មហាសាមគ្គីជនជាតិ ភូមិស្រុកផ្លាស់ថ្មី

11/02/2026 - 07:21

ឃុំលឿងតឹម រីកចម្រើនក្រោយពីរួមបញ្ចូល

ក្រោយពីការរួមបញ្ចូលអង្គភាពរដ្ឋបាល ឃុំលឿងតឹម ទីក្រុងកឹងធើ បានលំនឹងអង្គការចាត់តាំងយ៉ាងឆាប់រហ័ស ពង្រីកកម្លាំងមហាសាមគ្គីទូទាំងប្រជាជន បង្កការវិវត្តន៍យ៉ាងសកម្មក្នុងការកសាងជនបទថ្មី អភិវឌ្ឍសេដ្ឋកិច្ច-សង្គមនិងលើកកម្ពស់ជីវភាពសម្ភារៈ ស្មារតីជូនប្រជាជន។

ផ្លូវជនបទថ្មីនៅឃុំលឿងតឹម ទីក្រុងកឹងធើ។

ចំណុចលេចធ្លោបំផុតគឺការងារកសាងជនបទថ្មី បានបន្តការពង្រឹងនិងលើកកម្ពស់គុណភាព។ ហេដ្ឋារចនាគមនាគន៍ជនបទបានវិនិយោគ មានផ្លូវតភ្ជាប់ភូមិ ឃុំជាច្រើនបានបង្កើនកម្រិតនិងបើកទូលាយយ៉ាងរឹងមាំ។ ចលនា “ទូទាំងប្រជាជនសាមគ្គីកសាងជនបទថ្មី ទីក្រុងស៊ីវិល័យ” បានសាយភាយយ៉ាងទូលំទូលាយ កៀរគរកម្លាំងប្រជាជនមានប្រសិទ្ធភាព។ ឆ្នាំ ២០២៥ ប្រជាជននៅភូមិនានាបានស្ម័គ្រចិត្តបរិច្ចាគដីជាង ៦.៥០០ ម៉ែត្រការ៉េ ចូលរួមជាកម្លាំងពលកម្មជាង ៤៧០ ថ្ងៃ ដាំដើមឈើជាង ៣.០០០ ដើម គិតជាទឹកប្រាក់សរុបជាង ២ ពាន់លានដុង រួមចំណែកដល់ការកសាងផ្លូវភ្លឺ - បៃតង - ជ្រះ - ស្អាត និងធ្វើឱ្យទិដ្ឋភាពជនបទផ្លាស់ប្តូរយ៉ាងច្បាស់។

ក្នុងឆ្នាំនោះដែរ រណសិរ្សមាតុភូមិនិងអង្គការមហាជនបានកសាងផ្ទះមហាសាមគ្គីចំនួន ១០ ជូន គ្រួសារដែលមានជីវភាពខ្វះខាត សរុបទឹកប្រាក់ចំនួន ៨៤០ លានដុង។ ទន្ទឹមនឹងនោះ សម្រេចរួចរាល់ការលុបបំបាត់ផ្ទះបណ្ដោះអាសន្ន ផ្ទះទ្រុឌទ្រោមចំនួន ៩១ ខ្នង សរុបទឹកប្រាក់ ៥,៤៦ ពាន់លានដុង រួមចំណែកជួយប្រជាជន “មានផ្ទះសម្បែងសមរម្យ ស្ងប់អារម្មណ៍ប្រកបការងារ” ដើម្បីលំនឹងជីវភាព។ ទន្ទឹមនឹងនោះ ឃុំបានចលនាមូលនិធិបានជាង ២ ពាន់លានដុងសម្រាប់ប្រជាជនក្រីក្រ ចាត់តាំងជូនអំណោយចំនួន ២.០៣៤ ចំណែក ដល់គ្រួសារក្រីក្រ គ្រួសារគោលនយោបាយ និងមុខសញ្ញាងាយរងគ្រោះ ជាមួយទឹកប្រាក់សរុបជាង ១,៤ ពាន់លានដុង។ អនុវត្តការឧបត្ថម្ភជាប្រចាំដល់មុខសញ្ញាគាំពារសង្គមចំនួន ១១១ នាក់។ លទ្ធផល ឃុំសម្រេច ១០០% នៃគោលដៅបន្ថយភាពក្រីក្រសម្រាប់ឆ្នាំ ២០២៥ ដែលបានដាក់ចេញ ហើយជីវភាពរបស់ប្រជាជនបានលើកកម្ពស់ជាលំដាប់។

បងស្រីធីវ៉ឹង នៅភូមិ១០ ចែករំលែកទាំងក្តុកក្តួល៖ “ពីមុនគ្រួសារខ្ញុំមានការលំបាកខ្លាំងណាស់ ផ្ទះទ្រុឌទ្រោម ប៉ុន្តែគ្មានប្រាក់ដើម្បីជួសជុល។ អាស្រ័យការយកចិត្តទុកដាក់របស់បក្ស រដ្ឋ និងរដ្ឋអំណាចមូលដ្ឋានឧបត្ថម្ភផ្ទះមហាសាមគ្គី ទើបគ្រួសារខ្ញុំមានកន្លែងរស់នៅលំនឹង ស្ងប់អារម្មណ៍រកស៊ី និងឈានឡើងក្នុងជីវភាព”។

លោក ដាំងហ្វាងវ៉ូវ ប្រធានគណៈកម្មាធិការប្រជាជនឃុំលឿងតឹម មានប្រសាសន៍៖ “ក្រោយពីរួមបញ្ចូលអង្គភាពរដ្ឋបាល ឃុំផ្តោតលើការលំនឹងអង្គការចាត់តាំង លើកកម្ពស់កំណែទម្រង់រដ្ឋបាល កៀរគរធនធានវិនិយោគលើការអភិវឌ្ឍហេដ្ឋារចនាសម្ព័ន្ធ និងលើកកម្ពស់គុណភាពលក្ខឋានជនបទថ្មី។ គោលដៅគឺដើម្បីកសាងឃុំលឿងតឹម អភិវឌ្ឍគ្រប់វិស័យនិងចីរភាព ជីវភាពរបស់ប្រជាជនកាន់តែប្រសើរឡើង។ នាពេលខាងមុខ ឃុំនឹងបន្តលើកកម្ពស់ស្មារតីសាមគ្គី ម្ចាស់ការដោះស្រាយការលំបាក ផ្តោតសំខាន់លើការអភិវឌ្ឍផលិតកសិកម្ម យកចិត្តទុកដាក់លើការងារសុខុមាលភាពសង្គម លើកកម្ពស់គុណភាពអប់រំ សុខាភិបាល និងយកចិត្តទុកដាក់ជីវភាពវប្បធម៌ ស្មារតី សម្រាប់ប្រជាជន ជាពិសេសនៅតំបន់ជនជាតិភាគតិច”៕

ហុងទើ-មេងលី

ចែករំលែកអត្ថបទ

ពាក្យគន្លឹះ