មហាសាមគ្គីជនជាតិ ភូមិស្រុកផ្លាស់ថ្មី

06/04/2020 - 14:30

ឆ្ពោះទៅកាន់ស្រុកជនបទថ្មី

ស្រុកមីស្វៀង ខេត្តសុកត្រាំង មានជនរួមជាតិខ្មែររស់នៅជាង៣០%។ បានខេត្តជ្រើសធ្វើជាស្រុកគំរូ ក្នុងការកសាងជនបទថ្មី ស្រុកបានកំណត់ច្បាស់នេះជាគោលការណ៍ធំរបស់បក្សនិងរដ្ឋ នាំមកជីវភាពកាន់តែល្អប្រសើរជូនកសិករជនបទ ម្ល៉ោះហើយផ្ដុំកម្លាំងផ្សព្វផ្សាយស៊ីជម្រៅក្នុងកម្មាភិបាល បក្ខជននិងប្រជាជនអំពីគោលដៅ អត្ថន័យក៏ដូចជាចំណុចសំខាន់នៃការកសាងជនបទថ្មី។ អាស្រ័យការឯកភាពខ្ពស់ ក្នុងប្រព័ន្ធនយោបាយនិងការគាំទ្រពីសំណាក់ប្រជាជន មកទល់សព្វថ្ងៃ ឃុំទាំង១០ របស់ស្រុកសម្រេចបទដ្ឋានជនបទថ្មី។

សាលាបឋមសិក្សាថាញ់ភូ៣ សម្រេចបទដ្ឋានជាតិ។

អស់រយៈពេល១០ឆ្នាំ អនុវត្តកម្មវិធីទិសដៅជាតិកសាងជនបទថ្មី ស្រុកមីស្វៀង បានកៀរគរប្រភពទុនជាង៣.៩៨៥ពាន់លានដុង ក្នុងនោះ អាជីវករនិងប្រជាជនរួមវិភាគទានជាង៨៨០ពាន់លានដុង។ សព្វថ្ងៃ ចំនួនឃុំទាំង១០របស់ស្រុកអនុវត្តសម្រេចលក្ខឋានទាំង១៩ ជីវភាពប្រជាជនបានលើកកម្ពស់ ចំណូលមធ្យមភាគលើមនុស្សម្នាក់តំបន់ជនបទសម្រេច៤២,៥លានដុង/ឆ្នាំ កើន៣,៥ដង បើប្រៀបនឹងឆ្នាំ២០១១ ។ អត្រាគ្រួសារក្រីក្រចាប់ពី២៥,៨៤% ក្នុងឆ្នាំ២០១១ ឥឡូវថយចុះនៅត្រឹម ៣,៩៥% (ចុងឆ្នាំ២០១៨)។ អត្រាពលករជនបទឆ្លងកាត់វគ្គបណ្តុះបណ្ដាលសម្រេច៤០% កើន១៩% បើប្រៀបនឹងឆ្នាំ២០១១។ល។ ជាពិសេស ពេលជ្រាបច្បាស់ពីអត្ថន័យនិងគោលដៅនៃការកសាងជនបទថ្មី ប្រជាជនរួមកម្លាំងអនុវត្ត។ លោកឡឹមវ៉ាន់ផឹង នៅឃុំថាមដូង ឱ្យដឹង៖ “ច្រើនឆ្នាំមកនេះ ខ្ញុំបានចលនាសប្បុរសជនរួមវិភាគទានជាង ២ ពាន់លានដុង កសាងស្ពានបេតុងបាន៦ខ្សែ ផ្លូវជនបទ៦ខ្សែ នៅតាមភូមិ សំខាន់គឺដើម្បីភូមិស្រុកស្អាតបាត ប្រជាជនធ្វើដំណើរទៅមកងាយស្រួល។ ឃុំថាមដូង ឥឡូវមានភាពផ្លាស់ថ្មីតាមទិសដៅរីកចម្រើន មានដូច៖ ផ្លូវថ្នល់បានចាក់បេតុងរួចរាល់ សាលារៀន ដំណាក់សុខាភិបាល បានកសាងសមរម្យ; ប្រឡាយតូចធំមានទឹកសាបខួបឆ្នាំ មាមីងខ្មែរផលិតស្រូវ២រដូវ/ឆ្នាំ ការដាំដំណាំ ចិញ្ចឹមសត្វក៏មានភាពងាយស្រួល រកបានប្រាក់ចំណូលជាប្រចាំ ម្ល៉ោះហើយជីវភាពបានលើកកម្ពស់”។

លោកម៉ាយថាញ់កូវ លេខាគណៈកម្មាធិការបក្ស ប្រធានគណៈកម្មាធិការប្រជាជនឃុំថាញ់ភូ ឱ្យដឹង៖ “ថាញ់ភូជាឃុំលំបាកខ្លាំង ម្ល៉ោះហើយស្រុកបានយកចិត្ដទុកដាក់យ៉ាងពិសេសក្នុងការវិនិយោគគោលនយោបាយជនជាតិនិងដើមទុនកសាងជនបទថ្មី។ ព្រោះហេតុដូច្នោះ ពេលបានទទួលស្គាល់សម្រេចបទដ្ឋានជនបទថ្មី ឃុំថាញ់ភូប្រៀបដូចជាបានពាក់អាវថ្មី។ ជាក់ស្ដែង៖ ផ្លូវថ្នល់បានចាក់បេតុងរួចរាល់; ដំណាក់សុខាភិបាល ប្រព័ន្ធសាលារៀនត្រូវបានកសាងសមរម្យ សម្រេចបទដ្ឋាន; ទឹកស្អាតប្រើប្រាស់ អគ្គិសនីបានតភ្ជាប់និងអន្ទងចុះទៅតាមផ្ទះ; ធារាសាស្រ្ដមានភាពសុក្រឹត មាមីងផលិតកម្មខួបឆ្នាំ ម្ល៉ោះហើយបង្កើនបានប្រាក់ចំណូលលំនឹងជីវភាព សន្ដិសុខនយោបាយសណ្ដាប់ធ្នាប់សង្គមត្រូវបានធានា។ល។”។

លោកដាវដាក់ហ៊ុង អនុប្រធានគណៈកម្មាធិការប្រជាជនស្រុកមីស្វៀង ឱ្យដឹង៖ “ខណៈពេលស្រុក អនុវត្តកសាងជនបទថ្មី ឃុំមានចំណុចចាប់ផ្ដើមទាប សម្រេចត្រឹមតែ៩លក្ខឋាន ចំណែកឃុំដែលខ្ពស់គឺសម្រេចបានពី១៤ដល់១៥ លក្ខឋានប៉ុណ្ណោះ។ ព្រោះហេតុដូច្នោះ មានការចូលរួមទូទាំងប្រព័ន្ធនយោបាយរបស់ស្រុក និងទទួលបានការគាំទ្រពីសំណាក់ប្រជាជន។ មកទល់សព្វថ្ងៃ ភាពជោគជ័យធំបំផុតរបស់ស្រុកក្នុងកសាងជនបទថ្មី គឺការសាមគ្គីទូទាំងប្រព័ន្ធនយោបាយនិងពង្រីកតួអង្គដែលសំខាន់គឺយកប្រជាជនជាស្នូល”៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ