គោលនយោបាយ -ការរស់នៅ គោលនយោបាយ

08/05/2018 - 09:45

មាតុភូមិផ្លាស់ថ្មី

នោះគឺជាចំណុចលេចធ្លោដែលជនរួមជាតិខ្មែរនៅខេត្តហូវយ៉ាង សង្កេតឃើញក្រោយរយៈពេលដែលខេត្តផ្ដុំកម្លាំងវិនិយោគទុនអភិវឌ្ឍតំបន់ដែលមានជនរួមជាតិខ្មែររស់នៅកុះករ។

ដងផ្លូវ១៣៥ចុះទៅភូមិ៤ ទីប្រជុំជនបៃង៉ាងស្រុកចូវថាញ់ A ខេត្តហូវយ៉ាង។

ភាពផ្លាស់ថ្មីដែលឃើញច្បាស់បំផុត គឺហេដ្ឋារចនាសម្ព័ន្ធគមនាគមន៍តំបន់មានជនរួមជាតិភាគតិចរស់នៅកុះករ។ លោកត្រឹងវាំុងថែវ អនុប្រធានគណៈជនជាតិខេត្តហូវយ៉ាង ឲ្យដឹង៖ អាស្រ័យមានកម្មវិធី១៣៥ បានជាដងផ្លូវចុះទៅតាមភូមិដែលមានជនរួមជាតិខ្មែររស់នៅកុះករសុទ្ធតែបានចាក់បេតុង និងកៅស៊ូ ម៉ូតូអាចបើកបរងាយស្រួល។ រំលឹកដល់ការកសាងផ្លូវគមនាគមន៍ជនបទ ពូលីវឹងមៀង នៅភូមិ៤ ឃុំហ្វាអាង ស្រុកពុងហ៊ីប មានក្តីរីករាយ ឲ្យដឹង៖ “កាលពីមុន ប្រសិនបើប្តីប្រពន្ធខ្ញុំចង់ដឹកដូងទៅលក់នៅផ្សារកិញគុង គឺលំបាកខ្លាំងណាស់ ត្រូវរងចាំដល់ទឹកជោរឡើង ទើបអាចអូសទូកចុះប្រឡាយទៅបាន។ មកទល់សព្វថ្ងៃ មិនចំពោះតែលក់ផ្លែដូងប៉ុណ្ណោះទេ ប្រសិនបើមានផ្លែប៉េងបោះឬចេកពីរបីស្ទងក្ដីដែលគ្រួសារហូបមិនអស់ ប្តីប្រពន្ធខ្ញុំតែងយកទៅលក់នៅឯផ្សារដើម្បីឆ្លៀតរកប្រាក់បន្ថែម។ អាស្រ័យមានផ្លូវបេតុង ទើបជីវភាពរបស់យើងខ្ញុំមានការប្តូរផ្លាស់យ៉ាងច្រើន”។ ចំណែកបងហ្វិញវាំុងដូយ អនុប្រធានគណៈកម្មាធិការប្រជាជនឃុំសាភៀង ស្រុកឡុងម៉ី មានប្រសាសន៍៖ ឲ្យតែហេដ្ឋារចនាសម្ព័ន្ធមានការរីកចម្រើន គឺជីវភាពប្រជាជនមានភាពឈានឡើង។ មានបន្លែបង្ការត្រីទៅលក់ឯផ្សារក៏មានប្រាក់ចេញប្រាក់ចូលផងដែរ។ សិស្សានុសិស្សទៅរៀនក៏មានភាពងាយស្រួលម្ល៉ោះហើយ កាត់បន្ថយបានស្ថានភាពសិស្សបោះបង់ការសិក្សាកម្រិតប្រជាបញ្ញាទូទាំងសង្គមជាជំហានបានលើកកម្ពស់។ កង់ម៉ូតូ បើកបរទៅមកជាប្រចាំ ទើបមាមីងយកចិត្តទុកដាក់រៀបចំផ្ទះសម្បែង ទីធ្លាជុំវិញផ្ទះកាន់តែមានភាពសមរម្យនិងល្អស្អាត។

អាស្រ័យជួញដូរបានងាយស្រួល ម្ល៉ោះហើយស្ថានភាពកសិករត្រូវឈ្មួញកណ្តាលបញ្ចុះតម្លៃកសិផលលែងមានទៀត។ មានគ្រួសារជាច្រើនបានដាំដើមទៀបពោនជាដើម។ តិចមានលក់នៅនឹងចម្ការនោះទេ ហើយក៏ជ្រើសរើសផ្លែឈើណាឆ្ងាញ់យកទៅលក់ឯផ្សារតែម្តង។ អាស្រ័យហេតុនោះ ប្រាក់ចំណូលពីកសិកម្មកាន់តែច្រើន មាមីងក៏ទិញរបស់របស់ប្រើប្រាស់ក្នុងគ្រួសារកាន់តែច្រើន។ បងលីថាញ់ អ្នកមានប្រជាប្រិយភាពនៅភូមិតឹងក្វើយកិញ ឃុំតឹងប៊ិញ ស្រុកពុងហ៊ីប ឲ្យដឹង៖ “ ក្នុងភូមិខ្ញុំ គ្រួសារណាក៏មានទូរទស្សន៍ ឆ្នាំងបាយអគ្គិសនីដែរ។ មានគ្រួសារខ្លះថែមទាំងទិញចង្រ្កានអគ្គិសនីទៀតផង។ គ្រួសារដែលប្រើប្រាស់ចង្រ្កានអុសមិនមានច្រើនប៉ុន្មានឡេីយ។ និយាយអំពីភាពប្តូរផ្លាស់នៅតំបន់ជនរួមជាតិភាគតិច បងង្វៀនង៉ុកតុង ប្រធានគណៈកម្មាធិការប្រជាជនឃុំតឹងប៊ិញ ឲ្យដឹង៖ “តឹងក្វើយកិញ គឺភូមិដែលមានជនរួមជាតិខ្មែររស់នៅកុះករបំផុតក្នុងឃុំ បានទទួលរបបកម្មវិធី១៣៥គ្រប់សព្វ។ ដងផ្លូវចុះទៅតាមភូមិត្រូវបានចាក់បេតុង ទឹកស្អាត អគ្គិសនី ត្រូវបានតភ្ជាប់ដល់ផ្ទះ។ សាលាមត្តេយ្យបឋមសិក្សាត្រូវបានកសាងយ៉ាងរឹងមាំ សិក្សាដល់កម្រិតមធ្យមសិក្សាមូលដ្ឋាននឹងបានរៀនក្នុងសាលាសម្រេចបទដ្ឋានជាតិ”៕

ហាថាញ់ - សេរី

ចែករំលែកអត្ថបទ

ពាក្យគន្លឹះ