មហាសាមគ្គីជនជាតិ គំរូក្នុងសហគមន៍

03/03/2026 - 08:50

រួមចំណែករក្សាសន្តិសុខសណ្តាប់ធ្នាប់នៅតំបន់ជនបទ

អស់ពីចិត្តនិងមានការទទួលខុសត្រូវចំពោះប្រជាជន នោះគឺជាលក្ខណសម្បត្តិដ៏ល្អរបស់បង ឡេជីលិញ ប្រធានក្រុមសន្តិសុខសណ្តាប់ធ្នាប់នៅភូមិ ២B ឃុំផុងហេប ខេត្តកាម៉ាវ។ គាត់ជា គំរូឆ្នើមក្នុងការចូលរួមរក្សាសន្តិសុខសណ្តាប់ធ្នាប់នៅមូលដ្ឋាន បានរដ្ឋមន្ត្រីក្រសួងនគរបាលជូនបណ្ណសរសើរ។

បងឡេជីលិញ (កណ្តាល) ទទួលបណ្ណសរសើររបស់ក្រសួងនគរបាល។

ដោយផ្សារភ្ជាប់ជាមួយនឹងការរក្សាសន្តិសុខសណ្តាប់ធ្នាប់នៅភូមិភាគជាច្រើនឆ្នាំ បងឡេជីលិញ តែងចាត់ទុករឿងនេះគឺជាការទទួលខុសត្រូវផងនិងជាក្តីមោទនៈផង ពេលបានរួមកម្លាំងការពារជីវភាពសុខសាន្តជូនមាមីងនៅភូមិ ២B។ ក្នុងនាមជាប្រធានក្រុម គាត់ច្បាមខ្ជាប់ភូមិឋានជានិច្ច ក្លាយជាស្ពានតភ្ជាប់រវាងប្រជាជន និងកម្លាំងនគរបាលឃុំ។

ក្នុងការតស៊ូ ប្រឆាំងនឹងបទល្មើស បងឡេជីលិញ បានបង្ហាញច្បាស់ពីភាពម្ចាស់ការរបស់ប្រធានក្រុមសន្តិសុខសណ្តាប់ធ្នាប់មូលដ្ឋាន។ បងបានផ្តល់ព័ត៌មានសំខាន់ៗជាច្រើន ជួយដល់កម្លាំងនគរបាលឃុំរកឃើញកន្លែងលេងល្បែងដ៏ស្មុគស្មាញ និងសហការវិនិច្ឆ័យបទល្មើសប្រើប្រាស់អគ្គិសនីឆក់ត្រីខុសច្បាប់បាន ១០ ករណី រួមចំណែកការពារជីវបរិស្ថាន និងប្រភពជលផលនៅភូមិភាគ។ ភាពរវៀសរវៃទាន់ពេលវេលានិងស្មារតីទទួលខុសត្រូវខ្ពស់របស់គាត់ បានរួមចំណែកទប់ស្កាត់បទល្មើសចាប់ពីដំបូង រក្សាស្ថិរភាពភូមិឋាន។

លើសពីនេះ បងឡេជីលិញ នៅទាំងសហការស្អិតល្មួតជាមួយប៉ូលិសតំបន់ក្នុងការគ្រប់គ្រង អប់រំមុខសញ្ញាចំនួន ១២ នាក់ដែលប្រើប្រាស់គ្រឿងញៀនខុសច្បាប់ទៀតផង។ បងឡេជីលិញ ឱ្យដឹង៖ “ក្នុងនាមជាអ្នករស់នៅភូមិភាគ និងជាប្រធានក្រុមសន្តិសុខសណ្តាប់ធ្នាប់ភូមិ ខ្ញុំស្គាល់ច្បាស់មុខសញ្ញាដែលញៀនគ្រឿងញៀននិងមុខសញ្ញាមានហានិភ័យខ្ពស់ ម្ល៉ោះហើយ តែងកៀកជិតឃោសនា បញ្ចុះបញ្ចូលនិងសហការជាមួយនឹងគ្រួសាររបស់ពួកគាត់បង្ការ ទប់ស្កាត់និងជំនួយក្នុងការផ្តាច់គ្រឿងញៀន និងបង្ការទប់ស្កាត់ប្រព្រឹត្តល្មើសឡើងវិញ។ អាស្រ័យហេតុនោះ ការងារបង្ការ ទប់ស្កាត់គ្រឿងញៀនមានភាពងាយស្រួល រួមចំណែកអនុវត្តឱ្យទៅជាភាពជាក់ស្តែងនូវទិសដៅកសាងភូមិឋាន “ឃុំផុងហ៊ីប គ្មានគ្រឿងញៀន”។

បងឡេជីលិញ មិនត្រឹមតែជាប្រធានក្រុមសន្តិសុខសណ្តាប់ធ្នាប់ប៉ុណ្ណោះទេ គាត់នៅទាំងជាប្រធានក្រុមប្រជាការពារទៀតផង បានចលនាអាជីវករខ្នាតតូចនៅផ្សារចូវជី បំពាក់បំពង់ពន្លត់អគ្គិភ័យ និងឧបករណ៍បង្ការពន្លត់អគ្គិភ័យ លើកកម្ពស់ការយល់ដឹងអំពីការបង្ការការឆេះផ្ទុះ និងការការពារទ្រព្យសម្បត្តិ; ចលនាតភ្ជាប់ប្រព័ន្ធកាមេរ៉ាគ្រួសារ ទៅក្នុងបណ្តាញត្រួតពិនិត្យរបស់នគរបាលឃុំយ៉ាងមានប្រសិទ្ធភាព បង្កើតជា “ភ្នែកទិព្វ” បន្ថែមជំនួយយ៉ាងសកម្មដល់ការបង្ការទប់ស្កាត់ សើុបអង្កេតនិង វិនិច្ឆ័យបទល្មើស។ វរសេនីយ៍ទោ ង្វៀងវុាំងឡឹម ប្រធាននគរបាលឃុំផុងហេប បញ្ជាក់ឱ្យដឹង៖ “សមមិត្តលិញ ជាអ្នកច្បាមខ្ជាប់ភូមិឋាន មានគំនិតឈ្លាសវៃ និងទាន់ពេលវេលាក្នុងការវិនិច្ឆ័យស្ថានការណ៍ សម្រេចបានល្អរាល់ភារកិច្ចដែលបានប្រគល់ មិនថាយប់ឬថ្ងៃ ភ្លៀងឬក្តៅនោះទេ។ ការអស់ពីចិត្តរបស់សមមិត្តលិញ បានរួមចំណែកយ៉ាងសំខាន់ ជួយឱ្យភូមិភាគរក្សាសន្តិសុខសណ្តាប់ធ្នាប់ ក្លាយជាចំណុចលេចធ្លោក្នុងចលនាទូទាំងប្រជាជនការពារសន្តិសុខមាតុភូមិ។ ទង្វើដ៏ស្ងៀមស្ងាត់ ប៉ុន្តែពោរពេញដោយអត្ថន័យរបស់សមមិត្តលិញ បានធ្វើឱ្យរីកសាយភាយនូវរូបភាពល្អរបស់អ្នកចូលរួមរក្សាសន្តិសុខសណ្តាប់ធ្នាប់នៅមូលដ្ឋាន៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ