នាឱកាសមហាសន្និបាតទូទាំងប្រទេសលើកទី ១៤ របស់បក្សកុម្មុយនីស្តវៀតណាម បណ្តាបក្ស​នយោ​​បាយធំៗ អង្គការនិងមិត្តភក្តិអន្តរជាតិបានផ្ញើសារលិខិត ទូរសារអបអរសាទរដល់មហា​សន្និ​បាត សម្តែងនូវមនោសញ្ចេតនាសាមគ្គីភាព មិត្តភាព វាយតម្លៃខ្ពស់ចំពោះសមិទ្ធផលដ៏ធំធេងដែល​វៀតណាមសម្រេចបានអស់រយៈកាល៤០ឆ្នាំផ្លាស់ថ្មីនិងជឿយ៉ាងមុតមាំថាមហាសន្និបាតបក្សលើកទី ១៤ របស់បក្សនឹងសម្រេចបានជោគជ័យយ៉ាងត្រចះត្រចង់ ជាព្រឹត្តិការណ៍បន្តធ្វើឱ្យ​វៀត​ណាម​អភិវឌ្ឍយ៉ាងរុងរឿងក្នុងយុគសម័យថ្មី។

គណៈប្រធានដឹកនាំមហាសន្និ​បាតលើកទី១៤របស់បក្ស។

១-ទូរសារអបអរសាទររបស់គណបក្សកុម្មុយនីស្តសហព័ន្ធរុស្សីមានសារសំណេរ៖ 

មហាសន្និបាតជាព្រឹត្តិការណ៍ដ៏សំខាន់ គូសបញ្ជាក់ពីដំណាក់កាលថ្មីក្នុងការអនុវត្តន៍គោគោលមា​គ៌ា​និងកសាងប្រ​ទេសជាតិ។ ដោយបញ្ញាសមូហភាព មហាសន្និបាតនឹងវាយតម្លៃយ៉ាងជ្រាលជ្រៅនិង​គ្រប់ជ្រុងជ្រោយចំពោះលទ្ធ​ផលនិងសមិទ្ធផលដែលបក្សកុម្មុយនីស្តវៀតណាមសម្រេចបាន ដោយ​​ការខិតខំប្រឹងប្រែងមិនឈប់ឈរនិងច្នៃប្រតិដ្ឋក្នុងអាណត្តិកាល៥ឆ្នាំកន្លង។ ក្រោមការដឹក​នាំរបស់បក្សកុម្មុយនីស្តវៀត​ណាម-កងជួរស្ម័គ្រចិត្តដែលបានសាកល្បង វៀត​ណាមកំពុងជឿជាក់ផ្សព្វផ្សាយសេចក្តីសម្រេចចិត្តនៃរាល់មហាសន្និបាត បង្កជាគ្រឹះរឹងមាំដើម្បីភាពជឿនលឿននិងវិថីអភិវឌ្ឍ រក្សារឹងមាំលក្ខន្តិកៈ ហើយច្នៃប្រតិដ្ឋចំពោះកិច្ចការក្នុងប្រទេសនិងកិច្ចការបរទេស។ គណ​បក្សកុម្មុយនីស្តសហព័ន្ធរុស្សី តែងមោទនភាពនិងបន្តកិច្ចសហប្រតិបត្តិការជាមួយបក្សកុម្មុយ​នីស្ត​វៀតណាម។

២-ទូរសារអបអរសាទររបស់គណបក្សប្រទេសរុស្សីរួបរួមមានសារសំណេរ៖

បក្សកុម្មុយនីស្តវៀតណាមជាកងជួរដឹកនាំរបស់រដ្ឋនិងសង្គម រួមចំណែកសម្រេចការអភិវឌ្ឍសេដ្ឋ​កិច្ច-សង្គមរបស់ប្រទេសជាតិ បណ្តាសេចក្តីសម្រេចរបស់បក្សរួមចំណែកលើកកម្ពស់តួនាទីវៀត​ណាម​លើឆាកអន្តរជាតិ ធានាលំនឹងនិងសន្តិសុខនៅតំបន់អាស៊ី-ប៉ាស៊ីហ្វិក។ វៀតណាមនិងសហ​ព័ន្ធរុស្សីកំពុងសហប្រតិបត្តិការយ៉ាងស្អិតល្មួតលើវិស័យទ្វេភាគីនិងពហុភាគី ក្នុងនោះមានយន្តការ​រុស្សី-អាស៊ាននិងBRICS។ សហប្រតិបត្តិការរវាងគណៈបក្សប្រទេសរុស្សីរួបរួមនិងបក្សកុម្មុយនីស្ត​វៀត​ណាមជាចំណែកមួយយ៉ាងសំខាន់នៃកិច្ចទំនាក់ទំនងដៃគូយុទ្ធសាស្រ្តគ្រប់ជ្រុងជ្រោយរវាងវៀត​ណាម-រុស្សី គោលបំណងជំរុញនិងធ្វើឱ្យជ្រាលជ្រៅជាងទៀតកិច្ចពិភាក្សានិងកិច្ចសហប្រតិបត្តិការរវាងបក្សទាំងពីរដើម្បីបម្រើផលប្រយោជន៍នៃប្រជាជាតិទាំងពីរ។

៣-ទូរសារអបអរសាទររបស់គណបក្សប្រជាជនឥណ្ឌាមានសារសំណេរ៖

កិច្ចទំនាក់ទំនងសហប្រតិបត្តិការយូរអង្វែងរវាងគណបក្សប្រជាជនឥណ្ឌា(BJP)និងបក្សកុម្មុយ​នីស្តវៀតណាមបានរួមចំណែកជាក់ស្តែងក្នុងការពង្រឹងនៃការយល់គ្នាទៅវិញទៅមកនិងជំរុញកិច្ច​សហ​ប្រតិបត្តិការរវាងវៀតណាមនិងឥណ្ឌា ជឿជាក់ថាមហាសន្និបាតទូទាំងប្រទេសលើកទី១៤នឹងសម្រេចបានជោគជ័យល្អប្រសើរនិងកំណត់ទិសយ៉ាងច្បាស់សម្រាប់ដំណាក់កាលអភិវឌ្ឍពេលខាងមុខ​របស់បក្សកុម្មុយនីស្តវៀតណាម ទន្ទឹមនោះ រូមចំណែកជំរុញគោលបំណងអភិវឌ្ឍនិងលើកកម្ពស់​​ជីវភាពរបស់ប្រជាជនវៀតណាម។

៤-ទូរសារអបអរសាទររបស់គណបក្សកុម្មុយនីស្តអាមេរិកមានសារសំណេរ៖

ការលះបង់ដ៏ធំធេងរបស់បក្សកុម្មុយនីស្តនិងប្រជាជនវៀតណាមជាប្រភពកម្លាំងបំផុសចលនាបក្សកុម្មុយនីស្តនិងប្រជាពលករលើពិភពលោក។ យើងខ្ញុំសង្ឃឹម ពង្រឹងជាងទៀតកិច្ចទំនាក់ទំ​នង​ជាមួយនឹងបក្សកុម្មុយនីស្តវៀតណាមក្រោយពីមហាសន្និបាតបានបញ្ចប់ដោយជោគជ័យ។ យើង​ខ្ញុំនឹងបន្តសាមគ្គីគ្នាក្នុងការតស៊ូដើម្បីសន្តិភាព សង្គមនិយមនិងសាមគ្គីអន្តរជាតិ។

៥-ទូរសារអបអរសាទររបស់គណបក្សកុម្មុយនីស្តជប៉ុនមានសារសំណេរ៖

សមិទ្ធផលនៃ៤០ឆ្នាំផ្លាស់ថ្មីធ្វើឱ្យផ្លាស់ប្តូរយ៉ាងច្បាស់ទិដ្ឋភាពប្រទេសជាតិ សេដ្ឋកិច្ច-សង្គមពីមួយថ្ងៃ​កាន់តែអភិវឌ្ឍនិងជីវភាពរបស់ប្រជាជនបានសុខដុមរមនា សុភមង្គល ប្រទេសជាតិមានឋានៈ តួនាទីពីមួយថ្ងៃកាន់តែសំខាន់​លើ​ឆាកអន្តរជាតិ។ មហាសន្និបាតលើកទី១៤ នឹងក្លាយជាកម្លាំងជំរុញថ្មីដើម្បីវៀតណាមសម្រេចបានសមិទ្ធផលយ៉ាងត្រចះត្រចង់ក្នុងបុព្វហេតុកសាងប្រ​ទេស​​ជាតិ ក៏ដូចជាពង្រីកតួនាទីយ៉ាងសកម្មក្នុងសហគមន៍អន្តរជាតិដើម្បីសន្តិភាព ភាពជឿន​លឿននិងការអភិវឌ្ឍដោយចីរភាពយោងលើធម្មនុញ្ញនៃអង្គការសហប្រជាជាតិនិងច្បាប់អន្តរ​ជាតិ។

៦-ទូរសារអបអរសាទររបស់គណបក្សកុម្មុយនីស្តបារាំងមានសារសំណេរ៖

គណបក្សកុម្មុយនីស្តបារាំងសន្យានឹងពង្រឹងជាងទៀតកិច្ចទំនាក់ទំនងមិត្តភាពនិងកិច្ចសហប្រតិបត្តិការរវាងបក្សទាំងពីរនិងប្រជាជននៃប្រទេសទាំងពីរ។ បេតិកភណ្ឌដែលលោកប្រធាន​ហូជី​មិញ សមាជិកស្ថាបនិកនៃបក្សកុម្មុយនីស្តបារាំងបន្តជាប្រភពកម្លាំងផុសគំនិតសម្រាប់មិត្តភាពផ្សារភ្ជាប់បក្សយើងទាំងពីរ។ បណ្តាតម្លៃពីសាមគ្គីភាព សន្តិភាពនិងភាពជឿនលឿនដែលយើងរួមគ្នាចែករំលែកជាសម្បត្តិដ៏ពិសិដ្ឋ ក្នុងពិភពលោកពោរពេញដោយភាពប្រែប្រួលខ្លាំងក្លា។

៧-ទូរសារអបអរសាទររបស់គណបក្សកុម្មុយនីស្តអូស្រ្តាលីមានសារសំណេរ៖

មហាសន្និបាតនឹងសម្រេចដំណើរការអភិវឌ្ឍរបស់ប្រទេសជាតិតាមមាគ៌ាសង្គមនិយមក្នុងយុគសម័យថ្មី។ យើងខ្ញុំអប​អរ​សទរតួនាទីជាប្រវត្តិសាស្រ្តនៃបណ្តាសមមិត្តក្នុងសម័យតស៊ូរំដោះជាតិជា​មួយឋានៈជាកងជួរថ្នាក់ដឹកនាំជាប្រចាំរបស់ប្រជាជនវៀតណាមនិងដំណើរការបដិវត្តន៍សង្គមនិយម។

៨-ទូរសារអបអរសាទររបស់គណបក្សកុម្មុយនីស្តស្រីលង្កាមានសារសំណេរ៖

ជាប្រទេសមួយមានការអភិវឌ្ឍឆាប់រហ័សបំផុតលើពិភពលោក វៀតណាមមិនបង្អង់លើកកម្ពស់ការ​រស់នៅ សុខាភិ​បាល អប់រំនិងជីវភាពវប្បធម៌របស់ប្រជាជន។ ចំពោះជ័យជម្នះទាំងអស់នេះសុទ្ធតែអាស្រ័យ​ប្រ​ជា​ជន​វៀត​ណាម​ដណ្តើមបានក្រោមការដឹកនាំដ៏មហិមារបស់បក្សកុម្មុយនីស្ត​វៀតណាម។ មហាសន្និបាតលើកទី១៤របស់​បក្សកុម្មុយ​នីស្ត​​វៀត​ណាម ជាមួយភារកិច្ចវាយតម្លៃចំពោះសមិទ្ធផលនៃបណ្តាកម្មវិធីដែលបក្សដាក់ចេញ ជាព្រឹត្តិការណ៍មួយមានអត្ថន័យយ៉ាងសំខាន់ចំពោះវៀតណាមនិងអន្តរជាតិ។

៩-ទូរសារអបអរសាទរនៃគណបក្សប្រជាធិបតេយ្យរួមដំណើរកូរ៉េខាងត្បូងមានសារសំណេរ៖

កន្លងហើយ ប្រទេសទាំងពីរមិនបង្អង់បើកទូលាយកិច្ចសហប្រតិបត្តិការលើបណ្តាវិស័យនយោបាយ កិច្ចការបរទេស វប្បធម៌និងសេដ្ឋកិច្ច។ ពេលខាងមុខ យើងខ្ញុំសង្ឃឹមថាប្រទេសទាំងពីរនឹងបន្ត​បើកទូលាយដោះដូរនិងកិច្ចសហប្រតិ​បត្តិការលើក្តីទំនុកចិត្ត សាមគ្គីគ្នាដើម្បីឈានចូលយុគម័យ​ថ្មី។ ទិសស្លោកនៃមហាសន្និបាតលើកនេះគឺ “សាមគ្គី-ប្រជាធិបតេយ្យ-ក្រឹត្យក្រម-លោតផ្លោះ-អភិវឌ្ឍ” បង្ហាញពីឆន្ទៈដ៏មោះមុតរបស់បក្សកុម្មុយនីស្តវៀតណាមឆ្ពោះទៅ​ដល់​ការអភិវឌ្ឍលោតផ្លោះ​របស់ប្រទេសជាតិ។

១០-ទូរសារអបអរសាទរនៃគណបក្សសហព័ន្ធហ្វីលីពីនមានសារសំណេរ៖

គណបក្សសហព័ន្ធហ្វីលីពីនវាយតម្លៃខ្ពស់ចំពោះការប្តេជ្ញាចិត្តរបស់បក្សកុម្មុយនីស្តវៀតណាមក្នុងការជំរុញភាព​ជឿន​លឿននិងរក្សាបានភាពលំនឹង រួមចំណែកធានាជីវភាពរបស់ប្រជាជន។ គណ​បក្សសហព័ន្ធហ្វីលីពីនជូនពរមហា​សន្និ​បាត​បាតសម្រេចជោគជ័យល្អប្រសើរនិងមានបំណងបង្កើនកិច្ច​សហ​ប្រតិបត្តិការជាមួយបក្ស​កម្មុយ​​នីស្ត​​វៀត​​ណាម​លើ​គ្រប់វិស័យដែលប្រទេសទាំងពីរផ្តោតការយកចិត្តទុកដាក់។

១១. ទូរសារអបអរសាទររបស់គណបក្សប្រជាជនម៉ុងហ្គោលី មានសារសំណេរ៖

មហាសន្និបាតលើកទី១៤ កត់សម្គាល់នូវដំណាក់កាលដ៏សំខាន់ ដោយបញ្ជាក់ពីការប្តេជ្ញាចិត្ត និងកិច្ចខិតខំមិនងាករេពីមាគ៌ាអភិវឌ្ឍរបស់បក្សកុម្មុយនីស្តវៀតណាម ក្នុងបុព្វហេតុមហាសាមគ្គីទូទាំងជនជាតិ កសាងនិងអភិវឌ្ឍប្រទេសជាតិប្រកបដោយភាពរុងរឿង ជីវភាពរបស់ប្រជាជនកាន់​តែសុភមង្គល។ យើងខ្ញុំជឿជាក់ថា ក្រោមការដឹកនាំដ៏ឈ្លាសវៃរបស់បក្សកុម្មុយនីស្តវៀតណាម ប្រជាជនវៀតណាមនឹងបន្តសម្រេចបាននូវសមិទ្ធផលធំធេងជាច្រើនថែមទៀត ក្នុងដំណាក់កាលអភិវឌ្ឍថ្មី។

១២. ទូរសារអបអរសាទររបស់រណសិរ្សរំដោះម៉ូសំប៊ិក (FRELIMO) មានសារសំណេរ៖

មហាសន្និបាតទូទាំងប្រទេសលើកទី១៤ គឺជាព្រឹត្តិការណ៍នយោបាយ មានអត្ថន័យជាប្រវត្តិសាស្ត្រដ៏ធំធេង មិនចំពោះតែបក្សកុម្មុយនីស្តវៀតណាមនិងប្រជាជនវៀតណាមជាបងប្អូនប៉ុណ្ណោះទេ នៅទាំងចំពោះបណ្តាគណៈ​បក្ស​ជឿន​លឿននិងបដិវត្តន៍នៅលើពិភពលោក ជាទីដែលឧត្តមគតិអំពីការរំដោះ សមភាពសង្គមនិងការអភិវឌ្ឍដោយឯករាជ្យ បន្តបំផុសគំនិតដល់មនុស្សជាតិ។

១៣. ទូរសារអបអរសាទររបស់គណបក្សសភាជាតិអាហ្វ្រិក (ANC) មានសារសំណេរ៖

គណបក្សសភាជាតិអាហ្វ្រិក សូមផ្ញើវាចាជូនពរពីសំណាក់សមមិត្តដែលប្រវត្តិសាស្ត្រនៃបក្សទាំងពីរមានការផ្សារភ្ជាប់គ្នាយ៉ាងជិតស្និទ្ធជាយូរមកហើយ។ សូមជូនពរឱ្យសេចក្តី សម្រេចចិត្តនានារបស់មហាសន្និបាតលើកទី១៤នៃបក្សកុម្មុយនីស្តវៀតណាមនឹងពង្រឹងផែនសាមគ្គីភាព ធ្វើឱ្យចក្ខុវិស័យយុទ្ធសាស្ត្រកាន់តែមុតស្រួចនិងជំរុញជាងទៀតនូវភាពរុងរឿង វឌ្ឍនភាពសង្គមជូនប្រជាជន​វៀត​ណាម។ សូមជូនពរឱ្យបក្សកុម្មុយនីស្តវៀតណាម បន្តឈរជើងយ៉ាងរឹងមាំប្រៀបដូចជា "ប្រទីបបំភ្លឺផ្លូវ" នៃអធិបតេយ្យភាព ការអភិវឌ្ឍ និងអន្តរជាតិនិយម នៅតំបន់អឌ្ឍគោលភាគខាងត្បូង។

១៤. ទូរសារអបអរសាទររបស់រណសិរ្សរំដោះជាតិអាល់ហ្សេរី (FLN) មានសារសំណេរ៖

រណសិរ្សរំដោះជាតិអាល់ហ្សេរី(FLN) អំណះអំណាងពីចំណងមិត្តភាពដែលប្រវត្តិសាស្ត្របានពូនជ្រំរវាង​ជនជាតិទាំងពីរនិងបក្សទាំងពីរ ដែលមានប្រភពដើមចេញពីការតស៊ូរួមគ្នា ប្រឆាំងនឹងចក្រពត្តិនិយម អាណានិគមនិយមនិងរាល់នឹមត្រួតត្រា និងការកេងប្រវ័ញ្ច ព្រមទាំងគូសបញ្ជាក់អំពីតម្រូវការនៃកងកម្លាំងស្រឡាញ់សន្តិភាពទាំងអស់ រួមដៃគ្នាជំរុញពិភពលោកពហុប៉ូលមួយដើម្បី​សន្តិភាព ស្ថិរភាពនិងវឌ្ឍនភាព។

១៥. ទូរសារអបអរសាទររបស់គណបក្សអាស៊ែបៃហ្សង់ថ្មី មានសារសំណេរ៖

ការពិតដែលមិនអាចប្រកែកបានគឺបក្សកុម្មុយនីស្តវៀតណាមកំពុងផ្សព្វផ្សាយប្រកបដោយជោគ​ជ័យនូវយុទ្ធសាស្ត្រអភិវឌ្ឍសេដ្ឋកិច្ច-សង្គមនិងបើកទូលាយកិច្ចទំនាក់ទំនងអន្តរជាតិរបស់ប្រទេសជាតិ។ រាល់សេចក្តីសម្រេចដែលមហា​សន្និ​បាតលើកទី១៤ អនុម័តនឹងដាក់ ចេញនូវមូលដ្ឋានគ្រឹះសម្រាប់ដំណាក់កាលអភិវឌ្ឍថ្មីមួយនិងបង្កើតកម្លាំងជំរុញដ៏សំខាន់សម្រាប់វឌ្ឍនភាពសេដ្ឋកិច្ច-សង្គមលើគ្រប់វិស័យនិងលើកកម្ពស់ប្រិយភាពអន្តរជាតិរបស់វៀតណាម។

១៦-អគ្គលេខាធិការអាស៊ាន ផ្ញើសារលិខិតអបអរសាទរ វាយតម្លៃខ្ពស់ចំពោះតួនាទីដ៏សំខាន់ ព្រមទាំងកិច្ចសន្យា គាំទ្រនិងការរួមចំណែកមិនឈប់ឈររបស់វៀតណាមក្នុងដំណើរការកសាងសហ​គមន៍​និងការខិតខំប្រឹងប្រែងតភ្ជាប់ក្នុងតំបន់អាស៊ាន ជឿជាក់ថា មហាសន្និបាតទូទាំងប្រទេសលើកទី១៤ នឹងដាក់ចេញនូវទិសដៅដ៏មានតម្លៃនិងការរួមចំណែកជាក់ស្តែង សមស្របនិងជំរុញទិសដៅយុទ្ធសាស្ត្ររបស់អាស៊ាន ផ្សារភ្ជាប់ជាមួយនឹងអាទិភាពអភិវឌ្ឍប្រ​ទេស​ជាតិសម្រាប់ដំណាក់កាល២០២៦-២០៣០ ក៏ដូចទិសដៅរយៈពេលវែងរបស់វៀតណាម។

១៧-ប្រធានគណៈកម្មាធិការប្រចាំការនៃសន្និសីទអន្តរជាតិបណ្តាគណបក្សនយោបាយអាស៊ី (ICAPP) បានផ្ញើសារលិខិតជូនពរមហាសន្និបាតលើកទី១៤ សម្រេចជោគជ័យល្អប្រសើរ កត់​សម្គាល់ពីតួនាទីសកម្មនិងការទទួលខុសត្រូវរបស់បក្សក្នុងការជំរុញការសន្ទនា ពង្រឹងការយោគយល់គ្នាទៅវិញទៅមកនិងកិច្ចសហប្រតិបត្តិការរវាងបណ្តាបក្សនយោបាយទូទាំងទ្វិបអាស៊ី។ វាយតម្លៃខ្ពស់ចំពោះសមិទ្ធផលលេចធ្លោរបស់វៀតណាមពីការអភិវឌ្ឍន៍សេដ្ឋកិច្ចប្រ​កប​ដោយថាមវន្ត ស្ថិរ​ភាពសង្គមនិងការលើកកម្ពស់ឋានៈអន្តរជាតិ ក្រោមការដឹកនាំរបស់បក្សយើង ទន្ទឹមនោះសម្ដែង​ការជឿជាក់មហាសន្និបាតលើកទី១៤របស់បក្សនឹងបន្តតម្រង់ទិសយុទ្ធសាស្ត្រសម្រាប់វិបុលភាព ការអភិវឌ្ឍប្រកបដោយចីរភាពរបស់ប្រទេសជាតិនិងបង្កើនសមាហរណកម្មនិងកិច្ចសហប្រតិ​បត្តិការអន្តរជាតិរបស់វៀតណាម។

១៨-អគ្គលេខាធិការសម្ព័ន្ធភាព​សភា(IPU) បានផ្ញើសារលិខិតអបអរសាទរចំពោះមហាសន្និបាតទូទាំងប្រទេសលើក​ទី១៤ របស់បក្សកុម្មុយនីស្តវៀតណាម ដោយវាយតម្លៃខ្ពស់ចំពោះសមិទ្ធផលសេដ្ឋ​កិច្ច-សង្គមដ៏លេចធ្លោរបស់​វៀត​ណាម​ក្នុងរយៈពេលប៉ុន្មានឆ្នាំកន្លង ក្រោមការដឹកនាំរបស់បក្ស កត់​សម្គាល់ការរួមចំណែកយ៉ាងសកម្មនិងជាក់ស្តែងរបស់វៀតណាមចំពោះសកម្មភាពរបស់IPU ជាពិសេសក្នុងការជំរុញសន្តិភាព កិច្ចសហប្រតិបត្តិការ ការអភិវឌ្ឍប្រកបដោយចីរភាពនិងការពង្រឹង​កិច្ចសហប្រតិបត្តិការរវាងសភាទាំងឡាយ ព្រមទាំងសម្តែងនូវក្តីទំនុកចិត្តវៀតណាមនឹងបន្ត​សម្រេច​បាននូវសមិទ្ធផលធំធេងជាងទៀតនៅលើមាគ៌ាអភិវឌ្ឍក្នុងពេលខាងមុខ៕

យោងតាម៖ ទីភ្នាក់ងារសារព័ត៌មានវៀតណាម-ដាលីន

​