មហាសាមគ្គីជនជាតិ ភូមិស្រុកផ្លាស់ថ្មី

11/06/2024 - 09:26

ផ្សារភ្ជាប់ការងារសាសនានិងសង្គម

រយៈពេលកន្លងព្រះឧបជ្ឈាយ៍ លីសាមុត និងព្រះតេជព្រះគុណ តាំងសាវង្ស នៅខេត្តបាកលីវ បានបំពេញការងារមានប្រយោជន៍ជាច្រើន ដើម្បីពង្រីកប្រពៃណី “ល្អសាសនា ល្អសង្គម”។

ព្រះឧបជ្ឈាយ៍ លីសាមុត រួមជាមួយរដ្ឋអំណាចមូលដ្ឋាន កាត់ខ្សែបូសម្ពោធឆ្លងស្ពាន
នៅភូមិវិញឡុក ឃុំវិញភូដុង ស្រុកភឿកឡុង ខេត្តបាកលីវ។

ជាព្រះថេរៈមួយព្រះអង្គដែលបានពុទ្ធបរិស័ទគោរពរាប់អាន និងរដ្ឋអំណាចជំនឿទុកចិត្ត ទោះជាព្រះអង្គមានព្រះជន្ម ៧៥ វស្សាក៏ដោយព្រះឧបជ្ឈាយ៍ លីសាមុត អតីតប្រធានសមាគមព្រះសង្ឃសាមគ្គីស្នេហាជាតិខេត្តបាកលីវ បច្ចុប្បន្ន ជាព្រះចៅអធិការវត្តសិរីវង្សាជយារាមខ្វែងដង្ហិត (ភូមិវិញឡុក ឃុំវិញភូដុង ស្រុកភឿកឡុង) តែងសកម្មចូលរួមក្នុងសកម្មភាពការងារសប្បុរសធម៌និងសុខុមាលភាពសង្គមនៅមូលដ្ឋាន ជាក់ស្ដែងដូចជា សង់ផ្ទះមេត្តាធម៌ លុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមជូនជនរួមជាតិខ្មែរ។ មកដល់ពេលនេះ ព្រះឧបជ្ឈាយ៍ លីសាមុត បានកៀរគរ សាងសង់ផ្ទះមេត្តាធម៌ជាង ៨០ ខ្នង ជូនគ្រួសារជនរួមជាតិខ្មែរដែលជួបលំបាកខាងលំនៅឋាន។ ពេលស្រុកភឿកឡុង អនុវត្តកម្មវិធីកសាងជនបទថ្មី ព្រះឧបជ្ឈាយ៍ លីសាមុត សកម្មចលនាប្រជាជនបរិច្ចាគដីរាប់ម៉ឺនម៉ែត្រការ៉េ ដើម្បីកសាងផ្លូវជនបទ; កៀរគរអង្គការសប្បុរសធម៌នានា ឧបត្ថម្ភថវិកាដើម្បីកែលម្អ ពង្រីកផ្លូវថ្នល់ និងកសាងស្ពាន ដើម្បីបង្កលក្ខណៈងាយស្រួលដល់ប្រជាជនធ្វើដំណើរទៅមក។

ព្រះតេជព្រះគុណ តាំងសាវង្ស តែងផ្សព្វផ្សាយចលនាជនរួមជាតិខ្មែរអនុវត្តល្អនូវគោលការណ៍
របស់បក្ស គោលនយោបាយ ច្បាប់របស់រដ្ឋស។

សំណេះសំណាលជាមួយយើងខ្ញុំ សមមិត្ត ង្វៀងង៉ុកធ្វី ប្រធានគណៈកម្មាធិការរណសិរ្សមាតុភូមិស្រុកភឿកឡុង មានប្រសាសន៍ៈ “ព្រះឧបជ្ឈាយ៍ លីសាមុត ជាគំរូមួយដ៏ភ្លឺស្វាងសម្រាប់មាមីងពុទ្ធបរិស័ទយកគំរូតាម។ ផ្តើមពីការផ្សព្វផ្សាយគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ ក្នុងតំបន់ជនរួមជាតិខ្មែរដល់ការងារសប្បុរសធម៌សង្គម កសាងជនបទថ្មីជាដើម ព្រះឧបជ្ឈាយ៍បានចូលរួមយ៉ាងសកម្ម”។

ជាព្រះថេរៈមួយព្រះអង្គដែលមានកិត្យានុភាពក្នុងតំបន់ជនរួមជាតិខ្មែរ ព្រះតេជព្រះគុណ តាំងសាវង្ស ព្រះចៅអធិការវត្តបុប្ផារាមខ្វែងបបែលចាស់ (ឃុំហឹងហោយ ស្រុកវិញឡើយ) បានកៀរគរពុទ្ធបរិស័ទអនុវត្តត្រឹមត្រូវតាមច្បាប់ លុបបំបាត់អបិយជំនឿផ្សេងៗ និងមិនស្តាប់តាមពាក្យញុះញង់របស់ជនទុច្ចរិត។ ក្នុងឱកាសថ្ងៃសីល ព្រះអង្គតែងឆ្លៀតទេសនាពន្យល់ពីសាសនានិងសង្គម ផ្សព្វផ្សាយបង្ហាត់បង្រៀន កៀរគរមាមីងនិងពុទ្ធបរិស័ទអនុវត្តល្អតាមគោលការណ៍របស់បក្ស គោលនយោបាយ ច្បាប់របស់រដ្ឋ។ ជាមួយកិត្យានុភាពរបស់ព្រះអង្គ ព្រះតេជព្រះគុណ តាំងសាវង្ស ចូលរួមសហការជាមួយរដ្ឋអំណាចមូលដ្ឋាន បង្កើតក្លិប “៣ សកម្មក្នុងជនរួមជាតិខ្មែរ” ចូលរួមផ្សព្វផ្សាយអប់រំយុវជន។

ព្រះតេជព្រះគុណ តាំងសាវង្ស មានថេរដីកាៈ “ចង់ឱ្យសាសនាឋិតថេរគង់វង្ស ព្រះសង្ឃ និងពុទ្ធបរិស័ទត្រូវប្រតិបត្តិធម៌វិន័យឱ្យបានល្អត្រឹមត្រូវ សម្តែងនូវស្មារតីមេត្តាធម៌ ជួយសង្រ្គោះគ្នា ធ្វើការងារមានប្រយោជន៍ដល់មនុស្សសត្វ លះបង់ប្រយោជន៍ផ្ទាល់ខ្លួនដើម្បីសេចក្តីសុខ សុភសមង្គលដល់អ្នកគ្រប់គ្នា គ្រប់គ្រួសារ និងនាំមកសន្តិសុខដល់ភូមិស្រុក ប្រទេសជាតិ។ ដោយមានការទទួលខុសត្រូវនិងកិត្យានុភាពរបស់ខ្លួន មន្រ្តីសង្ឃនិងព្រះសង្ឃខ្មែរគ្រប់ព្រះអង្គ នឹងបន្តពង្រីកស្មារតីសាមគ្គីជនជាតិ អនុវត្តមុឺងម៉ាត់នូវសេចក្តីកំណត់របស់ច្បាប់ ចូលរួមថែរក្សាភាពសុខសាន្តក្នុងភូមិស្រុក និងកសាងមាតុភូមិបាកលីវកាន់តែរីកចម្រើន សម្បូរសប្បាយ”៕

ប្រភពៈ www.qdnd.vn-ត្រឹងរ៉ូន

ចែករំលែកអត្ថបទ

ពាក្យគន្លឹះ