គោលនយោបាយ -ការរស់នៅ ការរស់នៅ

10/07/2018 - 15:05

រកច្រកចេញលំនឹងឲ្យដំណាំម្ទេស

ច្រើនឆ្នាំកន្លង ចលនាដាំម្ទេសខ្មាំងនៅខេត្តត្រាវិញ បានអភិវឌ្ឍយ៉ាងខ្លាំង នាំមកប្រាក់ចំណូលបង្គួរជូនកសិករ។

គ្រួសារបងស្រីថាច់ធីសាលីកំពុងប្រមូលផលម្ទេស។

ខណៈពេលទីផ្សារមានតម្រូវការម្ទេសច្រើន តម្លៃរបស់វាកើនឡើងដល់៦០.០០០ដុង/គីឡូក្រាមឯណោះ អ្នកដាំម្ទេសតែងប្រលយពាក្យកំប្លែងលេងថា ដាំបាន“ម្ទេសផ្អែម”។ ព្រោះហេតុនោះ កសិករក្នុងខេត្តជាច្រើន ពិសេសគឺជនរួមជាតិខ្មែរ ចាត់ទុកដំណាំម្ទេស ជាដំណាំដ៏ចម្បងមួយប្រភេទ ត្រូវបានជ្រើសចូលក្នុងតារាងបញ្ជីពូជដាំណាំបង្វែររចនាសម្ព័ន្ធប្រកបដោយប្រសិទ្ធភាព។ ប៉ុន្តែឆ្នាំ២០១៨ តម្លៃម្ទេសចុះថោកប្រមាណ១២.០០០ដុង/គីឡូក្រាម ញុាំងឲ្យអ្នកដាំម្ទេសរងការ “លំបាក”។

ក្នុងអំឡុង៥ខែដើមឆ្នាំ២០១៨ នៅតាមភូមិភាគដែលមានផ្ទៃដីដាំម្ទេសច្រើន ដូចជា៖ ស្រុកកូវង៉ាងជាង៦០០ហិកតា ស្រុកយ្វៀនហាយ១១០ហិកតា ក្រុងយ្វៀនហាយ៩០ ហិកតា ស្រុកថ្កូវ៣០ហិកតា និងស្រុកកូវកែ៥០ហិកតា។ល។ បច្ចុប្បន្ន ទិន្នផលម្ទេសមធ្យមភាគពី១៨ដល់២០តោន/ហិកតា អ្នកដាំម្ទេសត្រូវចំណាយដើមទុនដំបូងប្រមាណពី៩០ដល់១០០លានដុង/ហិកតា។ ក្រៅពីនោះ អ្នកដាំម្ទេសនៅទាំងជួលកម្មករប្រមូលផល ដោយតម្លៃពី៤.០០០ដល់៥.០០០ដុង/គីឡូក្រាម (ដូច្នេះប្រាក់ចំណាយប្រហាក់ប្រហែល១០០លានដុង/ហិកតា)។ បងស្រីថាច់ធីសាលី នៅភូមិមេរងចាស់ឃុំថាញ់ហ្វាសឺន ស្រុកកូវង៉ាង ឲ្យដឹង៖ “រដូវម្ទេសដើមឆ្នាំ២០១៨ គ្រួសារខ្ញុំជួលដីដាំម្ទេស៥កុង ជាមួយនឹងតម្លៃម្ទេសដូចបច្ចុប្បន្ន (មធ្យមភាគ១២.៥០០ដុង/គីឡូក្រាម) គ្រួសារខ្ញុំបានត្រឹមគ្រប់ទុន។ ចំណែករដូវម្ទេសឆ្នាំ២០១៧ គ្រួសារខ្ញុំចំណេញបានជាង៨លានដុង/កុង”។

រដូវម្ទេសដើមឆ្នាំ២០១៨ នៅឃុំង៉ូវឡាក ស្រុកយ្វៀងហាយ មាមីងបានបង្វែរផ្ទៃដីធ្វើស្រែជិត៨០ហិកតា មកដាំម្ទេស ហើយមានគ្រួសារដាំម្ទេសជិត៤០% បានចងសម្ព័ន្ធខាងច្រកចេញតម្លៃប្រមូលទិញ ពីអាជីវកម្មនានា មានភាពលំនឹងបង្គួរជួយឲ្យកសិករនឹងនរចិត្តផលិតកម្ម កាត់បន្ថយហានិភ័យ។ ក្នុងនាមជាប្រធានក្រុមសហការដាំម្ទេសបងថាច់កើង នៅភូមិពលស្រ័យ ឃុំង៉ូវឡាក ឲ្យដឹង៖ “គ្រួសារដាំម្ទេសជាច្រើន រកច្រកចេញដោយខ្លួនឯង ម្ល៉ោះហើយតម្លៃម្ទេសមិនលំនឹង ពីព្រោះពឹងផ្អែកលើទីផ្សារជាសំខាន់។ អាស្រ័យហេតុនោះ ក្រុមសហការស្នើគណៈកម្មាធិការប្រជាជនឃុំ កសាងទម្រង់ចងសម្ព័ន្ធដើម្បីផលិតផលបានធានាម៉ៅទិញ”។

តាមប្រសាសន៍បងឡេវ៉ាន់ភី អនុប្រធានការិយាល័យកសិកម្ម និងអភិវឌ្ឍជនបទស្រុកកូវង៉ាង តម្លៃម្ទេសចុះថោកមួយចំណែក អាស្រ័យផ្ទៃដីដាំម្ទេសឆ្នាំ២០១៨ កើនឡើងដោយសារតម្លៃម្ទេសឆ្នាំ២០១៧ឡើងខ្ពស់។ ផ្តើមពីនោះ បណ្ដាលឲ្យការផ្គត់ផ្គង់លើសពីតម្រូវការទីផ្សារ។ ចំពោះមុខស្ថានភាពខាងលើ ស្រុកក៏បានឃោសនាចលនាកសិករ មិនគប្បីពង្រីកផ្ទៃដីដាំម្ទេសតាមគ្នានោះឡើយ ខណៈពេលមិនទាន់បានចងសម្ព័ន្ធខាងច្រកចេញរវាងអាជីវកម្មនិងកសិករទេនោះ៕

សឺនម៉ាល័យ-វិមាន

ចែករំលែកអត្ថបទ

ពាក្យគន្លឹះ