សន្តិសុខ - ការពារប្រទេស ការពារប្រទេស

15/11/2021 - 09:34

នគរបាលក្រុងកឹងធើ ចាត់វិធានការចំពោះការផ្ដល់ចែករំលែកព័ត៌មានដែលមានសញ្ញាបំពានច្បាប់

ក្នុងអំឡុង ៩ ខែដើមឆ្នាំ ២០២១ នគរបាលក្រុងកឹងធើ បានចាត់វិធានការចំពោះការផ្ដល់ចែករំលែកព័ត៌មានដែលមានសញ្ញាបំពានច្បាប់ជាង ៣០០ ករណី។

ស្ថាប័នសមត្ថកិច្ចក្រុងកឹងធើ ប្រគល់សេចក្តីសម្រេចពិន័យរដ្ឋបាលនិងផ្សព្វផ្សាយ ព្រមានមួយករណីបំពានច្បាប់ (អ្នកពាក់អាវខ្មៅដៃវែង)។ រូប៖ នគរបាលក្រុងកឹងធើផ្តល់

អនុវត្តកិច្ចចង្អុលការរបស់ឧត្តមសេនីយ៍ត្រី ង្វៀងវ៉ាន់ធ្វឹង នាយកនគរបាល ក្រុង បណ្តាអង្គភាពវិជ្ជាជីវៈ នគរបាលខណ្ឌ ស្រុក នៃក្រុងកឹងធើ បានបង្កើនការក្ដោបក្ដាប់ស្ថានភាព ប្រទះឃើញគណនីហ្វេសប៊ុកជាង ១.០០០ បានបង្ហោះចែករំលែកព័ត៌មានក្លែងក្លាយ បំផ្លើស មួលបង្កាច់ ប៉ះពាល់ដល់កិត្យានុភាពរបស់ស្ថាប័ន អង្គការ កិត្តិយស សេចក្តីថ្លៃថ្នូររបស់បុគ្គល។ ឆ្លងតាមរយៈនោះ បានតស៊ូ ចាត់វិធានការជាង ៣០០ ករណីនៅក្រុងកឹងធើ ដោយការផ្ដល់ ចែករំលែកព័ត៌មាន ដែលមានសញ្ញាបំពានច្បាប់។ ពិសេសនគរបាលក្រុងកឹងធើ បានកសាងសំណុំរឿងចំនួន ៤ ដោយមានជនជាប់ចោទ ៨ នាក់ ពីបទ”រំលោភនូវសិទ្ធិសេរីភាព ប្រជាធិបតេយ្យ បំពានផលប្រយោជន៍របស់រដ្ឋ អង្គការ បុគ្គល”។ តួយ៉ាង ដូចរឿងក្ដីវ៉ហ្វាងធើ (អាយុ ៣៦ ឆ្នាំ គ្មានកន្លែងស្នាក់នៅណាមួយជាអចិន្រ្តៃយ៍) ត្រូវបានស្ថាប័នប៉ូលិសសើុបអង្កេតនគរបាលខណ្ឌនិញកេវ ចោទប្រកាន់ពីបទ “រំលោភនូវសិទ្ធិសេរីភាព ប្រជាធិបតេយ្យ បំពានផលប្រយោជន៍របស់រដ្ឋ សិទ្ធិផលប្រយោជន៍ស្របច្បាប់របស់អង្គការ បុគ្គល”។

ម្ចាស់ទំព័រ Fanpage “Phuoc Can Tho” ត្រូវពិន័យប្រាក់ចំនួន ១០ លានដុងពីព្រោះបង្ហោះព័ត៌មានមិនពិត មួលបង្កាច់ការងារបង្ការទប់ស្កាត់ជំងឺ COVID-១៩របស់ក្រុង និងប្រមាថដល់កងកម្លាំងបំពេញកាតព្វកិច្ចបង្ការ និងទប់ស្កាត់ជំងឺរាតត្បាត។

ក្រៅពីនោះ នាយកនគរបាលក្រុង បានចេញសេចក្តីសម្រេចពិន័យរដ្ឋបាល ២០ ករណី សរុបទឹកប្រាក់ពិន័យ ១២៥ លានដុង និងបញ្ជូនទៅអធិការកិច្ចមន្ទីរព័ត៌មាននិងសារគមនាគមន៍ ក្រុងចេញសេចក្តីសម្រេចពិន័យ ៨ ករណី សរុបទឹកប្រាក់ពិន័យ ៤៧,៥លានដុង។ ចំណែកករណីក្រៅពីនេះ ធ្វើការព្រមានឱ្យធ្វើកិច្ចសន្យាឈប់បំពានទៀត។

ដើម្បីកាត់បន្ថយស្ថានភាពបំពានសន្តិសុខបណ្ដាញក្នុងពេលខាងមុខ ឧត្តមសេនីយ៍ត្រី ង្វៀងវ៉ាន់ធ្វឹង ចង្អុលការដល់ទូទាំងកងកម្លាំងបន្តកិច្ចសហការជាមួយនឹងមន្ទីរ គណៈ ផ្នែក រដ្ឋអំណាចភូមិភាគនានា ពិសេសគឺស្ថាប័នសារព័ត៌មាន ដើម្បីឃោសនា ផ្សព្វផ្សាយ លើកកម្ពស់ការយល់ដឹងការប្រុងប្រយ័ត្នរបស់ប្រជាជនក្នុងការបង្ការទប់ស្កាត់បទល្មើស និងបំពានច្បាប់ស្តីពីសន្តិសុខបណ្តាញ។ ទន្ទឹមនឹងនោះ បន្តអនុវត្តនូវវិធានការវិជ្ជាជីវៈ បង្កើនការក្ដោបក្តាប់ស្ថានភាពនៅលើបណ្តាញអីុនធឺណិត ដើម្បីប្រទះឃើញ និងចាត់វិធានការយ៉ាងតឹងរ៉ឹងរាល់ករណីបំពានច្បាប់៕

យោង៖ Vietnamnet - វិមាន

ចែករំលែកអត្ថបទ

ពាក្យគន្លឹះ