ព្រឹត្តិការណ៍ - នយោបាយ ព្រឹត្តិការណ៍ - នយោបាយ

11/08/2025 - 15:23

សង្កាត់ឡុងមី ទាញយកសក្តានុភាពអភិវឌ្ឍកសិកម្ម ឧស្សាហកម្ម ទីក្រុង និងទេសចរណ៍បានល្អ

(កឹងធើ) - បក្ខភាគសង្កាត់ឡុងមី បានរៀបចំមហាសន្និបាតបក្ខភាគលើកទី១ អាណត្តិកាល ២០២៥-២០៣០។ សមមិត្ត ហូធីកឹមដាវ អនុលេខាគណៈកម្មាធិការបក្សក្រុង ប្រធានគណៈកម្មាធិការរណសិរ្សមាតុភូមិវៀតណាម ក្រុងកឹងធើ បានអញ្ជើញចូលរួមនិងចង្អុលការមហាសន្និបាត។

សមមិត្ត ហូធីកឹមដាវ អនុលេខាគណៈកម្មាធិការបក្សក្រុង ប្រធានគណៈកម្មាធិការរណសិរ្សមាតុភូមិវៀតណាមក្រុងកឹងធើ ថ្លែងចង្អុលការក្នុងមហាសន្និបាត។

អាណត្តិកាល ២០២០-២០២៥ សង្កាត់ឡុងមី អនុវត្តសម្រេចនិងសម្រេចលើសភាគកម្រិតផែនការ១៤/១៤នៃសេចក្តីសម្រេចចិត្ត។ ជាក់ស្តែងគឺបញ្ចូលបក្ខជនថ្មី បាន១០៣នាក់ សម្រេច១០០%; រៀងរាល់ឆ្នាំ អត្រាបក្ខជនសម្រេចភារកិច្ចល្អចំនួន៩៩% សាខាបក្សស្អាតស្អំ រឹងមាំជាង៩៥% និងគ្មានសាខាបក្សទន់ខ្សោយ។ ឃុំមានផលិតផលចំនួន១៦មុខ សម្រេច OCOP ផ្កាយ៣។ អត្រាបន្ថយភាពក្រីក្ររៀងរាល់ឆ្នាំរបស់ឃុំបាន១,៤% សម្រេច១៤០%។ ចំណូលថវិការដ្ឋសរុបបានជិត៨០ពាន់លានដុង សម្រេច ១៣៤,១%; សរុបទុនវិនិយោគទូទាំងសង្គមចំនួន១.៤៥០ពាន់លានដុង សម្រេច ១២០,៨% និងការពារប្រទេស-សន្តិសុខនយោបាយសណ្តាប់ធ្នាប់សុវត្ថិភាពសង្គមត្រូវបានធានា។

អាណត្តិកាល ២០២៥-២០៣០ បក្ខភាគសង្កាត់ឡុងមី បានដាក់ចេញនូវភាគកម្រិតចំនួន១៦។ ក្នុងនោះ ភារកិច្ចសំខាន់គឺកសាងបក្សនិងប្រព័ន្ធនយោបាយស្អាតស្អំ រឹងមាំ; កសាងសង្កាត់ឡុងមី អភិវឌ្ឍតាមទិសដៅទីក្រុងស៊ីវិល័យ; ជំរុញអភិវឌ្ឍកសិកម្ម-ឧស្សាហកម្ម-សិប្បឧស្សាហកម្មខ្នាតតូច-ពាណិជ្ជកម្ម សេវាកម្ម និងទេសចរណ៍; ធានាសុខុមាលភាពសង្គម និងបន្ថយភាពក្រីក្រដោយចីរភាព។

មហាសន្និបាត បានអនុម័តលើសេចក្តីសម្រេចរបស់គណៈប្រតិបត្តិការបក្ខភាគក្រុង អំពីការចាត់តាំងបុគ្គលិកនៃគណៈប្រតិបត្តិការបក្ខភាគសង្កាត់ឡុងមី អាណត្តិកាល២០២៥-២០៣០ មានសមមិត្តចំនួន៣៣រូប; គណៈអចិន្ត្រៃយ៍នៃគណៈកម្មាធិការបក្សសង្កាត់ មានសមមិត្តចំនួន១១រូប; សមមិត្ត ដងក្វឹកថឹក កាន់តំណែងជាលេខាគណៈកម្មាធិការបក្សសង្កាត់។

ថ្លែងចង្អុលការនៅក្នុងមហាសន្និបាត សមមិត្ត ហូធីកឹមដាវ សំណូមពរបក្ខភាគ សង្កាត់ឡុងមី បន្តលើកកម្ពស់សមត្ថភាពសកម្មភាព ពង្រឹងសាមគ្គីភាពនិងពង្រីកប្រជាធិបតេយ្យនៅមូលដ្ឋាន។ អនុវត្តល្អនូវការចលនាប្រឡងប្រណាំងស្នេហាជាតិ ផ្សារភ្ជាប់នឹងអនុវត្តភារកិច្ចនយោបាយរបស់ភូមិភាគ; ក្នុងនោះ ត្រូវទាញយកសក្តានុភាពអភិវឌ្ឍកសិកម្ម ឧស្សាហកម្ម ទីក្រុងទេសចរណ៍ឱ្យបានល្អ និងផ្សារភ្ជាប់អភិវឌ្ឍសេដ្ឋកិច្ចជាមួយនឹងធានាសុខុមាលភាពសង្គម។ បន្ទាប់ពីមហាសន្និបាត បក្ខភាគសង្កាត់លំនឹងអង្គភាពឱ្យបានឆាប់រហ័ស កសាងលក្ខន្តិកៈ កម្មវិធីការងារ ដើម្បីបង្កការឯកភាពក្នុងការយល់ដឹងនិងសកម្មភាពជូនបក្ខជន៕

ហឺវភឿក-វិមាន

ចែករំលែកអត្ថបទ

ពាក្យគន្លឹះ