មហាសាមគ្គីជនជាតិ ភូមិស្រុកផ្លាស់ថ្មី

02/08/2021 - 08:32

ទម្រង់សេដ្ឋកិច្ចជាច្រើនមានប្រសិទ្ធភាពជួយសមាជិកចាកភាពក្រីក្រ

ចលនា “អតីតយុទ្ធជនជួយគ្នាកាត់បន្ថយភាពក្រីក្រ ពូកែធ្វើសេដ្ឋកិច្ច” នៅស្រុកឡុងភូ ខេត្តសុកត្រាំង បានពង្រីកប្រសិទ្ធភាព ជួយសមាជិកឈានឡើងចាកភាពក្រីក្រ និងធ្វើមាន។

ទម្រង់ចិញ្ចឹមគោរបស់បងឌិញលី នៅភូមិបឹងធំ។

ក្រៅពីជួយសមាជិកទទួលបានប្រភពបុលទុនរបស់ធនាគារគោលនយោបាយសង្គម សមាជិកអតីតយុទ្ធជនគ្រប់លំដាប់ថ្នាក់ បានប្រើប្រាស់ប្រភពទុនរបស់កម្មវិធី និងគម្រោងជាច្រើន ដើម្បីជួយសមាជិកក្រីក្រពង្រីកសេដ្ឋកិច្ច។ ទន្ទឹមនឹងនោះ បើកវគ្គហ្វឹកហាត់ ផ្ទេរជូនវិទ្យាសាស្រ្តបច្ចេកទេសចិញ្ចឹមសត្វ និងដាំដុះដល់សមាជិក។ បច្ចុប្បន្ន សមាគមគ្រប់លំដាប់ថ្នាក់បានកសាងទម្រង់សេដ្ឋកិច្ច ប្រកបដោយប្រសិទ្ធភាពមានចំនួន ២៩ ដូច៖ ដាំក្រូចវល្លិ ដាំមៀន ដាំខ្នុរថៃ ដាំស្រកានាគសាច់ក្រហម និងចិញ្ចឹមគោជាដើម។ ព្រមជាមួយនោះ ទម្រង់ហ៊ុនទុនបង្វិលជុំដើម្បីជួយគ្នាអភិវឌ្ឍសេដ្ឋកិច្ចក៏ត្រូវបានពង្រីក។ មកដល់ពេលនេះ សមាគមបានបង្កើតក្រុមហ៊ុនទុន ៧២ ក្រុម មានសមាជិក ១.២៨៥ នាក់ បានហ៊ុនទុនជិត ៩៣០ លានដុង ជួយសមាជិក ៤៥៥ លើកនាក់ពង្រីកសេដ្ឋកិច្ច។ ឆ្លងតាមរយៈនោះ បានជួយឱ្យគ្រួសារសមាជិកជាច្រើនឈានឡើងចាកភាពក្រីនិងមានជីវភាពលំនឹង។

លោកឌិញលី នៅភូមិបឹងធំ ឃុំឡុងភូ ឱ្យដឹង៖ “អាស្រ័យបានសមាគមអតីតយុទ្ធជនឧទ្ទេសនាម ទើបខ្ញុំបានបុលទុនសម្រាប់ចិញ្ចឹមគោ និងដាំដំណាំរួមផ្សំ។ ប្រាក់ចំណូលបានមកពីការលក់ដំណាំរួមផ្សំ គ្រប់សម្រាប់ផ្គត់ផ្គង់ជីវភាពប្រចាំថ្ងៃ ទើបខ្ញុំមានឱកាសផ្ដោតទៅលើការចិញ្ចឹមគោបាន ១០ ក្បាល ខ្ញុំក៏បានលក់គោមួយចំនួនដើម្បីសង់ផ្ទះ។ ចំណូលគ្រួសារបានលំនឹងខ្ញុំចុះឈ្មោះសុំចាកពីភាពក្រីក្រ”។ ចំណែកលោកសើុងឡុក នៅភូមិសុកមើយ ឃុំឡុងភូ រៀបរាប់៖ “បានសមាគមអតីតយុទ្ធជនពិនិត្យឱ្យបុលទុនអនុគ្រោះពីធនាគារគោលនយោបាយសង្គម ខ្ញុំទិញជ្រូកមកចិញ្ចឹម។ នៅពេលជ្រូកមេកើត ខ្ញុំទុកចិញ្ចឹមលក់ជ្រូកសាច់ដើម្បីយកប្រាក់ចំណូលមកទិញដីផលិតកម្ម។ ដោយឡែកដីចំការ ២ កុង ខ្ញុំដាំដំណាំរួមផ្សំលក់ ដោះស្រាយជីវភាពប្រចាំថ្ងៃ ដូចដាំត្រកួន ដាំដំឡូងជ្វាធ្វើចំណីឱ្យជ្រូក។ អាស្រ័យរកស៊ីទទួលទានផ្តល់អំណោយផល ទើបខ្ញុំប្រិតសំចៃទិញដីបាន ៤០ ដុង និងសង់បានផ្ទះមាំទាំ”។

លោកថាច់ថាញ់តឹម អនុប្រធានសមាគមអតីតយុទ្ធជនស្រុកឡុងភូ ឱ្យដឹង ៖ “ដោយមានទម្រង់ជាច្រើនបានពង្រីកប្រសិទ្ធភាព សព្វថ្ងៃអត្រាគ្រួសារក្រីក្រក្នុងសមាជិកថយចុះនៅ ២,៣៤% គ្រួសារគ្រប់គ្រាន់ និងធូរធារ ស្រូបអត្រា ៥៣,៥១% នៃសមាជិកសរុបរបស់ស្រុក។ សមាគមនឹងបន្តជំរុញការចលនា “អតីតយុទ្ធជនជួយគ្នាកាត់បន្ថយភាពក្រីក្រ និងពូកែធ្វើសេដ្ឋកិច្ច” ដោយផ្សារភ្ជាប់ជាមួយការចលនាប្រឡងប្រណាំង “ទូទាំងប្រទេសរួមដៃគ្នាដើម្បីអ្នកក្រ មិនទុកចោលនរណាម្នាក់ឱ្យនៅក្រោយឡើយ” ដល់កម្មាភិបាល និងសមាជិកទាំងអស់ ដើម្បីរួមគ្នាអភិវឌ្ឍសេដ្ឋកិច្ច។ ទន្ទឹមនឹងនោះ ផ្ទេរជូនវិទ្យាសាស្ត្របច្ចេកទេសនិងពង្រីកទម្រង់សេដ្ឋកិច្ចមានប្រសិទ្ធភាព ឱ្យសមាជិកជ្រើសរើសទម្រង់ដែលសមស្របជាមួយនឹងលក្ខណៈគ្រួសារ ដើម្បីផ្សព្វផ្សាយអនុវត្ត"៕

យ៉ីអាញ-ត្រឹងហ្គោន

ចែករំលែកអត្ថបទ

ពាក្យគន្លឹះ