មហាសាមគ្គីជនជាតិ គំរូក្នុងសហគមន៍

01/05/2023 - 06:32

ស្រឡាញ់សិល្បៈរបាំប្រពៃណី

ដោយស្រឡាញ់សិល្បៈរបាំប្រពៃណីខ្មែរ ម៉្លោះហើយ ថាច់ធីង៉ុកពឿង បានខិតខំអស់ពីសមត្ថភាពពង្រីកទេពកោសល្យរបស់ខ្លួន ដើម្បីក្លាយជាអ្នករបាំមានឈ្មោះបោះសំឡេង។ បច្ចុប្បន្ន ង៉ុកពឿង ជាប្រធានក្រុមរបាំរបស់ក្រុមសិល្បៈចម្រុះខ្មែរខេត្តបាកលីវ។

ថាច់ធីង៉ុកពឿង រាំរបាំជូនពរ។

តាមការរៀបរាប់របស់ង៉ុកពឿងនាង មានសំណាងជាងសិល្បករដទៃទៀត ដែលមានអ្នកម្តាយជាសិល្បការិនីឆ្នើម គឹមធីជុង។ ហេតុនេះ នាងបានម្តាយបង្ហាត់ ច្រៀងរាំតាំងពីកុមារ។ ក្រោយពីបញ្ចប់កម្រិតវិទ្យាល័យ ង៉ុកពឿង បានចូលរួមក្រុមសិល្បៈចម្រុះខ្មែរខេត្តបាកលីវ។ ង៉ុកពឿង ឱ្យដឹង៖ “ម្តាយខ្ញុំជាអ្នកចម្រៀង អ្នករបាំនិងជាតួសម្តែងល្ខោនយូរកេរ។ កាលម្តាយនៅរស់ ក៏បានបង្ហាត់បង្ហាញខ្ញុំពីបំណិនរបស់គាត់។ ព្រោះហេតុនេះ ពេលចូលក្រុម នាងខ្ញុំបានចូលរួមច្រៀងរាំ និងដើរតួសម្តែងល្ខោនយូរកេរ”។

ថាច់ធីង៉ុកពឿង (កណ្តាល) រាំរបាំជូនពរ។

ដោយការស្រឡាញ់សិល្បៈប្រពៃណីខ្មែរ ម៉្លោះហើយង៉ុកពឿង ខិតខំប្រឹងប្រែងហាត់សម រៀនសូត្រ ស្រាវជ្រាវ ដើម្បីពង្រីកទេពកោសល្យរបស់ខ្លួន ក្លាយជាអ្នករបាំមានឈ្មោះបោះសំឡេង។ បច្ចុប្បន្ន ង៉ុកពឿង ជាអ្នកជំនាញខាងរៀបចំឈុតរបាំឱ្យក្រុមសិល្បៈចម្រុះខ្មែរខេត្តបាកលីវ ពេលចូលរួមក្នុងព្រឹត្តិការណ៍មហោស្រពប្រឡងសិល្បៈសមោសរ។

ចាប់ពីឆ្នាំ ២០១៣ មកទល់នឹងបច្ចុប្បន្ន ង៉ុកពឿង បង្កើតក្រុមរបាំកុមារបាន ២ ក្រុម នៅភូមិកៃយ៉ា ឃុំហឹងហោយ ដោយមានសមាជិកប្រមាណ ៧០ នាក់ សម្រាប់សម្តែងក្នុងឱកាសបុណ្យទានផ្សេងៗក្នុងវត្តនិងតាមភូមិស្រុក។ ពិសេស ក្រុមរបាំកុមារតែងច្រៀងរាំថតកម្មវិធីនាទីកុមារ ភាសាខ្មែរនៃស្ថានីយទូរទស្សន៍ VTV5។ ក្រៅពីនោះ ង៉ុកពឿង នៅទាំងបង្ហាត់របាំនៅតាមវត្តពេល ចូលរួមមហោស្រពប្រឡងសិល្បៈក្នុងខេត្ត; រៀបចំឈុតសម្ដែងឱ្យសិស្សវិទ្យាល័យជនជាតិអន្តេវាសិកខេត្តបាកលីវ ពេលទៅសម្តែងនៅទិវាបុណ្យវប្បធម៌ កីឡានិងទេសចរណ៍ខ្មែរណាមបូ លើកទី VIII ឆ្នាំ២០២២ នៅខេត្តសុកត្រាំង ទទួលបានជ័យលាភីលេខ ២។ ង៉ុកពឿង ឱ្យដឹង៖ “ខ្ញុំយល់ឃើញថា អ្នករបាំត្រូវមានទេពកោសល្យ កាយវិការទន់ភ្លន់ ស្រឡាញ់ចូលចិត្តសិល្បៈ ស៊ូទ្រាំក្នុងការហាត់សម។ ចំពោះគ្រូហាត់របាំ ក៏ត្រូវមានការអត់ធ្មត់ បង្ហាត់ចាប់ផ្តើមពីកាយវិការមូលដ្ឋានរហូតដល់របាំ ហើយណែនាំឱ្យប្អូនៗត្រូវចេះស្តាប់តាមចង្វាក់ភ្លេង ទើបរាំបានល្អ។ ខ្ញុំតែងបង្ហាត់ប្អូនៗនៅតាមភូមិពីរបាំប្រពៃណី មានដូច៖ រាំវង់សារាវ៉ាន់ ឡាំលាវ។ល។ ពេលប្អូនៗរាំស្ទាត់ ទើបបង្ហាត់របាំអប្សរា របាំជូនពរជាដើម”។

លោកថាច់មូលី ប្រធានក្រុមសិល្បៈចម្រុះខ្មែរ ខេត្តបាកលីវ បញ្ជាក់៖ “ង៉ុកពឿង ជាសិល្បៈការិនី មានទេពកោសល្យ ឧស្សាហ៍ស្វះស្វែងសិក្សាស្រាវជ្រាវ ត្រងត្រាប់និងគោរពតាមការផ្តល់យោបល់ពីមិត្តរួមអាជីពរៀមច្បង។ ហេតុនេះ កម្មវិធីរបាំចម្រៀងនិងតន្ត្រី ដែលង៉ុកពឿង រៀបចំឆាកប្រកបដោយភាពអាជីព តិចមានអ្នកណាផ្តល់យោបល់ ដូច្នេះ បងប្អូនក្នុងក្រុមគ្រប់គ្នាតែងកោតសរសើរ”៕

យ្វីអាញ-មុនី

ចែករំលែកអត្ថបទ

ពាក្យគន្លឹះ