មហាសាមគ្គីជនជាតិ គំរូក្នុងសហគមន៍

08/07/2019 - 15:54

“អ្នកបំបាត់ភាពក្រីក្រ”

លោកយ័ញហ៊ីប អាយុ៦០ឆ្នាំ លេខាសាខាបក្សនិងជាប្រធានភូមិអាងប៊ិញ ឃុំមិញហ្វា ស្រុកចូវថាញ់ ខេត្តគៀងយ៉ាង បានប្រជាជននៅទីនេះគោរពស្រឡាញ់រាប់អាន ហើយតែងហៅគាត់ថា “អ្នកបំបាត់ភាពក្រីក្រ”។

លោកយ័ញហ៊ីប គឺជាបុគ្គលគំរូម្នាក់ក្នុងការរៀនសូត្រនិងធ្វើតាមឧត្តមគតិសីលធម៌ ឥរិយាបថហូជីមិញ។

ភូមិអាងប៊ិញ មានប្រជាជនរស់នៅ១.៨៨៥ គ្រួសារក្នុងនោះជនរួមជាតិខ្មែរស្រូបអត្រាដល់ទៅ៩៧%។ លោកង្វៀនវ៉ាន់ណាម លេខាគណៈកម្មាធិការបក្សឃុំមិញហ្វា ឲ្យដឹង៖ អាស្រ័យភូមិភាគមានជនរួមជាតិខ្មែររស់នៅកុះករ ម្ល៉ោះហើយលំបាកក្នុងការរកកម្មាភិបាលទទួលបន្ទុកជាលេខាសាខាបក្សនិងជាប្រធានភូមិ។ សមមិត្ត យ័ញហ៊ីប ជាជនជាតិខ្មែរ ហើយចេះអក្សរខ្មែរ ជ្រៅជ្រះទៀត ហេតុនោះការផ្សព្វផ្សាយ ចលនាប្រជាជនមានភាពងាយស្រួលណាស់។

ពេលទទួលភារកិច្ចជាលេខាសាខាបក្សនិងជាប្រធានភូមិអាងប៊ិញ នៅឆ្នាំ២០១៥ លោកយ័ញហ៊ីប ចាប់ផ្តើមការងារដោយមមាញឹក។ ដំបូងបង្អស់ គាត់បញ្ជ្រាបសេចក្តីសម្រេចរបស់បក្ស គោលការណ៍ គោលនយោបាយរបស់រដ្ឋដល់បក្ខជនទាំងអស់ ក្នុងនោះជាសំខាន់គឺយកចិត្តទុកដាក់ដល់ការចូលរួមរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ។ ផ្តើមពីនោះ រាល់បក្ខជនផ្សព្វផ្សាយបន្តដល់មហាជន ដើម្បីយល់ដឹងនិងធ្វើតាម។ បន្ទាប់មក គាត់បានចង្អុលការនិងដំឡើងផែនការអនុវត្តបធានបទ ជំនាញអំពីបរិស្ថាននិងសន្តិសុខសណ្តាប់ធ្នាប់។ គាត់រួមជាមួយនឹងសមាជិកក្នុងក្លឹបបរិស្ថានរបស់ភូមិ ចលនាប្រជាជនលុបបំបាត់បង្គន់អនាម័យតាមមាត់ប្រឡាយ មិនងួតទឹក បោកសម្លៀកបំពាក់ក្នុងប្រឡាយ និងមិនបោះចោលសំរាមពាសវាលពាសកាល។ បន្ទាប់ពីនោះ គាត់បានចលនាមាមីងដាំដើមឈើលម្អធ្វើជារបង ធ្វើបង្គោលទង់ ត្រូវតាមខ្នាតគំរូ គ្រួសារទាំង១០០% មានឆាយាល័ក្ខណ៍អ៊ំហូដាក់តម្កល់ក្នុងទីដ៏សមគួរ។

លោកយ័ញហ៊ីប ឲ្យដឹង៖ អានប្រវត្តិរបស់អ៊ំ ប្រការដែលគាត់ចាប់ចិត្តជាទីបំផុតគឺចរិតឧស្សាហ៍ព្យាយាម ប្រិតសំចៃ។ ព្រោះហេតុនោះ រៀងរាល់ថ្ងៃគាត់តែងចុះទៅគ្រប់ច្រកល្ហកក្នុងភូមិ ដើម្បីជំរុញណែនាំមាមីងខិតខំពលកម្មផលិត មិនត្រូវបោះបង់ចោលពេលវេលាទំនេរ និងកម្លាំងកាយចិត្ត។ ដោយសារធ្វើតាមការណែនាំរបស់លោកយ័ញហ៊ីប ប្រជាជនជាច្រើនក្នុងភូមិបានខិតខំធ្វើការរកស៊ី ឈានឡើងក្នុងជីវភាព។ លោកយ័ញទៀង ស្នាក់នៅក្រុម១០ ឲ្យដឹង៖ អាស្រ័យដីស្រែតិចតួច ហើយផលិតស្រូវមិនសូវបានផល ដោយសារបានលោកយ័ញហ៊ីប ណែនាំកាប់ឆ្ការកែប្រែចម្ការចាស់ បង្វែរមកដាំដំណាំរួមផ្សំ ចិញ្ចឹមមាន់ ទាបន្ថែមទៀត គ្រួសារគាត់ក៏ចាកផុតពីបញ្ជីគ្រួសារក្រីក្រ។

លោកយ័ញហ៊ីប មិនត្រឹមតែយកចិត្តទុកដាក់ក្នុងការសាងសង់ផ្ទះជូនគ្រួសារក្រីក្រប៉ុណ្ណោះទេ គាត់នៅទាំងចលនាប្រជាជនធ្វើផ្លូវគមនាគមន៍ជនបទបាន៤៥០ម៉ែត្រ ស្ពានជនបទបាន៣ខ្សែទៀតផង គិតជាទឹកប្រាក់ជាង២០០លានដុង។ ក្នុងឆ្នាំនេះ លោកយ័ញហ៊ីប ប្តេជ្ញាចិត្តអនុវត្តឲ្យបានការងារ “ក្ដៅ” បំផុតនៅភូមិភាគនាបច្ចុប្បន្ន គឺជីកស្តារប្រឡាយរាយរងដែលមានប្រវែងជាង២.៥០០ម៉ែត្រ ដើម្បីនាំទឹកសាបបម្រើការផលិត៕

ឡេស៊ាង-វិមាន

ចែករំលែកអត្ថបទ

ពាក្យគន្លឹះ