គោលនយោបាយ -ការរស់នៅ ច្បាប់

09/05/2022 - 14:25

គប្បីប្រុងប្រយ័ត្នចំពោះបាតុភូតក្លែងបន្លំជាបណ្ដាញថែទាំអតិថិជនផ្នែកអគ្គិសនី

ខណៈពេលហៅទូរស័ព្ទចូលលេខក្លែងបន្លំទាំងនេះ អតិថិជននឹងត្រូវកាត់ថ្លៃសេវាយ៉ាងខ្ពស់ (ចាប់ពី ៥.០០០-៨.០០០ ដុង/នាទី) ប៉ុន្តែមិនទទួលបានការឆ្លើយតបព័ត៌មាន ឬដោះស្រាយទាន់ពេល រាល់សំណូមពរអំពីអគ្គិសនីសោះឡើយ។

ប្រជាជនគប្បីប្រុងប្រយ័ត្នចំពោះលេខទូរស័ព្ទក្លែងបន្លំជាបណ្ដាញថែទាំអតិថិជន។

អគ្គក្រុមហ៊ុនថាមពលអគ្គិសនីភាគខាងត្បូង (EVNSPC) ទើបជូនដំណឹង គួរប្រុងប្រយ័ត្នសព្វថ្ងៃ លើបណ្ដាញសង្គមមានគេហទំព័រមួយចំនួន គេឃើញមានលេខទូរស័ព្ទក្លែងបន្លំជាបណ្ដាញថែទាំអតិថិជនផ្នែកអគ្គិសនី។
រយៈពេលកន្លង ឃើញមានលេខទូរស័ព្ទ ១៩០០៦៥៩២, ១៩០០០១៨៤, ១៩០០២៩៩២០២ និងគេហទំព័រ www.chamsockhachhang/dien-luc-long-an/ ដើម្បីក្លែងបន្លំជាបណ្ដាញថាមពលអគ្គិសនីឡុងអាង សំដៅកេងចំណេញថ្លៃសេវារបស់អតិថិជនដែលប្រើប្រាស់អគ្គិសនីខេត្តឡុងអាង។ ខណៈពេលហៅទូរស័ព្ទចូលលេខក្លែងបន្លំទាំងនេះ អតិថិជននឹងត្រូវកាត់ថ្លៃសេវាយ៉ាងខ្ពស់ (ចាប់ពី ៥.០០០-៨.០០០ ដុង/នាទី) ប៉ុន្តែមិនបានឆ្លើយតបព័ត៌មាន ឬដោះស្រាយទាន់ពេលរាល់សំណូមពរអំពីអគ្គិសនីសោះឡើយ។ ប្រជាជនពេលទំនាក់ទំនងទៅកាន់លេខទូរស័ព្ទ ១៩០០២៩៩២០២ នឹងបានស្តាប់ ការឧទ្ទេសនាមពីបណ្ដាញផ្គត់ផ្គង់ព័ត៌មានចម្រុះ អមដោយបទចម្រៀងផង។ ទោះបីមិនបានភ្ជាប់ទៅនឹងអ្នកទទួលទូរស័ព្ទក៏ដោយ ប៉ុន្តែត្រូវកាត់ថ្លៃសេវា ៥.០០០ ដុង/នាទីដដែល។ បន្ទាប់មក ទំនាក់ទំនងបន្តទៅកាន់លេខ ១៩០០០៦៥៩២ ទទួលបានការឧទ្ទេសនាមពីបណ្ដាញឆ្លើយតបព័ត៌មាន ក្រោយពីភ្ជាប់ទៅនឹងអ្នកស្តាប់ គឺសំឡេងស្រី្តណែនាំទំនាក់ទំនងទៅលេខទូរស័ព្ទជាផ្លូវការរបស់ផ្នែកអគ្គិសនី គឺលេខ ១៩០០១០០៦ ពេលត្រូវការព័ត៌មានផ្គត់ផ្គង់អគ្គិសនីនៅបណ្ដាញថាមពលអគ្គិសនីឌឹកហ្វា (ឡុងអាង) ពិនិត្យមើលថ្លៃសេវាគឺត្រូវកាត់ ១៦.០០០ដុង/១នាទី ២០ វិនាទី។

ក្រៅពីនេះ គេហទំព័រនេះថែមទាំងឧទ្ទេសនាម ណែនាំតំណភ្ជាប់ជាមួយបណ្ដាញថាមពលអគ្គិសនីខេត្តផ្សេងៗជាច្រើនទៀត ដូច៖ ខេត្តហូវយ៉ាង ដុងថាប ហាយយឿង៘ ជាមួយខ្លឹមសារឧទ្ទេសនាម ណែនាំសេវាផ្នែកអគ្គិសនីដូចគ្នា ចុងបញ្ចប់ខ្លឹមសារឧទ្ទេសនាម គឺលេខទូរស័ព្ទក្លែងបន្លំ ១៩០០២៩៩២០២។ គួរចំណាំ ក្នុងខ្លឹមសារឧទ្ទេសនាមរបស់បណ្ដាញ ក្លែងបន្លំតែងយកព័ត៌មាន អាសយដ្ឋានរបស់ក្រុមហ៊ុនថាមពលអគ្គិសនីនានា និងសាខាថាមពលអគ្គិសនីក្រោមឱវាទ សំដៅក្លែងបន្លំ កេងចំណេញ ខណៈអតិថិជនដែលមានបំណងចង់ទំនាក់ទំនងផ្នែកអគ្គិសនី។

EVNSPC ផ្តល់អនុសាសន៍ អតិថិជនប្រើប្រាស់អគ្គីសនីទាំង ២១ ខេត្ត ក្រុងនៅភាគខាងត្បូង (ចាប់ពីខេត្តនិញធ្វឹងរហូតដល់ខេត្តកាម៉ាវ) ខណៈមានសំណូមពរអំពីអគ្គិសនីដែលត្រូវការឆ្លើយតប ឬជំនួយការ គប្បីហៅចូលលេខទូរស័ព្ទ ២ ខ្សែនៃបណ្ដាញមជ្ឈមណ្ឌលថែទាំអតិថិជនថាមពលអគ្គិសនីភាគខាងត្បូង ១៩០០១០០៦-១៩០០៩០០០; ឬចូលទៅគេហទំព័រ https:// cskh.evnspc.vn/, ប្រើប្រាស់ App/Zalo CSKH EVNSPC ដើម្បីទទួលបានការណែនាំទាន់ពេល ចៀសវាងជនអាក្រក់កេងចំណេញ៕

យោង៖ទីភ្នាក់ងារសារព័ត៌មានវៀតណាម/Vietnam+ ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ