មហាសាមគ្គីជនជាតិ គំរូក្នុងសហគមន៍

09/09/2019 - 15:30

ប្រធានសាខាសមាគមនារីធ្វើសេដ្ឋកិច្ចពូកែ

ក្នុងរយៈពេលប៉ុន្មានឆ្នាំកន្លងមក ការចលនានារីធ្វើសេដ្ឋកិច្ចពូកែត្រូវបានសមាគមសហព័ន្ធនារី សង្កាត់៨ ក្រុងត្រាវិញ ខេត្តត្រាវិញ ផ្សព្វផ្សាយអនុវត្តយ៉ាងទូលំទូលាយដល់សមាជិកទាំងអស់ ហើយបានបងប្អូននារីចូលរួមគាំទ្រយ៉ាងសកម្ម។ ផ្តើមពីការចលនានេះ មានបងប្អូននារីជាច្រើនបានឈានឡើងចាកផុតពីភាពក្រីក្រនិងធ្វើមាន។ ជាក់ស្តែងគឺបងស្រីថាច់ធីសាថា - ប្រធានសាខាសមាគមនារីភូមិសំរោងលិច សង្កាត់៨ ។

បងស្រីថាច់ធីសាថា។

បងស្រីថាច់ធីសាថា (សុថាត) កើតនិងធំឡើងក្នុងគ្រួសារកសិករខ្មែរក្រីក្រមួយនៅភូមិព្រែកឈូក ឃុំឡងមី ស្រុកតាមប៊ិញ ខេត្តវិញឡុង។ បងស្រី ឱ្យដឹង៖ “បន្ទាប់ពីរៀនបញ្ចប់វិទ្យាល័យ និងពុទ្ធិកវិទ្យាល័យទុតិយភូមិ ខ្ញុំឈប់រៀននៅផ្ទះដើម្បីជួយធ្វើការងារឪពុកម្តាយ ព្រោះស្ថានភាពគ្រួសារមានការលំបាក។ ឆ្នាំ២០០៥ ខ្ញុំបានរៀបការហើយរស់នៅភូមិសំរោងលិច សង្កាត់ទី៨។ ពេលនោះ គ្រួសារខ្ញុំមានការលំបាកខ្លាំងដោយសារគ្មានដីផលិត រស់នៅដោយធ្វើការងារឈ្នួល និងលក់ដូរកំប៉ិកកំបុក។ល។ ទោះយ៉ាងណាក្ដី គ្រួសារខ្ញុំតែងលើកទឹកចិត្តជានិច្ច៖ យើងខ្ញុំមិនសុខចិត្តនឹងភាពក្រីក្រលំបាកដូច្នេះបានទេ! ត្រូវតែពុះពារ ឈានឡើងដើម្បីជីវភាពគ្រួសារបានល្អប្រសើរជាង!”។ ដោយគិតដូច្នោះ បងស្រីក៏ប្តេជ្ញា ស្វែងយល់ រៀនសូត្របទពិ សោធន៍ពីមាមីងបងប្អូន ហើយក៏បើកហាងលក់គ្រឿងទេសនិងឱ្យជួលសំលៀកបំពាក់អាពាហ៍ពិពាហ៍ - សំលៀកបំពាក់ពិធីបុណ្យខ្មែរ។

ពេលដំបូង ដោយសារតែខ្វះបទពិសោធន៍ ម៉្លោះហើយការងាររកទទួលទានមិនសូវបានផលជាប៉ុន្មានទេ។ ដោយបានការលើកទឹកចិត្តនិងជួយជ្រោមជ្រែងពីសំណាក់សមាគមនារី សមាគមកសិករ។ល។ បង្កលក្ខណសម្បត្តិបង្ខិតជិតនិងចូលរួមសិក្ខាសាលានិងវគ្គបណ្តុះបណ្តាលជាដើម។ អាស្រ័យហេតុនោះ គាត់ហ៊ានបុលទុន ដើម្បីពង្រីករបរសំអាងការ ឱ្យជួលសម្លៀកបំពាក់ អាពាហ៍ពិពាហ៍ - សំលៀកបំពាក់ពិធីបុណ្យខ្មែរ។ មិនត្រឹមតែប៉ុណ្ណោះ បងស្រីនៅទាំងជួយណែនាំបងប្អូននារីប៉ាក់រូបភាព បង្កើតការងារជូនបងប្អូននារីពេលទំនេរ។ល។ “អាស្រ័យរកទទួលទាន មានប្រសិទ្ធភាព ខ្ញុំបានទិញដីនិងសង់ផ្ទះមានតម្លៃរាប់រយលានដុង។ បច្ចុប្បន្ន ជីវភាពគ្រួសារខ្ញុំមានស្ថេរភាពហើយ” - បងស្រីសាថា ឱ្យដឹងដូច្នេះ។

ដោយសកម្មនិងច្នៃប្រតិដ្ឋ ឆ្នាំ២០១៦ បងស្រីត្រូវបានបោះឆ្នោតជ្រើសរើសជាប្រធានសមាគម នារីភូមិសំរោងលិច។ ក្នុងតួនាទីថ្មី គាត់បានសហការជាមួយសហព័ន្ធនារីសង្កាត់៨ ធនាគារ គោលនយោបាយសង្គមដើម្បីបង្កលក្ខណសម្បត្តិ ឱ្យបងប្អូននារីបុលទុនដើម្បីអភិវឌ្ឍសេដ្ឋកិច្ចគ្រួសារចំនួន៨៨លើកនាក់។ លើសពីនេះ បងស្រីបានចលនាសប្បុរសជន បងប្អូននារីនៅក្នុងសមាគមឧបត្ថម្ភអង្ករថវិកាមួយចំនួនឧបត្ថម្ភដល់មនុស្សចាស់ជរាគ្មានទីពឹង២នាក់(១៥០.០០០ ដុង/ខែ) និងសិក្ខូបករណ៍សម្រាប់ជូនសិស្សក្រីក្រសង្វាតរៀនសូត្រ។ល។

“មិនត្រឹមធ្វើសេដ្ឋកិច្ចពូកែប៉ុណ្ណោះទេ បងស្រីថែមទាំងជាប្រធានសមាគមនារីគំរូផងដែរ។ ដោយស្មារតីនៃការសាមគ្គី គាំទ្រជួយគ្នាទៅវិញទៅមក បងស្រីឧបត្ថម្ភនិងចែករំលែកបទពិ សោធន៍ដល់បងប្អូននារីនៅភូមិភាគរួមគា្នឈានឡើងចាកផុតពីភាពក្រីក្រ។ ក្រៅពីនេះ គាត់ តែងសកម្មផ្សព្វផ្សាយនូវគោលការណ៍ គោលនយោបាយរបស់បក្ស ច្បាប់របស់រដ្ឋ អនាម័យ សុវត្ថិភាពម្ហូបអាហារ និងណែនាំពីរបៀបចិញ្ចឹម ថែទាំកូនចៅដល់បងប្អូននារីទៀតផង។ល។” - អ្នកស្រីសើុងធីណាវី ប្រធានសមាគមសហព័ន្ធនារីសង្កាត់៨ បានឱ្យដឹងដូច្នោះ៕

អត្ថបទ៖ ទីទុយ

ចែករំលែកអត្ថបទ

ពាក្យគន្លឹះ