មហាសាមគ្គីជនជាតិ គំរូក្នុងសហគមន៍

14/12/2020 - 15:41

គ្រួសារបងស្រីធីផា ចាកផុតពីភាពក្រីក្រ

បងស្រីធីផា នៅអនុសង្កាត់ដុងធ្វឹង សង្កាត់ដុងធ្វឹង ក្រុងប៊ិញមិញ ខេត្តវិញឡុង មានជីវភាពធូរធារគ្រាន់បើ អាស្រ័យកម្មវិធីឧបត្ថម្ភ ពិសេសដោយឡែករបស់រដ្ឋ។

មុខរបរត្បាញកក់ របស់បងស្រីធីផា។

ដំណើររឿងចាកផុតពីភាពក្រីរបស់គ្រួសារបងស្រីធីផា នោះគឺដោយការខិតខំប្រឹងប្រែងរបស់ប្តីប្រពន្ធគាត់ បងស្រីឱ្យដឹង៖ “ប្តីប្រពន្ធរៀបការរួច សន្សែសន្សំទិញបានដី ធារផ្ទះ ប៉ុន្តែគ្មានលុយសង់។ ដោយបានរដ្ឋ ឧបត្ថម្ភសង់ផ្ទះឱ្យប្តីប្រពន្ធខ្ញុំដើម្បីរស់នៅ។ តាំងពីមានផ្ទះនៅលំនឹង ប្តីប្រពន្ធខ្ញុំស្ងប់ចិត្តធ្វើការ រកស៊ីដើម្បីចាកផុតពីភាពក្រីក្រ”។ ខណៈពេលដែលបងស្រីផា បានរដ្ឋជំនួយឱ្យបុលដើមទុន សម្រាប់លក់អង្ករ ប្ដីគាត់ក៏ទៅធ្វើកម្មករសំណង់។ ទាំងពីរនាក់ប្តីប្រពន្ធសុទ្ធតែរកបានប្រាក់ចំណូល ដូចគ្នា ប៉ុន្តែអ្នកស្រុកភូមិផងមិនដែលឃើញប្តីប្រពន្ធគាត់ចាយវាយខ្ជះខ្ជាយឡើយ។ បងស្រីផា ឱ្យដឹង៖ “មានលុយសេសសល់គឺខ្ញុំទិញមាសទុក មានអ្នកណាលក់ដីគឺទិញដី។ អាស្រ័យហេតុនោះ បានជាសព្វថ្ងៃខ្ញុំមានដីស្រែ ៨ កុង”។

នៅពេលផ្លូវចូលផ្ទះគាត់ត្រូវបានក្រាលកៅស៊ូ បងស្រីផា បានប្តូរមធ្យោបាយលក់អង្ករ ដោយទូកមកប្រើយានជំនិះវិញ។ ដោយសារដឹកជញ្ជូនច្រើនហួសប្រមាណ បងស្រីត្រូវគ្រោះថ្នាក់ចរាចរ ម្ល៉ោះហើយសម្រេចចិត្តបោះបង់ចោលអាជីពលក់អង្ករ គាត់ក៏បើកតៀមលក់ដូរនៅនឹងផ្ទះវិញ។ លក់បានមួយរយៈ បងស្រីខាតអស់ដើមទុន ពីព្រោះភ្ញៀវទិញភាគច្រើនទិញជឿ ហើយមិនសង។ ជាអ្នកមានចរិតព្យាយាម ម្ល៉ោះហើយបងស្រីផា មិនខ្វល់ការស្វែងរកការងារធ្វើ ឱ្យតែរកបានប្រាក់ចំណូល។ កាលនោះ ការិយាល័យជនជាតិបានសហការជាមួយភូមិភាគរៀបចំបើកបង្រៀនវិជ្ជាជីវៈជូនពលករជនបទ បងស្រីបានអនុសង្កាត់ចលនាឱ្យចូលរួម។ បងស្រីផា រំលឹក៖ “រដ្ឋរៀបចំបើកបង្រៀនវិជ្ជាជីវៈត្បាញកក់ រៀនចប់មានឧបត្ថម្ភប្រាក់។ ផ្ទះខ្ញុំមានគ្នារៀន ៣ នាក់ ទទួលបានប្រាក់ឧបត្ថម្ភជាង ២ លានដុង”។

ឥឡូវនេះ បងស្រីបានជំនាញនឹងអាជីពមួយនេះ។ ជាពិសេសវត្ថុធាតុដើមនិងផលិតផល តែងមានអ្នកដឹកមកឱ្យនិងទទួលយកដល់ផ្ទះ គាត់មិនបង់ប្រាក់ចំណាយដឹកជញ្ជូនទេ។ ប្រាក់ចំណូលបានមកពីការត្បាញកក់មិនច្រើនក៏ពិតមែន ប៉ុន្តែប្តីគាត់បានឡើងជាមេជាង ម្ល៉ោះហើយប្តីប្រពន្ធគាត់ក៏គ្រប់ចាយវាយនិងចិញ្ចឹមកូនប្រុសរៀនថ្នាក់ទី ១១ ផងដែរ។ កូនប្រុសច្បងរបស់បងស្រី ក៏បានឧបត្ថម្ភរៀនរបរបើករថយន្តនិងមានគ្រួសារលំនឹងជីវភាពដែរ។ បងស្រីយ៉ាងធីងៀហា កម្មាភិបាលទទួលបន្ទុកការងារជនជាតិនៃការិយាល័យគណៈកម្មាធិការប្រជាជនទីរួមខេត្តប៊ិញមិញ ឱ្យដឹង៖ “ប្តីប្រពន្ធបងស្រីផា ឧស្សាហ៍ព្យាយាមណាស់ ម្ល៉ោះហើយគ្រួសារគាត់បានចាកផុតពីភាពក្រីក្រ ជីវភាពសុខដុមរមនា”៕

ហាថាញ់-លីសៀ

ចែករំលែកអត្ថបទ

ពាក្យគន្លឹះ