មហាសាមគ្គីជនជាតិ ភូមិស្រុកផ្លាស់ថ្មី

17/04/2023 - 16:20

របរធ្វើងៀតត្រីកន្ធរនៅដាបាកA ត្រូវការជំនួយកម្លាំងដើម្បីអភិវឌ្ឍ

របរធ្វើងៀតត្រីកន្ធរនៅភូមិដាបាក A ឃុំខាញ់ប៊ិញតី ស្រុកត្រឹងវ៉ាន់ថើយ ខេត្តកាម៉ាវ ជួយគ្រួសារខ្មែរជាច្រើនក្លាយជាអ្នកមានបាន។ ប៉ុន្តែ របរនេះក៏កំពុងជួបការលំបាក ត្រូវការជំនួយកម្លាំងដើម្បីអភិវឌ្ឍន៍។

ដោយសារប្រកបរបរធ្វើងៀតត្រីកន្ធរ ទើបគ្រួសារមាមីងខ្មែរជាច្រើនសង់បានផ្ទះឥដ្ឋសមរម្យ។

គ្រួសារបងយ័ញសាបាត់ ជាគ្រួសារមួយក្នុងចំណោមគ្រួសារ “ធូរធារ” អាស្រ័យដោយប្រកបរបរធ្វើងៀតត្រីកន្ធរ។ បងសាបាត់ ឱ្យដឹង៖ ឪពុករបស់បងជាមនុស្សម្នាក់ដែលបង្កើតអាជីព ផ្តើមពីធ្វើងៀតត្រីកន្ធរនៅតំបន់នេះ។ រយៈពេលជាច្រើនឆ្នាំលំបាកក្រខ្សត់ រូបបងធ្លាប់ធ្វើដំណើរទៅគ្រប់ទិសទីដើម្បីស្វែងរកការងារធ្វើចិញ្ចឹមជីវិត។ ហេតុដូច្នោះ ទើបជីវភាពជួបការលំបាកខ្លាំងណាស់។ ប៉ុន្តែរយៈពេលជាង ១០ ឆ្នាំមកនេះ ក្រោយពីទទួលបានការលើកទឹកចិត្តពីគ្រួសារ បងវិលត្រឡប់មកស្រុកហើយប្រកបរបរធ្វើងៀតត្រីកន្ធរ។ អាស្រ័យហេតុនោះ ទើបប្តីប្រពន្ធបងសង់បានផ្ទះឥដ្ឋសមរម្យ ហើយក្លាយជាគ្រួសារមួយក្នុងចំណោមគ្រួសារដែលមាន “របស់ទ្រព្យសេសសល់”។ “សព្វថ្ងៃដោយសារមានហ្វេសប៊ុក ហ្សាឡូ៘ បានជារបរធ្វើងៀតត្រីកន្ធរ មិនមែនមានតែនៅខេត្តកាម៉ាវ ឬខេត្តនានាតំបន់តីណាមបូដូចមុនៗទេ។ សូម្បីគ្រួសារខ្ញុំបច្ចុប្បន្នក៏មានលិខិតបញ្ជាទិញពីភូមិភាគកណ្ដាល និងភូមិភាគខាងជើងផងដែរ៘ ឆ្លងតាមរយៈនោះ ប្រភពត្រីនៅភូមិភាគក៏មិនគ្រប់ឆ្លើយតបទៅនឹងតម្រូវការ យើងខ្ញុំក៏បានដាក់បញ្ជាទិញប្រភពត្រីកន្ធរពីប្រទេសថៃ ដើម្បីឆ្លើយតបទៅនឹងតម្រូវការផលិតដែរ” បងសាបាត់ ចែករំលែកដូច្នេះ។

រួមជាមួយគ្រួសារបងសាបាត់ ឃើញថា ជីវភាពគ្រួសារខ្មែរជាច្រើនដែលប្រកបរបរធ្វើងៀតត្រីកន្ធរនៅភូមិដាបាក A ក៏រីកចម្រើនណាស់ដែរ។ “ផ្ទះឥដ្ឋមានច្រើនហើយ ! អ្នកខ្លះធ្វើដំណើរទៅក្រុងហូជីមិញ ប៊ិញយឿង៘ វិលត្រឡប់មកវិញ!” - ពូយ័ញកល អ្នកមានប្រជាប្រិយនៅភូមិដាបាក A ចែករំលែក៖ បើតាមពូយ័ញកល គ្រួសារណាដែលគ្មានលក្ខណៈ គឺទៅស៊ីឈ្នួលធ្វើត្រី ហាលងៀត៘ ឱ្យម្ចាស់អាជីវកម្ម។ យុវជនដែលមានកម្លាំងដឹកជញ្ជូនងៀតដោយទោចក្រយានយន្ត ឬទូកស្មាច់៘ យកត្រីទៅបោះឱ្យអាជីវករនានាក្នុងឃុំ ឬនៅក្រុងកាម៉ាវជាដើម។ “កាលពីមុននេះ ភូមិរបរធ្វើទៅតាមរដូវកាល សំខាន់គឺរដូវក្តៅ។ សព្វថ្ងៃ គ្រួសារខ្លះទិញម៉ាស៊ីនសម្ងួតប្រើដោយធ្យូងថ្ម ឬអគ្គិសនី៘ ម្ល៉ោះហើយភូមិរបរដំណើរការខួបប្រាំងវស្សា។ តាមរយៈនោះ ដោះស្រាយការងារធ្វើប្រចាំថ្ងៃដល់ពលកររាប់រយនាក់នៅភូមិស្រុក ដោយរកបានប្រាក់ចំណូលពី ២៥០.០០០–៥០០.០០០ ដុង/ថ្ងៃ” ពូយ័ញកល បានឱ្យដឹងដូច្នេះ។

របរធ្វើងៀតត្រីកន្ធរនៅដាបាក A មានមិនក្រោមពី ២០ គ្រួសារទេ ភាគច្រើនគឺជាគ្រួសារមាមីងខ្មែរ។ រួមជាមួយនឹងការអភិវឌ្ឍនៃបណ្តាញសង្គម របរធ្វើងៀតត្រីកន្ធរនៅទីនេះក៏មាន ឱកាសបើកទូលាយនិងអភិវឌ្ឍផងដែរ។ ថ្វីដ្បិតដូច្នោះក្តី បើតាមបងយ័ញសាបាត់ ភូមិរបរប្រពៃណីនេះ ក៏កំពុងប្រឈមនឹងការលំបាកជាច្រើនដែរ។ មានឆ្នាំខ្លះគ្រោះរាំងស្ងួត បណ្តាលឱ្យព្រែក ប្រឡាយក្នុងតំបន់ទឹករីងដល់បាត មិនអាចដឹកជញ្ជូនផលិតផលតាមផ្លូវទឹកបាន។ ម្យ៉ាងទៀត ផ្លូវគមនាគមន៍ក៏តូច រថយន្តដឹកទំនិញចូលមិនបាន មូលដ្ឋាននីមួយៗត្រូវជួលទោចក្រយានយន្តដឹកជញ្ជូនផលិតផល បណ្ដាលឱ្យចំណាយផលិតកម្មកើនខ្ពស់៘ “ការបើកផ្លូវគមនាគមន៍ជនបទធំពី ៣-៤ ម៉ែត្រ ដើម្បីងាយស្រួលការដឹកជញ្ជូនមុខទំនិញ។ ឆ្លងតាមរយៈនោះ រួមចំណែកបើកពង្រីកទ្រង់ទ្រាយផលិតកម្មនៃភូមិរបរដែលកំពុងមានជំហានរីកចម្រើន។ នោះគឺជាក្តីសង្ឃឹមដ៏ធំបំផុតសម្រាប់ភូមិរបរធ្វើងៀតត្រីកន្ធររបស់ប្រជាជនខ្មែរនៅដាបាក A! គប្បីមានការយកចិត្តទុកដាក់ជំនួយកម្លាំងពីរដ្ឋផង ! ” - ពូយ័ញកល ចែករំលែកដូច្នេះ៕

ថាញឡុង-លីសៀ

ចែករំលែកអត្ថបទ

ពាក្យគន្លឹះ