មហាសាមគ្គីជនជាតិ គំរូក្នុងសហគមន៍

18/03/2019 - 07:12

លោកហឺវសុង-កសិករខ្មែរធ្វើសេដ្ឋកិច្ចពូកែ

ប៉ុន្នានឆ្នាំកន្លង មានជនរួមជាតិខ្មែរជាច្រើនបានចាកផុតពីភាពក្រីក្រឈានឡើងគ្រាន់បើ ក្នុងនោះមានលោកហឺវស៊ុង (កើតឆ្នាំ១៩៦១) នៅភូមិជ្រុងខ្មែរ ឃុំហូធីគី ស្រុកថើយប៊ិញ ខេត្តកាម៉ាវ លោកអនុវត្តទម្រង់ចិញ្ចឹមបង្គាតាមបែបវិបុលវប្បកម្មថ្មីនៅភូមិភាគ។ ទម្រង់នេះ ជួយដល់គ្រួសារលោកនិងគ្រួសារខ្មែរក្រីក្រជាច្រើនចាកផុតពីភាពក្រីក្រ។

លោកហឺវស៊ុង ។

មុននេះ គ្រួសារលោកហឺវស៊ុង គឺគ្រួសារមួយក្នុងចំណោមគ្រួសារក្រីក្រនៅភូមិជ្រុងខ្មែរ។ លោកហឺវស៊ុង ឲ្យដឹង៖ “ពេលរៀបការរួចខ្ញុំចេញនៅដោយឡែកជាមួយដីស្រែតិចតួចដែល ម្ដាយឪពុកទាំងសងខាងចែកឲ្យសម្រាប់ធ្វើដើមទុនរកស៊ី។ កាលនោះ គ្មានប្រព័ន្ធធារាសាស្រ្ត ហើយដីគ្មានជីជាតិ ម៉្លោះហើយធ្វើស្រែទិន្នផលទាបណាស់។ អាស្រ័យហេតុនោះ គ្រួសារខ្ញុំធ្លាក់ក្នុងស្ថានភាព “ខ្វះមុខខ្វះក្រោយ”។ល។ ខ្ញុំគិតថា៖ មិនអាចទ្រាំបាននូវភាពក្រលំបាក ធ្វើស្រែទិន្នផលទាបដូច្នេះទេ។ ផ្ដើមពីនោះ ខ្ញុំតែងស្រាវជ្រាវរៀនសូត្រពីបច្ចេកទេសផលិត ប្រភេទពូជដំណាំ សត្វចិញ្ចឹមនិងទម្រង់ថ្មីៗ ហើយចូលរួមថ្នាក់ហ្វឹកហាត់ ជំរុញកសិកម្មជាដើម”។

ឆ្នាំ២០១០ ពេលរដ្ឋវិនិយោគកសាងប្រព័ន្ធធារាសាស្រ្តសម្រេចរួចរាល់ អាចម្ចាស់ការប្រភពទឹកប្រៃសម្រាប់ចិញ្ចឹមជលផល គាត់បានអនុវត្តពិសោធន៍និងសម្រេចជោគជ័យនូវទម្រង់ដាំដំណាំ ចិញ្ចឹមសត្វច្រើនប្រភេទ។ ការចិញ្ចឹមបង្គាតាមបែបវិបុលវប្បកម្មថ្មី លោកហឺវស៊ុង ឲ្យដឹង៖ “ទម្រងចិញ្ចឹមបង្គាតាមបែបវិបុលវប្បកម្មថ្មីនេះ មិនទាមទារទុនច្រើនឬបច្ចេកទេសខ្ពស់ឡើយ ម៉្យាងទម្រង់នេះមានហានិភ័យទាប។ នៅពេលប្ដូរមកចិញ្ចឹមបង្គាវិបុលវប្បកម្ម គឺយើងបង់តែកម្លាំងថែទាំ ឲ្យចំណី ពិនិត្យប្រភពទឹក បរិស្ថានរស់នៅរបស់បង្គា”។ រៀនសូត្របានបច្ចេកទេស គាត់ជួលដីនិងជីកស្រះចិញ្ចឹមសាកល្បងជាមួយនឹងផ្ទៃដី១ហិកតា។ រដូវដំបូង ក្រោយពីទូទាត់ ប្រាក់ចំណាយដូច៖ កម្លាំងថែទាំ ថ្នាំ ចំណី និងប្រាក់ចំណាយផ្សេងៗទៀត គាត់រកបានប្រាក់ចំណេញជាង៥០លានដុង។

ដោយឃើញការចិញ្ចឹមបង្គាតាមបែបវិបុលវប្បកម្មថ្មីផ្ដល់ទិន្នផលនិងប្រាក់ចំណេញខ្ពស់ គ្រួសារគាត់ក៏សម្រេចចិត្តវិនិយោគទម្រង់ចិញ្ចឹមនេះជាមួយផ្ទៃដី៣ហិកតា។ ក្រោយពីប្រមូលផល រកបានប្រាក់ចំណេញពី១៥០-២០០លានដុង/ឆ្នាំ។ លោកហឺវស៊ុង ចែករំលែកបច្ចេកទេស៖ “មុនពេលឈានចូលដល់រដូវចិញ្ចឹម គឺត្រូវស្ដារអនាម័យអណ្តូងចិញ្ចឹម ហាលដី ក្រោយមកបាចកំបោរ។ល។ ពេលបូមទឹកចូលស្រះ ត្រូវរាំងសំណាញ់ដើម្បីត្រងត្រីលាយឡំ បន្ទាប់មកទើបព្រលែងកូនពូជ”។

“ លោកហឺវស៊ុង ជាកសិករស៊ូទ្រាំលំបាក ឧស្សាហ៍ធ្វើការរកស៊ី ហើយជាគំរូក្នុងការអនុវត្តគោលការណ៍របស់បក្ស ច្បាប់របស់រដ្ឋ។ មិនត្រឹមតែធ្វើមានដោយខ្លួនឯងនោះទេ គាត់តែងសកម្មចូលរួមរាល់ការចលនា រួមវិភាគទានជូនមូលនិធីភូមិភាគ ជំនួយដើមទុនជូនគ្រួសារក្រីក្រចំនួន៧គ្រួសារដែលជួបលំបាក ខ្វះទុនចំនួនទឹកប្រាក់៥០លានដុងដោយមិនគិតការប្រាក់ និងណែនាំដល់មាមីងចំនួន១១៥គ្រួសារពីបច្ចេកទេសចិញ្ចឹមបង្គាតាមបែបវិបុលវប្បកម្មថ្មី ដោះស្រាយការងារធ្វើជាប្រចាំជូនពលករចំនួន២៤នាក់ និងគ្រួសារចំនួន៧ដែលគាត់ជំនួយទុននោះ បានឈានឡើងចាកផុតពីភាពក្រីក្រនិងធ្វើមាន។ បច្ចុប្បន្ន កូនរបស់គាត់ទាំងពីរនាក់រៀនចប់មហាវិទ្យាល័យ មានការងារធ្វើលំនឹង សង់បានផ្ទះមួយខ្នងយ៉ាងសមរម្យគិតជាតម្លៃកសាងប្រមាណ១ពាន់លានដុង។ លោកទទួលបានកិត្តិនាមជាកសិករផលិត ធ្វើសេដ្ឋកិច្ចពូកែថ្នាក់ស្រុក ថ្នាក់ខេត្ត។ល។ គំរូរបស់គាត់គួរឲ្យស្ងើចសរសើរ” -លោកហឺវថាវ លេខាសាខាបក្សភូមិជ្រុងខ្មែរ បានឲ្យតម្លៃដូច្នេះ៕

រូបនិងអត្ថបទ៖ ទីទុយ

ចែករំលែកអត្ថបទ

ពាក្យគន្លឹះ