សន្តិសុខ - ការពារប្រទេស ការពារប្រទេស

07/08/2018 - 09:55

បង្កបង្កើនផល រួមចំណែកកែលម្អការហូបចុករបស់កងទ័ព

រយៈពេលកន្លង គណៈកម្មាធិការបក្ស បញ្ជាការដ្ឋានកងទ័ពការពារព្រំដែនខេត្តកៀនយ៉ាង តែងយកចិត្តទុកដាក់ចង្អុលការដល់អង្គភាពមូលដ្ឋានអនុវត្តព្រមៗ គ្នានូវលក្ខឋានរបស់ផ្នែកភ័ស្តុភារ។ ទន្ទឹមនឹងការគ្រប់គ្រង ប្រើប្រាស់ប្រភពថវិកាចំទិសដៅ ការធានានៅការងារបង្កបង្កើនផល ត្រូវបានចាត់ទុកជាគន្លឹះសំខាន់។

សួនបន្លែរបស់កងវរសេនាតូចបង្វឹកចល័តនៃកងទ័ពការពារព្រំដែនកៀនយ៉ាង។

តាមរយៈនោះ ចាប់ពីឆ្នាំ២០១៦ មកទល់នឹងបច្ចុប្បន្ន កងទ័ពការពារព្រំដែនខេត្តកៀនយ៉ាង មានគោលការណ៍ ប្រមូលផ្តុំវិនិយោគទុន ជូនអង្គភាពមូលដ្ឋានអនុវត្តទម្រង់គួបផ្សំវិទ្យាសាស្រ្តបច្ចេកទេស ក្នុងការដាំដុះ ចិញ្ចឹមសត្វ ផ្សារភ្ជាប់នឹងការកសាងប្រភពធនធានភ័ស្តុភារនៅនឹងកន្លែង។ វរសេនីយ៍ឯកបម្រុង ប៊ូយថាញ់តឺ ប្រធានការិយាល័យភ័ស្តុភារនៃកងទ័ពការពារព្រំដែនខេត្តកៀនយ៉ាង ឲ្យដឹង៖ ដើម្បីបង្កបង្កើនផលសម្រេចប្រសិទ្ធភាពល្អ ធានាបានចីរភាព ក្រៅពីប្រភពទុនដែលបញ្ជាការដ្ឋានកងទ័ពការពារព្រំដែនផ្តល់ជូន និងប្រភពទុនតាមកម្រិតវិនិយោគទុនដល់អង្គភាព បញ្ជាការដ្ឋានកងទ័ពការពារព្រំដែនខេត្តកៀនយ៉ាង ក៏បានកៀរគរប្រភពថវិកាផ្សេងៗបន្ថែម ដើម្បីវិនិយោគទុនជូនអង្គភាពនីមួយៗ ពី៣០ដល់១០០លានដុងសំដៅបង្កលក្ខណសម្បត្តិសម្រាប់បង្កបង្កើនផលឲ្យមានបែបបទ ប្រកបដោយវិទ្យាសាស្រ្ត។ ទន្ទឹមនឹងការផ្តល់ទុនស្ថាប័នជំនាញនៅទាំងធ្វើការត្រួតពិនិត្យ ដាស់តឿនការអនុវត្ត ណែនាំឯកទេស ព្រមទាំងពិភាក្សាជាមួយនឹងគណៈកម្មាធិការបក្ស គណៈបញ្ជាការអង្គភាពធ្វើយ៉ាងណាដើម្បីធានាប្រភពទុនប្រកបដោយប្រសិទ្ធភាព រៀបចំការដាំដុះ ចិញ្ចឹមសត្វសមស្រប ធានាសោភណភាព...។

កម្មាភិបាល យុទ្ធជននៅតាមប៉ុស្តិ៍ការពារព្រំដែន ស៊ូទ្រាំលំបាក សិក្សាស្វែងយល់បទពិសោធន៍ក្នុងការជ្រើសពូជដំណាំថ្មីសមស្របនឹងអាកាសធាតុ ដីធ្លីនៅតាមអង្គភាព។ មកទល់នឹងបច្ចុប្បន្ន នៅតាមអង្គភាពនៃប៉ុស្តិ៍ការពាព្រំដែន១០០% របស់ខេត្តកៀនយ៉ាង បានកសាងសម្រេចរួចរាល់ប្រព័ន្ធគម្រោងផែនការបង្កបង្កើនផល។ តួយ៉ាងដូច ប៉ុស្តិ៍ការពារព្រំដែន ច្រកទ្វារអន្តរជាតិហាតៀន ប្រមូលផ្តុំពង្រីកហ្វូងជ្រូកព្រៃបង្កាត់ចំនួន២០០ក្បាល ស្រះចិញ្ចឹមត្រីចំនួន២ និងដាំដំណាំរួមផ្សំជាង១.០០០ម៉ែត្រការ៉េ។ នៅតាមមណ្ឌលលេងកម្សាន្តរបស់អង្គភាព ត្រូវបានក្រាលបេតុង ជ្រះស្អាតមានដាំសួនផ្កាលម្អស្រស់ស្អាត។ នៅជួរសមុទ្រ មានទម្រង់ដាំបន្លែលើវាលខ្សាច់ ទម្រង់ផលិតទឹកត្រីរបស់ប៉ុស្តិ៍ការពារព្រំដែនហ្គាន់យូវ អានថើយ កងនាវាចរណ៍២ក៏បាននាំមកប្រសិទ្ធភាពខ្ពស់។ កងវរសេនាតូចបង្វឹកចល័តនៃកងទ័ពការពារព្រំដែនខេត្តកៀនយ៉ាង ជាច្រើនឆ្នាំ បន្តបន្ទាប់ឈានមុខក្នុងការដាំបន្លែបង្ការ បម្រើការហូបចុកដោយប្រភពអាហារសុវត្ថិភាពដល់យោធិន។ ចំណែកអង្គភាពជួរព្រំដែនដីគោក គឺពង្រីកហ្វូងគោនិងចិញ្ចឹមត្រីទឹកសាប គួបផ្សំនឹងដាំបន្លែបង្ការដោយប្រើប្រាស់ជីលាមកសត្វ ផ្តល់ប្រសិទ្ធភាពខ្ពស់។ រីឯប៉ុស្តិ៍ការពារព្រំដែននៅឆ្ងាយពីមជ្ឈមណ្ឌល តំបន់កោះ សមុទ្រ ដូចជា ថោចូវរ៉ាច់ត្រាម សាឡឹក ណាមយូ ហងស៊ឺន វិញដេវ យ៉ាងថាញ់។ល។ ឥឡូវអាច បម្រុងស្បៀងអាហារ បន្លែបង្ការ ត្រីសាច់ដល់ទៅ៥០% សម្រាប់បម្រើការហូបចុកដល់កងទ័ព៕

លេស៊ាង-មុនី

ចែករំលែកអត្ថបទ

ពាក្យគន្លឹះ