មហាសាមគ្គីជនជាតិ គំរូក្នុងសហគមន៍

10/02/2026 - 06:35

បក្ខជនខ្មែរអស់ពីចិត្តដើម្បីមាមីងភូមិស្រុក

ពេលមកកាន់ភូមិកិញឆាង ឃុំអាងនិញ ទីក្រុងកឹងធើ ខណៈដែលរំលឹកដល់លោកគ្រូថាច់លៀង អ្នកណាក៏ស្គាល់គាត់ទាំងអស់។ ដ្បិតអី លោកគ្រូគឺជាបុគ្គលគំរូឆ្នើមម្នាក់ក្នុងចំណោមជនជាតិភាគតិចរបស់ឃុំដែលតែងខ្នះខ្នែងការងារអប់រំនិងការងារសង្គម។ អស់រយៈពេលជាង ៣០ ឆ្នាំបំពេញការងារ លោកគ្រូតែងទទួលបានការគោរពរាប់អានពីមាមីង ដោយសារការព្យាយាមនិងអស់ពីចិត្តពី ថ្លើមក្នុងការងារដែលបានទទួលបន្ទុក។

លោកគ្រូ ថាច់លៀងនៅភូមិកិញឆាង ឃុំអាងនិញទីក្រុងកឹងធើស្រាវជ្រាវសៀវភៅកម្មវិធីសិក្សា។

ឆ្នាំ ១៩៨០ លោកគ្រូបានចូលរួមបង្រៀននៅសាលាបឋមសិក្សាអាងនិញ C ឃុំអាងនិញ និងធ្វើជាលេខាសាខាបក្សរបស់សាលា ២ អាណត្តិកាល ដល់ឆ្នាំ ១៩៩១ លោកគ្រូបានគណៈកម្មាធិការបក្សឃុំអាងនិញ ចាត់ឱ្យធ្វើជាអនុប្រធានសមាគមកសិករឃុំ។ រហូតដល់ឆ្នាំ ១៩៩៥ លោកគ្រូបានផ្លាស់មកធ្វើជាប្រធានគណៈកម្មការរណសិរ្សភូមិកិញឆាង ឃុំអាងនិញ និងជាសមាជិកនៃក្រុមការងារសម្រុះសម្រួលក្នុងភូមិរហូតដល់ចូលនិវត្តន៍នៅឆ្នាំ២០០០ ។

ក្រោយពីចូលនិវត្តន៍ លោកគ្រូបានបន្តចូលរួមបង្រៀនថ្នាក់ពុទ្ធិកបឋមសិក្សានៅវត្តពោធិសត្ថារាម សង្កាត់សុកត្រាំង និងវត្តបទុមរង្សីទំនប់ ឃុំអាននិញ។ លោកគ្រូថាច់លៀង មានប្រសាសន៍៖ “ដោយសារស្មារតីទទួលខុសត្រូវ និងទឹកចិត្តស្រឡាញ់ចំណេះវិជ្ជាជីវៈ ខ្ញុំបានចូលរួមបង្រៀនខាងវិញ្ញាសាវេយ្យាករណ៍ខ្មែរ ក្នុងគោលបំណងផ្ទេរចំណេះដឹង ហ្វឹកហ្វឺនបំណិនប្រើប្រាស់ភាសាខ្មែរ និងសីលធម៌ដល់សិក្ខាកាមដែលជាសមណៈសិស្ស។ ខ្ញុំតែងតែផ្លាស់ថ្មីវិធីសាស្ត្របង្រៀន ដើម្បីឱ្យសិក្ខាកាមអាចទទួលយកចំណេះដឹងបានឆាប់ក្នុងការសិក្សា”។

ក្រៅពីការងារអប់រំ លោកគ្រូតែងចូលរួមយ៉ាងសកម្មក្នុងការងារសង្គម មនុស្សធម៌ ជួយដល់គ្រួសារក្រីក្រ គ្រួសារគោលនយោបាយ និងមុខសញ្ញាដែលងាយរងគ្រោះក្នុងសហគមន៍។ លោកគ្រូតែងតែជាអ្នកឈានមុខក្នុងចលនាដែលភូមិភាគបានបំផុស រួមចំណែកកសាងស្មារតីសាមគ្គីភាព ជួយគ្នាទៅវិញទៅមកក្នុងប្រជាជន រក្សាសន្តិសុខសណ្តាប់ធ្នាប់និងកសាងជីវភាពវប្បធម៌នៅតំបន់តាំងទីលំនៅ។

តាមរយៈការរួមចំណែកជាក់ស្តែង លោកគ្រូ ថាច់លៀង បង្កបានទំនុកចិត្តក្នុងសមូហភាពនិងប្រជាជន ហើយក៏បានគណៈកម្មាធិការបក្ស រដ្ឋអំណាច និងសាលារៀនវាយតម្លៃខ្ពស់។ លោក គ្រូសក្តិសមជាបក្ខជនគំរូ- គ្រូបង្រៀនឆ្នើម ដែលអស់ពីចិត្តពីថ្លើមដើម្បីបុព្វហេតុបណ្តុះបណ្តាលធនធានមនុស្សនៅភូមិភាគ។ សមមិត្ត យ៉ីបមិញវឿង លេខាសាខាបក្សភូមិកិញឆាង ឃុំអាងនិញ មានប្រសាសន៍៖ “លោកគ្រូ ថាច់លៀង គឺជាបក្ខជនគំរូម្នាក់អស់ពីចិត្តពីថ្លើមក្នុងការងារអប់រំនិងការចលនានៅភូមិភាគ។ តាមរយៈការរួមចំណែកទាំងនោះ លោកគ្រូក៏បានមាមីងក្នុងភូមិស្រុក គណៈកម្មការវត្តនិងព្រះសង្ឃដែលលោកគ្រូបានអញ្ជើញទៅបង្រៀន មានការគោរពរាប់អានយ៉ាងជ្រាលជ្រៅបំផុត” ។

ចំពោះការរួមចំណែកទាំងនោះ លោកគ្រូថាច់លៀង មានកិត្តិយសទទួលបានប័ណ្ណសរសើរជាច្រើនពីគណៈកម្មាធិការប្រជាជនខេត្តសុកត្រាំង (ចាស់) និងលិខិតសរសើរជាច្រើនពីបណ្តាគណៈ ផ្នែកស្រុកចូវថាញ់ (ចាស់)៕

ទ្រឿងផល-ថាច់ធី

ចែករំលែកអត្ថបទ

ពាក្យគន្លឹះ