ព្រឹត្តិការណ៍ - នយោបាយ ព្រឹត្តិការណ៍

15/09/2025 - 09:24

វិនិយោគកម្លាំងបញ្ញា បង្កើនគុណភាពការងារកសាងច្បាប់

ថ្លែងសុន្ទរកថាបើកសម័យប្រជុំ នាយករដ្ឋមន្ត្រី ផាមមិញជិញ បានសង្កត់ធ្ងន់៖ សេចក្តីសម្រេចលេខ៦៦-NQ/TW របស់ការិយាល័យនយោបាយបានកំណត់ទិសដៅឆ្នាំ២០២៥ ជាមូលដ្ឋាន ដោះស្រាយបានបញ្ហានៅរាំងស្ទះ ជាប់ជំពាក់ បម្រើដល់ការអភិវឌ្ឍរបស់ប្រទេសជាតិ អភិវឌ្ឍឆាប់រហ័សនិងចីរភាព ខិតខំកំណើន GDP ឆ្នាំនេះ សម្រេច៨,៥-៨% ឆ្នាំបន្តបន្ទាប់ កំណើនតួលេខ ២ខ្ទង់ សម្រេច២ទិសដៅយុទ្ធសាស្ត្រ ១០០ ឆ្នាំ។

នាយករដ្ឋមន្ត្រី ផាមមិញជិញ ដឹកនាំកិច្ចប្រជុំរដ្ឋាភិបាលអំពីប្រធានបទកសាងច្បាប់។

អាស្រ័យហេតុនោះ យើងត្រូវវិនិយោគកម្លាំងដឹកនាំ ចង្អុលការ មូលដ្ឋានសម្ភារៈនិងលក្ខខណ្ឌចាំបាច់ផ្សេងទៀត ដើម្បីសម្រេចបាននូវទិសដៅនេះ។

នាយករដ្ឋមន្ត្រីបានលើកឡើងយ៉ាងច្បាស់ ចាប់ពីដើមឆ្នាំ ២០២៥ មកទល់ពេលនេះ រដ្ឋាភិបាលបានរៀបចំកិច្ចប្រជុំចំនួន៩លើក; ពិនិត្យ និងផ្តល់យោបល់លើពង្រាងច្បាប់ និងសេចក្តីសម្រេចប្រមាណ ៨០ លើកជូនរដ្ឋសភា។ បន្តកិច្ចប្រជុំប្រធានបទច្បាប់ខែសីហា ឆ្នាំ ២០២៥ ដែលបានរៀបចំឡើងប៉ុន្មានថ្ងៃមុននេះ (ថ្ងៃទី៤ ខែកញ្ញា) រដ្ឋាភិបាលរៀបចំសម័យប្រជុំខែកញ្ញា ឆ្នាំ ២០២៥ (សម័យប្រជុំលើកទី១) ដើម្បីផ្តល់យោបល់លើសេចក្តីព្រាងច្បាប់ឱ្យបានទាន់ពេល គ្រោងនឹងលើកជូនរដ្ឋសភាអនុម័តក្នុងសម័យប្រជុំលើកទី ១០ រដ្ឋសភានីតិកាលទី ១៥។

តាមនោះ រដ្ឋាភិបាលគ្រោងនឹងលើកជូនរដ្ឋសភាប្រមាណ ១១៣ សំណុំលិខិត ឯកសារនិងរបាយការណ៍ ក្នុងនោះ មានសេចក្តីព្រាងច្បាប់ និងសេចក្តីសម្រេចចំនួន៤៧។ ចាប់ពីពេលនេះ រហូតដល់ថ្ងៃបើកសម័យប្រជុំរដ្ឋសភាលើកទី១០ នីតិកាលទី១៥ នៅសល់ពេលមិនយូរប៉ុន្មាន ប៉ុន្តែ បរិមាណការងារដែលត្រូវត្រៀមគឺច្រើនណាស់ ភារកិច្ចនិងតម្រូវការដាក់ចេញគឺខ្ពស់ លក្ខណៈនិងកម្រិតមានភាពស្មុគស្មាញខ្លាំងណាស់។

ឧបនាយករដ្ឋមន្រ្តី ហូឌឹកភើក ថ្លែងយោបល់ក្នុងអង្គប្រជុំ។

អាស្រ័យហេតុនេះ នាយករដ្ឋមន្រ្ដី សំណូមពរឱ្យឧបនាយករដ្ឋមន្ត្រី រដ្ឋមន្ត្រីនិងសមាជិករដ្ឋាភិបាល លើកកម្ពស់តួនាទី ចង្អុលការ ដឹកនាំ ចាត់ចែងប្រភពកម្លាំង ពេលវេលាដើម្បីបន្តការកសាងឯកសារច្បាប់ ពិសេសគឺច្បាប់លើកជូនរដ្ឋសភា ត្រូវធានាបានល្បឿននិងគុណភាព; ស្នើឱ្យរដ្ឋាភិបាល សមាជិករដ្ឋាភិបាល និងស្ថាប័ន ក្រោមឱវាទរបស់រដ្ឋាភិបាល បន្តការប្តេជ្ញាចិត្តខ្ពស់ ខិតខំប្រឹងប្រែងឱ្យខ្លាំង ចាត់វិធានការប្តូរផ្តាច់និងបន្តចង្អុលការការងារកសាងបក្សតាមស្មារតីនៃសេចក្តីសម្រេចចិត្តលេខ៦៦-NQ/TW របស់ការិយាល័យនយោបាយ និងកិច្ចចង្អុលការរបស់គណៈចង្អុលការអំពីការបង្ហើយឯកសារច្បាប់; ទទួលខុសត្រូវអំពីគុណភាព គោលនយោបាយក្រឹត្យច្បាប់ក្នុងវិស័យគ្រប់គ្រងរបស់ក្រសួង ស្ថាប័នរបស់ខ្លួន ពិសេសចំពោះគ្រោងច្បាប់ សេចក្តីសម្រេចលើកជូនរដ្ឋសភានៅសម័យប្រជុំលើកទី១០ នីតិកាលទី១៥ ខាងមុខនេះ។

នៅក្នុងសម័យប្រជុំអំពីការកសាងច្បាប់នៅខែកញ្ញា ឆ្នាំ២០២៥ នេះ (សម័យប្រជុំលើកទីមួយ) នឹងពិនត្យផ្តល់យោបល់លើគ្រោងច្បាប់ចំនួន៩៖ ច្បាប់ស្តីពីពន្ធលើប្រាក់ចំណូលផ្ទាល់ខ្លួន; ច្បាប់ស្តីពីបច្ចេកវិទ្យាខ្ពស់ (វិសោធនកម្ម); ច្បាប់ស្តីពីវិសោធនកម្មនិងបំពេញបន្ថែមមាត្រាមួយចំនួននៃច្បាប់ផ្ទេរបច្ចេកវិទ្យា; ច្បាប់ស្តីពីវិសោធនកម្ម និងបំពេញបន្ថែមមាត្រាមួយចំនួននៃច្បាប់កម្មសិទ្ធិបញ្ញា; ច្បាប់ស្តីពីវិសោធនកម្មនិងបំពេញបន្ថែមមាត្រាមួយចំនួននៃច្បាប់សន្ធិសញ្ញាអន្តរជាតិ; ច្បាប់ស្តីពីវិសោធនកម្ម និងបំពេញបន្ថែមចំនួន១០ច្បាប់ ទាក់ទិនដល់សន្តិសុខសណ្តាប់ធ្នាប់; ច្បាប់ស្តីពីការការពារអាថ៌កំបាំងរដ្ឋ (វិសោធនកម្ម); ច្បាប់ស្តីពីវិសោធនកម្មនិងបំពេញបន្ថែមច្បាប់ចំនួន១៥ លើវិស័យកសិកម្មនិងបរិស្ថាន; ច្បាប់ស្តីពីសារព័ត៌មាន (វិសោធនកម្ម) ។

នាយករដ្ឋមន្ត្រីបានបញ្ជាក់ថា មានច្បាប់ខ្លះកែសម្រួលច្រើនច្បាប់; សំណូមពរក្នុងដំណើរការកសាង និងកែសម្រួលច្បាប់ត្រូវធានានូវគោលការណ៍ធំ៖ អ្វីជាក់ច្បាស់ អនុវត្តមានប្រសិទ្ធភាព បញ្ជាក់ថាត្រឹមត្រូវផ្តើមពីភាពជាក់ស្តែង បានភាគច្រើនយល់ស្របគឺកសាងជាច្បាប់។ អ្វីដែលនៅមានការប្រែប្រួល មិនស្ថិតក្នុងសមត្ថកិច្ចរបស់រដ្ឋសភា ត្រូវកសាងជាអនុក្រឹត្យ ឬគោលការណ៍ណែនាំស្ថិតក្នុងសមត្ថកិច្ចរបស់រដ្ឋាភិបាល; ឈរលើស្មារតីកែសម្រួលខ្លី ឆ្ពោះទៅរកខ្លឹមសារដែលនៅជាប់ជំពាក់ លើកកម្ពស់គុណភាពជៀសវាងកែសម្រួលច្រើនដង។

ពិសេសធ្វើវិមជ្ឈការ ដើរទន្ទឹមនឹងបែងចែកធនធាន លើកកម្ពស់សមត្ថភាពអនុវត្ត ពង្រឹងអធិការកិច្ចនិងត្រួតពិនិត្យ។ ពិនិត្យ បន្ថយនីតិវិធីរដ្ឋបាលយ៉ាងតិច៣០% នៃចំនួននីតិវិធីរដ្ឋបាល ពេលវេលានៃការអនុវត្ត និងការចំណាយគោរពតាមនីតិវិធីរដ្ឋបាល។ រាល់បញ្ហាដែលនៅខុសប្លែកគ្នា គួរតែត្រូវលើកឡើងនិងទស្សនៈរបស់ស្ថាប័នលើកជូន។

ចំពោះច្បាប់មួយចំនួនដែលកែសម្រួលច្រើនច្បាប់ យើងត្រូវធ្វើឱ្យសុក្រឹតនូវក្របខ័ណ្ឌច្បាប់ លើកកម្ពស់សុពលភាព និងប្រសិទ្ធភាពនៃសកម្មភាពគ្រប់គ្រងរដ្ឋលើវិស័យសំខាន់ៗមួយចំនួន និងក្នុងបរិបទសមាហរណកម្មអន្តរជាតិទូលំទូលាយ ដូចជា៖ ការពារអាថ៌កំបាំងរដ្ឋ សន្តិសុខ-សណ្តាប់ធ្នាប់ វិទ្យាសាស្ត្រ-បច្ចេកវិទ្យា កម្មសិទ្ធិបញ្ញា ពន្ធធនធាននិងបរិស្ថាន សារព័ត៌មាននិងសារគមនាគមន៍ សន្ធិសញ្ញាអន្តរជាតិ។ល។ បង្កបរិយាកាសផ្លូវច្បាប់បើកចំហ ងាយស្រួលនិងធានាសិទ្ធិនិងផលប្រយោជន៍ស្របច្បាប់របស់ប្រជាជន និងអាជីវកម្ម; ការងារគ្រប់គ្រងងាយស្រួល និងមានប្រសិទ្ធភាព; ដោះស្រាយការលំបាក និងបញ្ហាជាប់ជំពាក់ផ្លូវច្បាប់បានទាន់ពេល ដើម្បីជំរុញអភិវឌ្ឍន៍សេដ្ឋកិច្ច-សង្គម ខិតខំសម្រេចទិសដៅ កំណើនដែលបានដាក់ចេញ។

នាយករដ្ឋមន្ត្រី សំណូមពរឱ្យសមាជិករដ្ឋាភិបាល រដ្ឋមន្ត្រី និងប្រធានផ្នែកនានា បន្តប្រមូលផ្តុំបញ្ញា វិនិយោគកម្លាំង ដឹកនាំថ្នាក់ក្រោម កម្មាភិបាលពង្រាងឯកសារ ធ្វើសេនាធិការឱ្យបានច្បាស់ប្រាកដប្រជា...៕

យោងតាម nhandan.vn

ចែករំលែកអត្ថបទ

ពាក្យគន្លឹះ