មហាសាមគ្គីជនជាតិ គំរូក្នុងសហគមន៍

30/08/2017 - 14:17

ចាកផុតពីភាពក្រីក្រ ដោយមានទិសដៅរកស៊ីសមស្រប

នោះគឺដំណើររឿងរបស់បងដាវមិញទ្រី នៅភូមិដិញខាញ់B ឃុំដិញម៉ូង ស្រុកថើយឡាយ ក្រុងកឹងធើ បានចាកផុតពីភាពក្រីក្រ ដោយការចិញ្ចឹមសត្វសម្រេចប្រសិទ្ធភាព ធ្វើជាគំរូឲ្យយុវជនក្នុងភូមិភាគ។

បងដាវមិញទ្រីជាបុគ្គលគំរូក្នុងការរៀនសូត្រនិងធ្វើតាមគំរូអ៊ំថ្នាក់ក្រុង។

កាលពីមុន គ្រួសារបងដាវមិញទ្រី ជាគ្រួសារក្រីក្រជាងគេក្នុងចំណោមគ្រួសារក្រីក្រទាំងអស់របស់ឃុំដិញម៉ូង។ ខណៈពេលចេញនៅដោយឡែក បងទ្រីគ្រាន់តែបានឪពុកម្តាយចែកឲ្យដីធារផ្ទះ ដោយសារគ្មានដីផលិតកម្ម បានជាជីវភាពចេះតែខ្វះមុខខ្វះក្រោយ។ ប្តីប្រពន្ធបងទ្រីដឹងតែពីការស៊ីឈ្នួលគេប៉ុណ្ណោះ។ ឆ្នាំ២០១២ ភូមិភាគមានកម្មវិធីជំនួយបុលទុនសម្រាប់ជនជាតិភាគតិចអភិវឌ្ឍសេដ្ឋកិច្ច បងទ្រីត្រូវបានជំនួយបុលទុន៥លានដុង។ បងដាវមិញទ្រី រំលឹកឡើងវិញ៖ “ទឹកប្រាក់៥លានដុងកាលណោះសម្រាប់ខ្ញុំវាធំណាស់ប្រសិនបើរកស៊ីគ្មានប្រសិទ្ធភាពទេ គ្រួសារខ្ញុំរឹតតែលំបាកថែមទៀត។ យល់ឃើញដូច្នោះ ខ្ញុំក៏សម្រេចចិត្តចិញ្ចឹមគោបន្តពូជ ពីព្រោះការចិញ្ចឹមគោមិនសូវត្រូវការផ្ទៃដីច្រើនហើយថែមទាំងងាយស្រួលរកចំណីទៀតផង”។

ជ្រើសបានសត្វចិញ្ចឹមសមស្រប បងទ្រីក៏ចុះឈ្មោះចូលរៀនវគ្គចិញ្ចឹមសត្វកម្រិតបឋម។ អាស្រ័យមានស្មារតីរៀនសូត្របទពិសោធន៍ បានជាបងទ្រីក៏បញ្ចប់វគ្គសិក្សាយ៉ាងល្អប្រសើរ។ ឆ្លងកាត់ការចិញ្ចឹមសត្វរយៈពេល៥ឆ្នាំមក ហ្វូងគោរបស់បងទ្រីធាត់ធំល្អនិងកើតកូនបានស្មើ។ រហូតទល់សព្វថ្ងៃ ផ្ដើមពីគោដែលជំនួយ១ក្បាលដំបូង បងទ្រីក៏បានលក់គោអស់ជាច្រើនលើក។ ក្នុងក្រោលពេលណាក៏មានគោបន្តពូជពី៧ដល់៨ក្បាលដែរ។ បងទ្រីសំណេះសំណាល៖ “គ្រានៅរៀនវគ្គចិញ្ចឹមសត្វកម្រិតបឋម លោកគ្រូអ្នកគ្រូច្រើនតែនិយាយអំពីដំណើររឿងអ៊ំហូ បង្រៀនជនរួមជាតិធ្វើកសិកម្ម៖ មានភាពសាមញ្ញនិងងាយស្រួលអនុវត្តណាស់ឲ្យតែជ្រើសត្រូវចំពូជដំណាំ សត្វចិញ្ចឹម ហើយចាប់ផ្ដើមផលិត ចិញ្ចឹមត្រូវតាមរដូវកាលនិងគួបផ្សំនឹងបទពិសោធន៍ប្រជាប្រិយរួមជាមួយនឹងវិទ្យាសាស្រ្តបច្ចេកទេសផងនោះ មុខជានាំមកភាពជោគជ័យជាពុំខាន”។ ទោះបីគ្រួសារចាកផុតពីភាពក្រីក្រ ចាប់ផ្ដើមមានទ្រព្យ សម្បត្តិសេសសល់ខ្លះៗក៏ពិតមែន ប៉ុន្តែបងទ្រីនៅតែខ្នះខ្នែងរៀនសូត្រតាមគំរូអ៊ំជានិច្ច។ បងទ្រីមិនសង់ផ្ទះថ្មីឡើយ គឺគ្រាន់តែទិញរបស់របរគ្រប់ប្រើប្រាស់ប៉ុណ្ណោះ។ រៀងរាល់ថ្ងៃ ខណៈពេលទៅរកកាត់ស្មៅប្របតាមព្រែក ប្រឡាយ ពីរនាក់ប្តីប្រពន្ធបងទ្រី តែងឆ្លៀតដាក់លាន់ចាប់អន្ទង់ ដើម្បីរកប្រាក់ចំណូលបន្ថែមសម្រាប់ផ្គត់ផ្គង់ជីវភាពគ្រួសារ។

លោកង្វៀនវុាំងធឿ អនុប្រធានគណៈកម្មាធិការប្រជាជនឃុំដិញម៉ូង អះអាង៖ “ក្នុងលើកជំនួយបុលទុនឆ្នាំ២០១២ គ្រួសារបងទ្រីគឺជាគ្រួសារប្រើប្រាស់ដើមទុនប្រកបដោយប្រសិទ្ធភាពបំផុត។ បងទ្រីជាបុគ្គលគំរូក្នុងការរៀនសូត្រនិងធ្វើតាមគំរូសតិអារម្មណ៍សីលធម៌ឥរិយាបថហូជីមិញ ថ្នាក់ក្រុងនៅស្រុកថើយឡាយ”៕

ថាញ់ភូ - សេរី

ចែករំលែកអត្ថបទ

ពាក្យគន្លឹះ