មហាសាមគ្គីជនជាតិ គំរូក្នុងសហគមន៍

15/03/2016 - 08:26

យកចិត្តទុកដាក់គិតគូរជូនគ្រួសារក្រីក្រ

បងសើុងដឿង លេខាសាខាបក្សនឹងជាប្រធានភូមិត្រាបូង ឃុំចូវដៀង ស្រុកកូវកែ ខេត្តត្រាវិញ តែងអស់ពីចិត្តគិតគូរជីវភាពរជូនជនរួមជាតិ។

លោកសើុងដឿងកំពុងទទួលប្រជាជនដែលទំនាកទំនងការងារ។

ជាបក្ខជនវ័យក្មេង អស់រយៈពេល៥ឆ្នាំបំពេញការងារនៅភូមិភាគ បងសើុងដឿង បានបង្កលក្ខណៈជូនគ្រួសារក្រីក្រឲ្យបុលទុនធ្វើការរកស៊ី ឧបត្ថម្ភពូជដំណាំ សត្វចិញ្ចឹម បង្រៀនរបរឧទ្ទេសនាមការងារធ្វើ។ល។ បានជួយមាមីងចាកផុតពីភាពក្រីក្រជាបណ្ណើរៗ ឈានឡើងធូរធារ ហេតុដូច្នោះ បានជាមាមីងជំនឿទុកចិត្តស្រឡាញ់រាប់អាន។ ភូមិត្រាបូង មានប្រជាជនចំនួន៤៧៥គ្រួសារ ក្នុងនោះ មានជនជាតិកិញ៤៣គ្រួសារជនជាតិខ្មែរ៤៣២គ្រួសារ ភាគច្រើនជីវភាពនៅជួបការលំបាក។ ធំដឹងក្តីនៅភូមិត្រាបូង ដូច្នោះបងតែងយល់ច្បាស់ពីស្ថានភាពគ្រួសារនីមួយៗ នៅភូមិកំណើតរបស់ខ្លួន។ បងសើុងដឿង ឲ្យដឹងៈ" អាស្រ័យខ្វះដី ផលិតកម្មខ្វះទុនមិនយល់ច្បាស់វិទ្យាសាស្រ្តបច្ចេកទេសសម្រាប់អនុវត្តក្នុងការផលិត ដូច្នេះទើបជីវភាពរបស់មាមីងខ្មែរនៅជួបការលំបាក។ ហេតុនោះ យើងត្រូវជួយមាមីងមានទុនដាំដុះ ចិញ្ចឹមសត្វ មានការងារធ្វើដើម្បីមាមីងមានប្រាក់ចំណូលនោះ ទើបបានចាកផុតពីភាពក្រីក្រ ដោយចីរភាព"។ ព្រោះហេតុនោះ ពេលមាមីងជំនឿទុកចិត្តបោះឆ្នោតធ្វើ ជាប្រធានភូមិបងបានទៅពិនិត្យស្ថានភាពគ្រួសារក្រីក្រនីមួយៗនិងស្វែងយល់មតិបំណងរបស់ប្រជាជនក្នុងភូមិ។ ក្រោយមកបងបង្កើតបញ្ជីរាយនាមគ្រួសារក្រីក្រ លើកជូនគណៈកម្មាធិការប្រជាជនឃុំ ដើម្បីឧបត្ថម្ភបានបុលទុនហើយបើកវគ្គហ្វឹកហ្វឺនបច្ចេកទេសដាំដុះ ចិញ្ចឹមសត្វ។ល។ ជូនមាមីង។ ក្រៅពីនោះ បងនៅទាំងចលនាប្រជាជន១៧០រូប ចូលរួមសមាគមកសិករ សមាគមកាកបាទក្រហម សមាគមនារី សម្ព័ន្ធយុវជននិងសមាគមមនុស្សវ័យចំណាស់របស់ភូមិ ដើម្បីទាក់ទាញអង្គការមហាជនឧបត្ថម្ភអភិវឌ្ឍសេដ្ឋកិច្ចគ្រួសារ។ ពូថាច់សាង ប្រធានសមាគមមនុស្សវ័យចំណាស់របស់ភូមិត្រាបូង ឲ្យដឹង៖" គ្រួសារខ្ញុំ មានតែចំការក្រូច២កុង។ ពេលក្រូចកើតជំងឺគ្មានផ្លែគ្រួសារខ្ញុំពឹងតែលើការស៊ីឈ្នួល។ ចាប់ពីបានពូដឿង ជួយស្នើរដ្ឋឧបត្ថម្ភឲ្យបុលទុនបាន១០លានដុង ខ្ញុំទិញបានគោមួយក្បាលនិងរៀបចំដីចំការឡើងវិញ ដើម្បីដាំបន្លែបង្ការ ដូច៖ ម្រះ ត្រសក់ ត្រប។ល។ ដូច្នោះ ទើបគ្រួសារខ្ញុំមានប្រាក់ចំណូលលំនឹង និងបានធូរធារជាងមុន"។

ផ្សំជាមួយនឹងគោលនយោបាយឧបត្ថម្ភជូនជនរួមជាតិខ្មែរ របស់រដ្ឋាភិបាល៣ឆ្នាំកន្លង ភូមិត្រាបូងមានគ្រួសារចាកផុតពីភាពក្រីក្រចំនួន៧៣។ លោកថាច់ថន លេខាបក្សឃុំចូវដៀង វាយតម្លៃ៖" សមមិត្តសើុងដឿង ជាលេខាសាខាបក្សភូមិត្រាបូង តែងសកម្មក្នុងការងារគ្រួសារនិងសង្គម ព្រមទាំងសម្រេចភារកិច្ចបានល្អ។ មិនត្រឹមតែជួយមាមីងក្នុងភូមិចេះ របៀបរកស៊ីអភិវឌ្ឍសេដ្ឋកិច្ច បច្ចុប្បន្ន គ្រួសារសមមិត្តជាគ្រួសារគំរូនិងជាអ្នកមានប្រជាប្រិយភាពក្នុងភូមិ។ ថ្មីៗនេះគ្រួសារសមមិត្តបានបរិច្ចាគដី៧០០ម៉ែត្រការ៉េ សម្រាប់ធ្វើទីស្នាក់ការនៃគណៈកម្មការប្រជាជនភូមិត្រាបូង"៕

សើុងម៉ាល័យៈ សុផល

ចែករំលែកអត្ថបទ

ពាក្យគន្លឹះ