មហាសាមគ្គីជនជាតិ ភូមិស្រុកផ្លាស់ថ្មី

29/08/2022 - 15:02

កសិករខ្មែរ ផ្លាស់ប្តូរទម្រង់ផលិតកម្ម

ឃុំដូងស្វឹង ស្រុកយ្វៀងហាយ ខេត្តត្រាវិញ មានជនរួមជាតិខ្មែររស់នៅជាង ៦០% ។ ប៉ុន្មានឆ្នាំមកនេះ កសិករខ្មែរលើភូមិសាស្រ្តឃុំ បានរវៀសរវៃផ្លាស់ប្តូរទម្រង់ផលិតកម្ម នាំមកផលប្រយោជន៍សេដ្ឋកិច្ចជាច្រើន។

កសិករខ្មែរនៅភូមិជ្រៃគោក ឃុំដូងស្វឹងកំពុងប្រមូលផលលៀស។

បងស្រីដ្វងធីចាញ់ ជនជាតិខ្មែរនៅភូមិជ្រៃគោក ឱ្យដឹង៖ “ប្តីប្រពន្ធខ្ញុំរស់នៅប្រកបរបររត់ម៉ូតូឌុប។ នៅពេលភូមិបំផុសចលនាទម្រង់ចិញ្ចឹមលៀស និងផ្ដល់ប្រាក់កម្ចីដើម្បីទិញពូជ គ្រួសារខ្ញុំអនុវត្តតាម។ អាស្រ័យដោយចិញ្ចឹមលៀស ទើបគ្រួសារខ្ញុំចាកផុតពីភាពក្រីក្រ។ ទម្រង់នេះមិនបង់ខាតប្រាក់ទិញចំណីទាំងការថែទាំក៏សាមញ្ញ ប៉ុន្តែត្រូវធានាប្រភពទឹកធ្វើយ៉ាងណាកុំឱ្យកខ្វក់ ប្រព័ន្ធសំណាញ់ព័ទ្ធជុំវិញស្រះនិងប្រព័ន្ធលូបង្ហូរទឹកល្អ ជួយឱ្យលៀសឆាប់ធំ”។

លោកហាវ៉ាន់ថាញ ប្រធានគណៈកម្មការភូមិជ្រៃគោក ឱ្យដឹង៖ “កសិករខ្មែរជាច្រើនចាកផុតពីភាពក្រីក្រ ឈានឡើងធ្វើមានអាស្រ័យការផ្លាស់ប្តូរផលិតកម្ម ដូចជា៖ គ្រួសារបងស្រី ដ្វងធីចាញ់ គ្រួសារថាច់ចំរុង និងគ្រួសារបងគឹមង៉ុកទ្រុង ។ល។ ខ្ញុំក៏សកម្មផ្សព្វផ្សាយ ចលនាគ្រួសារប្រជាជនក្នុងភូមិឱ្យអនុវត្តវិទ្យាសាស្រ្តបច្ចេកទេសជឿនលឿនក្នុងការបង្កបង្កើនផល និងផ្លាស់ប្តូរទម្រង់ដែលមិនមានប្រសិទ្ធភាព ដើម្បីបង្កើនប្រាក់ចំណូលដល់គ្រួសារ។ ដោយឃើញថា ភូមិស្រុកមានឧត្តមភាព ក្នុងការអភិវឌ្ឍទម្រង់ចិញ្ចឹមលៀសយកសាច់ ម្ល៉ោះហើយកាលពីឆ្នាំ ២០១៧ ខ្ញុំចលនាសម្ព័ន្ធយុវជន និងប្រជាជនក្នុងភូមិបង្កើតក្រុមសហការ “ចិញ្ចឹមលៀសយកសាច់” ដោយមានសមាជិក ១១ នាក់។ ការផ្តួចផ្តើមអនុវត្តទម្រង់ ក្រុមបានវិនិយោគចិញ្ចឹមលៀសពូជចំនួន ៣ លានកូន សមាជិកម្នាក់ៗវិនិយោគ ១៥ លានដុង ក្រោយពីចិញ្ចឹមរយៈពេល ១៥ ខែ សមាជិកម្នាក់ៗ ចំណេញបាន ៤៥ លានដុង”។

បច្ចុប្បន្ន ភូមិជ្រៃគោកមានប្រជាជន ២០ គ្រួសារបង្វែរដីស្រះ ដីទំនេរដើម្បីចិញ្ចឹមលៀស។ សមាជិកម្នាក់ៗមានផ្ទៃដីចិញ្ចឹម ពី៥០០-២.០០០ ម៉ែត្រការ៉េ។ តម្លៃលៀស បច្ចុប្បន្នគឺ ២៥.០០០ ដុង/គ.ក ត្រូវបានឈ្មួញចុះមកប្រមូលទិញដល់ផ្ទះ។ ចិញ្ចឹមក្នុងផ្ទៃដី ១.០០០ ម៉ែត្រការ៉េ វិនិយោគទុន ២៥ លានដុង ក្រោយពីចិញ្ចឹមរយៈពេល ១៥ ខែគឺអាចប្រមូលផល ក្រោយពីទូទាត់រួចស្រេច កសិករនៅចំណេញបានជាង ៣០ លានដុង។ ឆ្នាំ ២០០០ ការិយាល័យកសិកម្មនិងអភិវឌ្ឍន៍ជនបទស្រុកយ្វៀងហាយ បានឧបត្ថម្ភដល់គ្រួសារដែលបុលទុនដោយឥតការប្រាក់ ក្នុងរយៈពេល ២ ឆ្នាំ ក្នុងមួយគ្រួសារបុលបាន ៥ លានដុង។ មកទល់ពេលនេះ គ្រួសារទាំងនេះ បានសងប្រាក់កម្ចីមុនពេលកំណត់ ១០០% ៕

សឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ