ព្រឹត្តិការណ៍ - នយោបាយ ព្រឹត្តិការណ៍

23/04/2018 - 20:33

បុណ្យបញ្ចុះខណ្ឌសីមា និងសម្ពោធព្រះវិហារ

វត្តសង្វរពោធិញាណ នៅមណ្ឌលទី១២ សង្កាត់ចូវវុាំងលីម ខណ្ឌអូរម៉ូង ក្រុងកឹងធើ ទើបប្រារព្ធធ្វើបុណ្យបញ្ចុះខណ្ឌសីមា និងសម្ពោធព្រះវិហារ។ ព្រះវិហារវត្តសង្វរពោធិញាណ ដោយព្រះឧបជ្ឈាយ៍លីសឹងនិងព្រះតេជគុណលីហ៊ុង ព្រះចៅអធិការវត្តពិទូឃោសរង្សី ជំហរកៀរគរ បវារណា បានមាមីងពុទ្ធបរិស័ទទាំងចតុទ្ទិសចូលរួមវិភាគទាន។ ព្រះវិហារត្រូវបានកសាងថ្មីសរុបថវិកាជាង២ពាន់លានដុង។

ពិធីកាត់ខ្សែបូសម្ពោធព្រះវិហារវត្តសង្វរពោធិញាណ។

ទន្ទឹមនឹងនោះដែរ សមាគមព្រះសង្ឃសាមគ្គីស្នេហាជាតិខេត្តត្រាវិញ រួមជាមួយនឹងគណៈកម្មការវត្តនិគ្រោធកំពង់ក្សាន្តនៅអនុសង្កាត់ទី៨ សង្កាត់ទី៦ ក្រុងត្រាវិញ ខេត្តត្រាវិញ ក៏បានប្រារព្ធធ្វើបុណ្យបញ្ចុះខណ្ឌសីមានិងសម្ពោធព្រះវិហារដែលទើបនឹងកសាងថ្មី។

ព្រះវិហារវត្តនិគ្រោធកំពង់ក្សាន្ត ផ្ដើមកសាងឆ្នាំ២០១៤ បណ្ដោយប្រវែង៣៤,៥ម៉ែត្រ ទទឹង១៧,៥ម៉ែត្រ កម្ពស់៣៩ម៉ែត្រ សរុបថវិកាកសាងជាង៦,៥ពាន់លានដុង អាស្រ័យមាមីងពុទ្ធបរិស័ទខ្មែរ-វៀត-ចិន ចូលរួមវិភាគទាន។ ក្រៅពីសម្ពោធព្រះវិហារនៅមានសមណកុដិ បង្គោលទង់និងសំណង់ផ្សេងៗ បង្កសោភណភាពដល់វត្តអារាមបម្រើតាមតម្រូវការសកម្មភាពវប្បធម៌ជំនឿរបស់ជនរួមជាតិខ្មែរក្នុងចំណុះជើងវត្ត៕

ថាញ់ភូ-ម៉ាល័យ-ទីទុយ

ចែករំលែកអត្ថបទ

ពាក្យគន្លឹះ