មហាសាមគ្គីជនជាតិ ភូមិស្រុកផ្លាស់ថ្មី

12/10/2016 - 09:00

បេ្តជ្ញាចិត្តកសាងជនបទថ្មី

ឆ្លងតាមការអនុវត្តន៍កម្មវិធីទិសដៅជាតិកសាងជនបទថ្មី ឃុំលឿងហ្វា A ស្រុកចូវថាញ់ ខេត្តត្រាវិញ អនុវត្តសម្រេចបាន១៥/១៩ លក្ខឋាន។ ផ្តើមពីនោះ ជីវភាពប្រជាជនពីមួយថ្ងៃទៅមួយថ្ងៃត្រូវបានលើកស្ទួយ ធ្វើឲ្យតំបន់ជនបទលឿងហ្វា មានភាពផ្លាស់ថ្មីជាលំដាប់។

មាមីងកំពុងលើកដីទប់ចិញ្ចើមផ្លូវដាននៅលឿងហ្វា A ។

តាមប្រសាសន៍លោកត្រឹងមិញទៀង អនុប្រធានគណៈកម្មាធិការប្រជា ជនឃុំលឿងហ្វា A ឲ្យដឹង៖ លឿងហ្វា A ជាឃុំក្រមានជនជាតិខ្មែររស់ នៅជាង៧២%នៃចំនួនប្រជាជនក្នុងទូទាំងឃុំ ម៉្លោះហើយបានទទួល ផលពីគោលនយោបាយអនុគ្រោះពិសេសជាច្រើនរបស់រដ្ឋ។ ហេតុ ដូច្នោះ ផ្នែកហេដ្ឋារចនាសម្ព័ន្ធរបស់ឃុំលឿងហ្វាA មានភាពលំនឹងមុន នឹងអនុវត្តកម្មវិធីទិសដៅជាតិកសាងជនបទថ្មី។ ផ្តើមពីប្រភពទុន កសាងជនបទថ្មី ហេដ្ឋារចនាសម្ព័ន្ធ ផ្លូវគមនាគមន៍ជនបទធារាសាស្រ្ត ត្រូវបានវិនិយោគទុនកសាងបើកទូលាយ បង្កលក្ខណៈងាយស្រួលជូនប្រជាជនបង្កបង្កើនផល។ ប្រព័ន្ធផ្សារជនបទ គ្រឹះស្ថានវប្បធម៌។ល។ ត្រូវបានវិនិយោគទុនកសាងធានាបានល្អរាល់សកម្មភាព ប្រជុំជីវកិច្ចវប្បធម៌របស់ប្រជាជន។ បច្ចុប្បន្ន ឃុំអនុវត្តលក្ខឋានពុំទាន់សម្រេចនៅចំនួន៤ នោះគឺលក្ខឋានគ្រួសារក្រីក្រ អគារសិក្សា ផ្លូវគមនាគមន៍និងផ្ទះនៅ។

រយៈពេលកន្លង ឃុំបានឆ្លៀតយកប្រភពទុនពីគម្រោងនិងកម្មវិធីនានា ដើម្បីពិនិត្យឧបត្ថម្ភគ្រួសារប្រជាជន អនុវត្តបង្វែររចនាសម្ព័ន្ធផ្ទៃដីផលិត កម្មចំនួន៤៣,៥ហិកតា។ រក្សាទម្រង់រូបភាពសេដ្ឋកិច្ចដែលនាំមកប្រ សិទ្ធភាព ដូច៖ ទម្រង់រូបភាពវាលស្រែគំរូធំ ជាមួយនឹងផ្ទៃដីអនុវត្តចំនួន២៥៥ហិកតា ផលិតស្រូវពូជនៅភូមិដាយទែន ទម្រង់រូបភាពផលិតស្រូវគុណភាពខ្ពស់ ទម្រង់រូបភាពដាំដំណាំលើវាលស្រែ ទម្រង់រូបភាពចិញ្ចឹមជ្រូក ចិញ្ចឹមគោបន្ធាត់បន្ធំ គោកើតបន្តពូជ ទម្រង់រូបភាពចិញ្ចឹមត្រីផ្ទក់ប្រពលវប្បកម្ម។ល។ ទម្រង់រូបភាពទាំងអស់នេះ នាំមកនូវប្រាក់ចំណូលលើស២-៣ដង បើប្រៀបធៀបជាមួយនឹងការផលិតតាមបែបប្រពៃណី។ ឃុំក៏បានជំនួយបង្កើតក្រុមសហករណ៍ផលិតកសិកម្ម និងពាណិជ្ជកម្ម-សេវាកម្ម។ មកទល់នឹងបច្ចុប្បន្ន ទូទាំងឃុំមានក្រុមសហករណ៍ផលិតកសិកម្មចំនួន៥៦ក្រុម សហការចិញ្ចឹមគោបន្ធាត់បន្ធំ ចិញ្ចឹមត្រីផ្ទក់ប្រពលវប្បកម្ម និងសហការដាំពោតបង្កាត់ចំនួន៥ហិកតា។ល។ រួមចំណែកបង្កើនប្រាក់ចំណូលជូនគ្រួសារប្រជាជន។ គណៈកម្មាធិការប្រជាជនឃុំនឹងបន្តការពង្រឹងពង្រីកក្រុមសហការផលិតស្រូវចំនួន៧ក្រុម បង្កើតថ្មីក្រុមសហការចិញ្ចឹមគោចំនួន៧ក្រុម សកម្មភាពបង្អែកលើស្មារតីនៃសេចក្តីសម្រេចលេខ១៥១របស់រដ្ឋមន្រ្តីសម្រេច១០០%។ ទន្ទឹមនឹងនោះ នៅឆ្នាំ២០១៦ ភូមិនានាធ្វើការពិនិត្យជម្រើសគ្រួសារចុះឈ្មោះបំ បាត់ភាពក្រីក្រចំនួន៦៧គ្រួសារ គ្រួសារជិតក្រចំនួន៧១គ្រួសារ។

ឆ្នាំ២០១៦ ក្នុងឃុំមានគ្រួសារប្រជាជនចាកផុតពីភាពក្រីក្រ១២៩/៣៣៥។ ចំណូលមធ្យមភាគលើមនុស្សម្នាក់ៗរបស់ឃុំនៅឆ្នាំ២០១៦ សម្រេចជាង៣០,១៤លានដុង/ឆ្នាំ។ ពូគឹមស្វឹង អ្នកជំហរចលនាមាមីងរួមវិភាគទានប្រាក់កម្លាំងពលកម្ម ដើម្បីកសាងផ្លូវក្រាលដាននៅភូមិសម្តេច ឲ្យដឹង៖ "កសាងជនបទថ្មី ធ្វើឲ្យមុខមាត់ជនបទកាន់តែមានភាពសមរម្យ ម៉្លោះហើយប្រជាជនគាំទ្រពេញទំហឹង តាំងពីការកសាងផ្លូវរហូតដល់ការធ្វើសេដ្ឋកិច្ច។ល។ ខិតខំអនុវត្តជំរុញឲ្យឃុំសម្រេចបទដ្ឋានជនបទថ្មីនៅឆ្នាំ២០២០"៕

ស៊ឺនម៉ាល័យ-មុនី

ចែករំលែកអត្ថបទ

ពាក្យគន្លឹះ