គោលនយោបាយ -ការរស់នៅ ការរស់នៅ

06/12/2022 - 10:47

កាម៉ាវ

អភិវឌ្ឍន៍សេដ្ឋកិច្ចតំបន់ជនរួមជាតិខ្មែរ

ខេត្តកាម៉ាវ បាននិងកំពុងផ្តោតទៅលើការអភិវឌ្ឍសេដ្ឋកិច្ចតំបន់ជនរួមជាតិភាគតិច ក្នុងការអនុវត្តយុទ្ធសាស្រ្តការងារជនជាតិនៅភូមិភាគ។

លោកពូយ័ញម៉ាញ់ខ្វិញ ភូមិគិញឌឹង B ឃុំខាញ់ហ៊ឹង ស្រុកត្រឹងវ៉ាន់ថើយ កំពុងច្របល់ជីសរីរាង្គសម្រាប់ដាក់ដំណាំខ្នុរ។

កាលពីមុននេះ ដីផលិតស្រូវ ១៥ កុងរបស់គ្រួសារលោកពូយ័ញម៉ាញ់ខ្វិញ នៅភូមិគិញឌឹង B ឃុំខាញ់ហ៊ឹង ស្រុកត្រឹងវ៉ាន់ថើយ ដែលផលិតស្រូវផ្តល់ប្រាក់ចំណូលមិនលំនឹង។ ក្រោយពីទៅទស្សនាសិក្សាទម្រង់ផលិតកសិកម្មសម្រេចប្រសិទ្ធភាពសេដ្ឋកិច្ចខ្ពស់ លោកពូបានបង្វែរផ្ទៃដីធ្វើស្រែទាំងនោះមកដាំខ្នុរវិញ។ “ចម្ការខ្នុរផ្តល់ផលជាងមួយឆ្នាំមកហើយ។ ខ្ញុំដាំប្រើប្រាស់ជីសរីរាង្គ កាត់បន្ថយប្រើជីគីមី ម្ល៉ោះហើយឈ្មួញតែងមករកទិញ។ ម្យ៉ាងទៀត ក្នុងចម្ការខ្នុរខ្ញុំក៏ដាំឆ្លាស់ជីរបន្លានិងម្ទេស។ល។ គិតទៅប្រាក់ចំណូលដែលបានមកពីការដាំខ្នុរឆ្លាស់នឹងដាំដំណាំរួមផ្សំខ្ពស់ជាងច្រើនបើប្រៀបនឹងផលិតស្រូវ” ពូខ្វិញ បានឱ្យដឹងដូច្នេះ។

ផ្តើមពីគ្រួសារខ្មែរក្រីក្រមួយ អាស្រ័យព្យាយាមប្រកបការងាររកស៊ី ផ្លាស់ប្ដូរទម្រង់ផលិតកម្មសមស្រប ទើបគ្រួសារពូង៉ោកឿង នៅភូមិគិញឌឹង B ឃុំខាញ់ហ៊ឹង ស្រុកត្រឹងវ៉ាន់ថើយ បានចាកផុតពីភាពក្រីក្រ។ លោកពូ ឱ្យដឹង៖ គ្រួសារមានដីស្រែ ៨ កុង តាមរយៈការចូលរួមវគ្គហ្វឹកហាត់ជំរុញកសិកម្ម ផ្ទេរជូនវិទ្យាសាស្រ្ត បច្ចេកទេសជឿនលឿន។ល។ លោកពូបង្វែរផ្ទៃដីធ្វើស្រែ ៥ កុង មកដាំដំណាំរួមផ្សំ (ឆ្លាស់នឹងដាំម្រះ ត្រសក់ ខ្ទឹមស្លឹក។ល។)។ “ប្រសិនបើអាកាសធាតុអំណោយផល ដំណាំលក់បានថ្លៃ គឺក្នុងមួយរដូវទូទាត់រួចស្រេចចំណេញបានរាប់សិបលានដុងដែរ។ល។ អាស្រ័យដោយផ្លាស់ប្ដូរផលិតកម្មមានប្រសិទ្ធភាព ហេតុនោះ ជីវភាពគ្រួសារខ្ញុំកាន់តែល្អប្រសើរឡើង” ពូង៉ោកឿង បានឱ្យដឹងដូច្នេះ។

លោកត្រឹងហ្វាងញ៉ ប្រធានគណៈជនជាតិខេត្តកាម៉ាវ ឱ្យដឹង៖ ជីវភាពរបស់ជនរួមជាតិភាគតិចនៅកាម៉ាវ មានភាពរីកចម្រើនពីមួយថ្ងៃទៅមួយថ្ងៃ។ លទ្ធផលទាំងនេះ ក្រៅពីការខិតខំប្រឹងប្រែងឈានឡើងរបស់ជនរួមជាតិ គឺមានការជំនួយកម្លាំងដ៏ធំពីការផ្សព្វផ្សាយអនុវត្តនូវគោលនយោបាយជនជាតិប្រកបដោយប្រសិទ្ធភាពរបស់រដ្ឋអំណាចភូមិភាគផងដែរ។ ថ្វីដ្បិតដូច្នោះក្តី ជីវភាពតំបន់ជនរួមជាតិភាគតិចលើភូមិសាស្រ្តខេត្តនៅមានការលំបានៅឡើយ។ អាស្រ័យហេតុនោះ ក្នុងយុទ្ធសាស្រ្តការងារជនជាតិ ដំណាក់កាល ២០២១-២០៣០ ចក្ខុវិស័យដល់ឆ្នាំ ២០៤៥ កាម៉ាវបានកំណត់ច្បាស់ត្រូវបន្តការ ផ្តោតទៅលើការអភិវឌ្ឍសេដ្ឋកិច្ចតំបន់ជនរួមជាតិភាគតិច។ ឆ្លងតាមរយៈនោះ ខេត្តអភិវឌ្ឍកសិកម្មតាមទិសដៅនិរន្តរភាព លើកកម្ពស់គុណភាព បង្កើនតម្លៃនិងសមត្ថភាពប្រកួតប្រជែង; បង្កើតទៅជាតំបន់ជំនាញបង្កបង្កើនផលប្រមូលផ្តុំដែលមានទ្រង់ទ្រាយ សមស្រប; ផ្តោតទៅលើរចនាសម្ព័ន្ធផលិតផល កសិកម្មយោងតាមក្រុមផលិតផលចម្បងចំនួន ៣ ក្រុម (ថ្នាក់ខេត្ត ថ្នាក់ស្រុក និងផលិតផល ប្រណីតរបស់ភូមិភាគ) ផ្សារភ្ជាប់នឹងកម្មវិធីឃុំ មួយផលិតផលមួយ (OCOP) ។ល។ រួចកាម៉ាវនឹងជំរុញការចរាចរនិងប្រមូលទិញទំនិញក្នុងតំបន់ អន្តរតំបន់តាមរយៈប្រព័ន្ធផ្សារដើមទង ឬផ្សារមជ្ឈមណ្ឌលឃុំ។ ពិសេសគឺជំរុញការអនុវត្តវិទ្យាសាស្រ្តបច្ចេកទេសជឿនលឿនបច្ចេកវិទ្យាក្នុងការអភិវឌ្ឍតាមបណ្តាញចែកចាយនិងពាណិជ្ជកម្មអេឡិចត្រូនិក; អភិវឌ្ឍទម្រង់ផលិតកម្មអាជីវកម្មថ្មីៗ សេដ្ឋកិច្ចចែករំលែកសមស្របនឹងលក្ខណៈពិសេសនៃតំបន់ជនរួមជាតិភាគតិច។ល។

ដើម្បីធានាប្រភពកម្លាំងអនុវត្តតាមប្រសាសន៍ លោកត្រឹងហ្វាងញ៉ ខេត្តបានធ្វើការសិក្សាស្រាវជ្រាវយន្តការ គោលនយោបាយអនុគ្រោះ ដើម្បីកៀរគរការចូលរួមពីធនាគារពាណិជ្ជកម្មនិងអង្គការមីក្រូហិរញ្ញវត្ថុក្នុងការឧបត្ថម្ភផលិតកម្ម រួមចំណែកពង្រីកឆន្ទៈខ្លួនទីពឹងខ្លួន ខិតខំចាកផុតពីភាពក្រីក្រឆាប់រហ័ស និងប្រកបដោយនិរន្តរភាពលើភូមិសាស្រ្តតំបន់ជនរួមជាតិភាគតិច។ ទន្ទឹមនឹងនោះ សិក្សាស្រាវជ្រាវស្នើសុំគោលនយោបាយដាច់ដោយឡែកដើម្បីជំរុញទឹកចិត្ត ទាក់ទាញនិងឧបត្ថម្ភអង្គការនានា និងឯកជន វិនិយោគអភិវឌ្ឍសេដ្ឋកិច្ច - សង្គមនៅតំបន់ជនរួមជាតិភាគតិច៕

ថាញឡុង-លីសៀ

ចែករំលែកអត្ថបទ

ពាក្យគន្លឹះ