿង ប្រធានគណៈកម្មាធិការប្រជាជនឃុំទ្រីតូង មានប្រសាសន៍៖ “ដោយមានសាមគ្គីភាព ការប្តេជ្ញាចិត្តរបស់ប្រព័ន្ធនយោបាយនិងការឯកភាពរបស់ប្រជាជន បន្ទាប់ពីរួមបញ្ចូលឃុំទ្រីតូងមានស្ថិរភាពនិងអភិវឌ្ឍន៍ជាលំដាប់។ នៅពេលខាងមុខ ឃុំនឹងបន្តជំរុញការផ្លាស់ប្តូររចនាសម្ព័ន្ធសេដ្ឋកិច្ច វិនិយោគហេដ្ឋារចនាសម្ព័ន្ធ និងលើកកម្ពស់ជីវភាពសម្ភារៈនិងស្មារតីរបស់ប្រជាជន រួមចំណែកកសាងភូមិភាគឱ្យកាន់តែរីកចម្រើនប្រកបដោយចីរភាព ស៊ីវិល័យ និងទំនើប”៕

ហុងទើ - ថាច់ធី

ចែករំលែកអត្ថបទ

ពាក្យគន្លឹះ