គោលនយោបាយ -ការរស់នៅ ការរស់នៅ

16/08/2016 - 09:05

ភាពផ្លាស់ថ្មីនៅឃុំតំបន់ជនជាតិខ្មែរ

ឆ្លងរយៈពេល៥ឆ្នាំអនុវត្តកម្មវិធីទិសដៅជាតិ ស្ដីពីកសាងជនបទថ្មី ឃុំបាងថាច់ ស្រុកយ៉ុងរៀង (កៀងយ៉ាង) មានការផ្លាស់ថ្មីយ៉ាងច្រើន។ ផ្លូវជនបទមានការបើកទូលាយ ជីវភាពរបស់ប្រជាជនពីមួយថ្ងៃទៅមួយថ្ងៃកាន់តែបានលើកស្ទួយ; អត្រាគ្រួសារក្រីក្រថយចុះបង្គួរ។

កសិករឃុំបាងថាច់ចាកផុតពីភាពក្រីក្រដោយការដាំដំណាំ។

បាងថាច់ជាឃុំមានជនរួមជាតិខ្មែររស់នៅកុះករ ស្រូបអត្រាជិត៦០%នៃចំនួនប្រជាជនទូទាំងឃុំ ហើយជាឃុំឋិតក្នុងកម្មវិធី១៣៥របស់នាយករដ្ឋមន្រ្តីនៃរដ្ឋាភិបាល។ ឆ្លងរយៈពេល៥ឆ្នាំអនុវត្តការចលនាកសាងជនបទថ្មី ឃុំបាងថាច់ មានការផ្លាស់ថ្មីយ៉ាងច្បាស់ក្រឡែត។ ក្នុងនោះ គួរឲ្យកត់សម្គាល់បំផុតគឺចលនាកសាងផ្លូវជនបទ។ ជាមួយគោលលំនាំ "រដ្ឋនិងប្រជាជនរួមគ្នាធ្វើ" ក្នុងរយៈពេល៥ឆ្នាំកន្លង ព្រមជាមួយនឹងការវិនិយោគទុនរបស់រដ្ឋ ឃុំបានចលនាប្រជាជនវិនិយោគទុនកសាងសម្រេចដងផ្លូវ ឃុំភ្ជាប់ឃុំសរុប១១គីឡូម៉ែត្រនិងកសាងថ្មីដងផ្លូវតាមភូមិស្រុក ភ្ជាប់ពីភូមិមួយទៅភូមិមួយសរុបជាង៣៥គីឡូម៉ែត្រ ដើម្បីធានាងាយស្រួលធ្វើដំណើរខួបប្រាំងវស្សា។

តាមប្រសាសន៍របស់លោកត្រឹងវុាំងញ៉ី អនុប្រធានគណៈកម្មាធិការប្រជាជនឃុំបាងថាច់៖ ខណៈពេលទទួលរបបគោលនយោបាយរបស់រដ្ឋាភិបាល គណៈកម្មាធិការបក្ស បានចង្អុលការគណៈកម្មាធិការប្រជាជន ឃុំចេញសេចក្ដីសម្រេចបង្កើតគណៈចង្អុលការត្រួតពិនិត្យកម្មវិធីនិងផ្សព្វផ្សាយជូនអង្គការមហាជនឃុំ ភូមិនិងប្រជាជន។ ឆ្លងតាមរយៈនោះ ត្រូវបានប្រជាជនឯកភាពគាំទ្រ ពិសេសគឺកម្មវិធី១៣៤,១៣៥។ល។ ព្រមទាំងកម្មវិធីឯទៀតរបស់រដ្ឋាភិបាល គឺជាគោលការណ៍ដ៏សមស្រប ស្រុះចិត្តប្រជាជន។ បង្ហាញឲ្យឃើញការយកចិត្តទុកដាក់របស់បក្ស រដ្ឋ ចំពោះភូមិភាគទាំងឡាយដែលនៅមានការលំបាកច្រើន ពិសេសគឺភូមិភាគដែលមានជនរួមជាតិខ្មែររស់នៅកុះករ មានដូចឃុំបាងថាច់ជាដើម។ យោងលើគោលនយោបាយនេះនិងផ្សំជាមួយនឹងការអនុវត្តន៍ចលនាកសាងជនបទថ្មីផង បានដាស់ស្មារតីភ្ញាក់រលឹករបស់ប្រជាជន បង្កបានភាពជឿជាក់អំពីសំណាក់ប្រជាជនចំពោះបក្ស រដ្ឋ។ អាស្រ័យហេតុដូច្នោះ រហូតមកទល់សព្វថ្ងៃចំនួនគ្រួសារប្រជាជនក្នុងឃុំដែលមានមធ្យោបាយធ្វើដំណើរ មើល ស្តាប់ស្រូបអត្រា៩៦%; ប្រើប្រាស់អគ្គិសនី ទឹកស្អាតស្របអនាម័យស្រូបអត្រាជាង៩០%គ្រួសារ។ ឆ្លងតាមរយៈនោះ បង្កើនកម្រិតចំណូលរបស់ប្រជាជនចាប់ពី១១,២លានដុងឆ្នាំ២០ ១០ឡើងជិត៣០លានដុង/នាក់/ឆ្នាំ។ អត្រាគ្រួសារក្រីក្រឆ្នាំ២០១០ពីត្រឹម១៨,៣៨% មកទល់សព្វថ្ងៃថយចុះនៅជាង៨%។

តាមប្រសាសន៍របស់លោកយ័ញកឿង នៅភូមិឡាងស៊ាង ឃុំបាងថាច់ ពីមុននេះ ផ្លូវថ្នល់ភក់ល្បាប់កូនចៅទៅរៀនពិបាកធ្វើដំណើរណាស់ ឥឡូវដងផ្លូវត្រូវបានចាក់កៅស៊ូរួចរាល់ រថយន្តអាចបើកបរចុះដល់កន្លែងម្ល៉ោះហើយបង្កលក្ខណៈឲ្យកូនចៅទៅរៀនសូត្របានងាយស្រួល។ ព្រមជាមួយនោះ នៅថែមទាំងបង្កលក្ខណៈងាយស្រួលជូនមាមីង ដោះដូរទំនិញ ប្រកបការងាររកស៊ី ជួយប្រជាជនចាកផុតពីភាពក្រីក្រ ឈានឡើងធូរធារជាបណ្តើរៗ។ រីឯលោកយ័ញទី នៅភូមិកីត្រូម ឲ្យដឹង៖ កាលពីមុនគាត់មានដី២.០០០ម២ផងដែរ ប៉ុន្តែទុកចោលទំនេរ ហើយវបែរទៅធ្វើការឈ្នួលចិញ្ចឹមជីវិត។ ក្រោយពីអនុវត្តចលនាកសាងជនបទថ្មី រួចបានកម្មាភិបាលមកណែនាំនូវរបៀបដាំបន្លែបង្ការ។ រហូតមកទល់សព្វថ្ងៃដីរបស់គ្រួសារលោកយ័ញទី ដាំបានបន្លែគ្រប់ប្រភេទ មានដូច៖ ត្រសក់អន្លក់ ម្រះ ស្ពៃ សាឡាត ជីនាងវងជាដើម រកចំណូលជុំឆ្នាំនិងចាកផុតពីភាពក្រីក្រ៕

ឡេស៊ាង- សេរី

ចែករំលែកអត្ថបទ

ពាក្យគន្លឹះ