ព្រឹត្តិការណ៍ - នយោបាយ ព្រឹត្តិការណ៍

18/11/2014 - 08:54

៤០ឆ្នាំសមាគមមិត្តភាពវៀតណាម-កម្ពុជាៈ មេរៀននិងបទពិសោធន៍

ស្របនឹងឱកាសខួបអនុស្សាវរីយ៍៦១ឆ្នាំទិវាបុណ្យជាតិ នៃព្រះរាជាណាចក្រកម្ពុជា (ថ្ងៃទី៩ ខែវិច្ឆិកា ឆ្នាំ១៩៥៣-ថ្ងៃទី៩ ខែវិច្ឆិកា ឆ្នាំ២០១៤) និងឈានដល់មហាសន្និបាតតំណាងទូទាំងប្រទេស លើកទី៤នៃសមាគមមិត្តភាពវៀតណាម-កម្ពុជា កន្លងហើយនៅរដ្ឋធានីហាណូយ សមាគមមិត្តភាពវៀតណាម-កម្ពុជា បានរៀបចំសិក្ខាសាលា" ៤០ឆ្នាំ សមាគមមិត្តភាពវៀតណាម-កម្ពុជាៈ មេរៀននិងបទពិសោធន៍" ។

ប្រធានសមាគមមិត្តភាពវៀតណាម-កម្ពុជា លោកវូ៉ ម៉ៅ ថ្លែងការណ៍ក្នុងអង្គសិក្ខាសាលា។

ថ្លែងយោបល់បើកសិក្ខាសាលា ប្រធានសមាគមមិត្តភាពវៀតណាម-កម្ពុជា លោកវ៉ូម៉ៅ បានផ្ញើនូវវាចាអបអរសាទរចំពោះលោកស្រី ផែន សាវី ទីប្រឹក្សាឯកអគ្គរាជទូត និងបណ្តាមិត្តកម្ពុជានូវសព្ទសារធុការពរដ៏កក់ ក្ដៅបំផុតក្នុងឱកាសទិវាបុណ្យជាតិនៃព្រះរាជាណាចក្រកម្ពុជា និងសំដែងនូវការត្រេកអរចំពោះសមិទ្ធិផលដែលប្រជាជន នៃព្រះរាជាណាចក្រកម្ពុជាសម្រេចបានក្នុងការកសាង និងអភិវឌ្ឍប្រទេសជាតិ លោកប្រធានសមាគមមិត្តភាពវៀតណាម-កម្ពុជា វ៉ូមៅ៉បានជូនពរដោយស្មោះ អស់ពីចិត្តចំពោះប្រជាជនកម្ពុជា សូមឲ្យប្រជាជនកម្ពុជាសម្រេចបាននូវសមិទ្ធិផលថ្មីៗ និងធំៗថែមទៀតជាបន្តក្នុងបណ្តាឆ្នាំខាងមុខនិងសូមជូនពរដល់ទំនាក់ទំនងមិត្តភាព និងសហប្រតិបត្តិការវៀតណាម-កម្ពុជា ពីមួយថ្ងៃទៅមួយថ្ងៃកាន់តែរឹងមាំនិងរីកចម្រើន។

ប្រធានសមាគមមិត្តភាពវៀតណាម-កម្ពុជា លោកវ៉ូម៉ៅបានគូសបញ្ជាក់ ៖ សមាគមមិត្តភាពវៀតណាម-កម្ពុជា បានបង្កើតនៅថ្ងៃ២២ ខែមករា ឆ្នាំ១៩៧៥។ ឆ្ពោះទៅកាន់ទិសដៅខួបអនុស្សាវរីយ៍៤០ឆ្នាំ បង្កើតសមាគម សិក្ខាសាលា "៤០ឆ្នាំសមាគមមិត្តភាពវៀតណាម-កម្ពុជាៈ មេរៀននិងបទពិសោធន៍" គឺសំដៅបូកសរុបបណ្តាសមិទ្ធផលដែលសម្រេចបាន និងដកស្រង់នូវបណ្តាមេរៀនបទពិសោធន៍ក្នុងសកម្មភាពរបស់សមាគមតាំងពីចាប់ផ្ដើមដំណើរការរៀងរហូតមក។

ថ្លែងយោបល់ក្នុងសិក្ខាសាលា លោកប្រធានសហព័ន្ធបណ្តាអង្គការ មិត្តភាពវៀតណាមវ៉ូស្វឹងហ៊ុងបានវាយតម្លៃខ្ពស់និងលើកសរសើរចំពោះ បណ្តាស្នាដៃដែលសមាគមមិត្តភាពវៀតណាម-កម្ពុជាសម្រេចបាន ។ បណ្តាសកម្មភាពទាំងនោះ បានរួមចំណែកពង្រឹងពង្រីកនិងអភិវឌ្ឍចំណងមិត្តភាពប្រវេណីរវាងប្រជាជនទាំងពីរប្រទេស។

ប្រធានសហព័ន្ធបណ្តាអង្គការមិត្តភាពវៀតណាម លោកវ៉ូស្វឹងហ៊ុង បានលើកឡើងថា ឆ្លងតាមរយៈសិក្ខាសាលាលើកនេះ តំណាងទាំង ឡាយបានចូលរួមពិភាក្សាប្ដូរយោបល់ សំដៅលើកកម្ពស់ប្រសិទ្ធភាព សកម្មភាព ព្រមទាំងមានយោបល់ស្នើស្ថាប័នពាក់ព័ន្ធ រួមចំណែកជំរុញយ៉ាងខ្លាំងក្លានូវទំនាក់ទំនងមិត្តភាពប្រវេណី និងសហប្រតិបត្តិការលើគ្រប់វិស័យរវាងវៀតណាមនិងកម្ពុជា។ ទន្ទឹមនឹងនោះ ឆ្លងតាមរយៈ សិក្ខាសាលាលើកនេះដែរ នឹងដកស្រង់បាននូវបណ្តាវិធីអនុវត្តបណ្ដាបទពិសោធន៍ល្អៗ និងបណ្ដាប្រសិទ្ធភាពជាក់ស្ដែងជាច្រើន។ ព្រមជា មួយនោះថែមទាំងបានឃើញច្បាស់នូវប្រការខ្វះខាត ខុសឆ្គងដែលគប្បី ដកស្រង់ធ្វើជាបទពិសោធន៍ក្នុងសកម្មភាពជាក់ស្ដែង ដើម្បីជម្នះនូវការលំបាក សំដៅលើកកម្ពស់ប្រសិទ្ធភាពសកម្មភាពនៃមិត្តភាព និងសហប្រតិបត្តិការរវាងវៀតណាម-កម្ពុជា។

សំដែងនូវក្ដីសោមស្សរីករាយ ខណៈពេលចូលរួមសិក្ខាសាលា ស្របឱកាសខួបអនុស្សាវរីយ៍៦១ ឆ្នាំទិវាបុណ្យជាតិនៃព្រះរាជាណាចក្រកម្ពុជា ជំនួសរាជរដ្ឋាភិបាល និងប្រជាជនកម្ពុជា លោកស្រីផែនសាវីបានសំដែងនូវការដឹងគុណយ៉ាងជ្រាលជ្រៅចំពោះបក្ស រដ្ឋ និងប្រជាជនវៀតណាម ដែលបានជួយរំដោះប្រទេសកម្ពុជា ឲ្យរួចផុតពីរបបខ្មែរក្រហម ប្រល័យពូជសាសន៍ ហើយតែងតែជួយបង្កលក្ខណៈងាយស្រួលក្នុងការបណ្តុះបណ្តាល និងពង្រីកប្រភពធនធានមនុស្សជូនប្រទេសកម្ពុជាចាប់ ពីឆ្នាំ១៩៨៥រហូតមក។ បណ្តានិស្សិតកម្ពុជា ក្រោយពីវិលត្រឡប់មកប្រទេស បានរួមកម្លាំងជាមួយនឹងរាជរដ្ឋាភិបាលកសាង និងអភិវឌ្ឍប្រទេសកម្ពុជា បច្ចុប្បន្ននិងឈានដល់ទិសដៅធ្វើសមាហរណកម្មនាឆ្នាំ២០១៥ យោងតាមលក្ខឋាន "ASEAN: សហគមន៍តែមួយវាសនាតែមួយ"។ ក្នុងអង្គសិក្ខាសាលា បណ្តាតំណាងបានផ្ដុំកម្លាំងពិភាក្សាជុំវិញបញ្ហា ស្ដីពីសកម្មភាពរបស់សមាគមនិយាយរួម និងរបស់បណ្តាភូមិភាគនិយាយដោយឡែក ក្នុងរយៈពេលជិត៤០ឆ្នាំកន្លង។ ក្នុងនោះ រួមមាន បណ្តាសកម្មភាពនៅពេលជិតៗ នេះគឺត្រូវបានអនុវត្តតាមទិសដៅប្រសិទ្ធភាពជាក់ស្ដែង តួយ៉ាងដូចជា៖ ចលនាជំនួយសង្រ្គោះប្រជាជន កម្ពុជា រងគ្រោះដោយសារព្យុះ ទឹកជំនន់។ ពិនិត្យជំងឺនិងផ្ដល់ថ្នាំដល់អ្នកជំងឺក្រីក្រ។ រៀបចំទម្រង់រូបភាព ឧបត្ថម្ភសិស្សនិស្សិតកម្ពុជា ដែលកំពុងរៀនសូត្រនៅប្រទេសវៀតណាម។ល។ ៕

ហ្វាងធីហ្វា (ទីភ្នាក់ងារសារព័ត៌មានវៀតណាម) -បកប្រែៈ ថាច់សេរី

ចែករំលែកអត្ថបទ

ពាក្យគន្លឹះ