សន្តិសុខ - ការពារប្រទេស សន្តិសុខ

20/10/2015 - 15:36

ទង្វើល្អរីកសាយភាយ

មាឌតូច អាយុជាង៦០ឆ្នាំ គ្មានអ្នកណាស្មានថា លោកអ៊ំដងវុាំងខាញ់ ស្នាក់នៅអនុសង្កាត់ខាញ់ប៊ិញតី១ សង្កាត់មីហ្វា ក្រុងឡុងស្វៀង ខេត្តអាងយ៉ាង អាចនឹងតាមចាប់បានចោរសាហាវយង់ឃ្នង ធ្លាប់ប្រព្រឹត្តបទល្មើសលួចទ្រព្យសម្បត្តិ និងញៀនអាភៀន នៅពេលដែលគាត់គ្មានគ្រឿងការពារខ្លួនក្នុងដៃ។

តំណាងគណៈនាយកនគរបាលខេត្តអាងយ៉ាង ជូនលិខិតសរសើរដល់បងង្វៀនហឺវយ៉ុង។

កត់សម្គាល់ភាពអង់អាចក្លាហាននោះ គណៈនាយកនគរបាលខេត្ត សម្រេចចិត្តស្ងើចសរសើរនិងជូនរង្វាន់ជាបន្ទាន់ដល់លោកអ៊ំខាញ់ ស្ដីពីស្នាដៃចាប់បានចោរ ឆក់ប្លន់ទ្រព្យសម្បត្តិ ដែលបានកើតឡើងនៅម៉ោង១៣និង៣០នាទី ថ្ងៃ៦ ខែមិនា ឆ្នាំ២០១៥ នៅធនាគារភាគហ៊ុនវៀតណាម ទិញវ៉ឿងចំណុះសង្កាត់ប៊ិញឡុង២ សង្កាត់មីប៊ិញ ក្រុងឡុងស្វៀង។

តាមប្រសាសន៍វរសេនីយ៍ឯកបម្រុង វ៉ហឺវឡែ អនុប្រធានចាត់ការកសាងចលនាទូទាំងប្រជាជនការពារសន្តិសុខមាតុភូមិនៃនគរបាលខេត្ត ឲ្យដឹង៖ "រយៈកាលកន្លង មានការលេចឡើងនូវគំរូក្លាហានពីមួយថ្ងៃទៅមួយថ្ងៃកាន់តែច្រើននៅក្នុងចំណោមប្រជាជន ចូលរួមបង្ការបង្រ្កាបឧក្រិដ្ឋជន។ យោងតាមស្ថិតិរបស់អង្គភាពក្នុងឆ្នាំ២០១៤ មានចំនួន៩៦ករណីទទួលបានការស្ងើចសរសើរនិងបានជូនរង្វាន់។ ប្រការទាំងនោះ សឲ្យឃើញពីគុណភាពនៃការចលនាទូទាំងប្រជាជនការពារសន្តិសុខ មាតុភូមិពីមួយថ្ងៃទៅមួយថ្ងៃកាន់តែកើនឡើង ហើយប្រជាជនកាន់តែមានស្មារតីភ្ញាក់រលឹកអំពីសិទ្ធធ្វើម្ចាស់ផ្ទាល់ខ្លួន ខ្នះខ្នែងចូលរួមជាមួយនឹងកម្លាំងនគរបាលបរិហារនិងតាមចាប់ឧក្រិដ្ឋជន"។ តួយ៉ាងដូច៖ បងង្វៀនហឺវយុ៉ង កើតឆ្នាំ១៩៦៩ ស្នាក់នៅភូមិអានធី ឃុំអានថាញ់ទ្រុង ស្រុកចើម៉ឺយ ជាកសិករស្លូតត្រង់មួយរូបប៉ុន្តែនៅចំពោះមុខការប្រព្រឹត្តអំពើអាក្រក់របស់ជនទុច្ចរិត បងមិនដែលញញើតម្តងណាឡើយ។ នៅវេលាម៉ោង៦ ថ្ងៃទី៥ ខែកុម្ភៈ ឆ្នាំ២០១៥ កំពុងធ្វើដំណើរទៅធ្វើការ បងឮសំឡេងប្អូនស្រីឌាំងធីភឿងឡង ស្រែកហ៊ោឡើងចោរឆក់កាវ បងយុ៉ង ក៏បើកម៉ូតូដេញតាមចោរប្លន់ ឈ្មោះង្វៀនឌឹកតៃ កើតឆ្នាំ១៩៩២ នៅភូមិជាមួយ។

គ្រាន់តែក្នុងមួយរំពេចប៉ុណ្ណោះ បងយុ៉ង ស្ទាក់ម៉ូតូ ទប់ស្កាត់ចាប់បានចោរ រួមជាមួយវត្ថុតាង។ សំណេះសំណាលជាមួយយើងខ្ញុំ បងយុ៉ង រៀបរាប់៖ " ពេលឮសំឡេងស្រែកថាចោរៗ ខ្ញុំដឹងតែពីគិតធ្វើយ៉ាងណា ដើម្បីជួយយករបស់របរមកជូនក្មួយស្រីឲ្យបាន។ ទោះបីមានការបារម្ភៈ ក្នុងចិត្តខ្លះដែរដោយមិនដឹងថាចោរនោះមានអាវុធក្នុងដៃតទល់ឬអត់។ ប៉ុន្តែដោយឃើញទង្វើមិនគប្បីខ្ញុំមិនអាចឱបដៃឈរមើលបានទេ ធ្វើអំពើល្អគឺមិនខ្លាចអ្វីទាំងអស់ ពីព្រោះនៅមានច្បាប់មានសង្គមគាំទ្រនិងការពារ "។

ដើម្បីជម្នះការភ័យខ្លាច ព្រួយបារម្ភៈ មិនមែនជារឿងធម្មតា ដែលអ្នកណាក៏អាចធ្វើបានទាំងអស់នោះទេ ចំពោះស្ថានភាពគ្រោះថ្នាក់ដល់អាយុជីវិត ដែលពោលខាងលើ ពិសេសគឺចំខ្លួនឯងផ្ទាល់។ ប៉ុន្តែប្រសិនបើ អ្នកណាក៏គេចមុខធ្វើព្រងើយចំពោះអំពើអាក្រក់ នោះគឺសង្គមនឹងក្លាយជាអសកម្ម បង្កឲ្យខូចសន្តិសុខនយោបាយ សណ្តាប់ធ្នាប់សុវត្ថិភាពសង្គម ជះឥទ្ធិពលដល់ខ្លួនផ្ទាល់និងគ្រួសារ។ ក្នុងពេលនោះ នៅពីខាងក្រោយយើងនៅមានច្បាប់ និងស្ថាប័នសមត្ថកិច្ចនានាការពារ។

និយាយអំពីប្រការទាំងនេះ លោកអ៊ំខាញ់ អះអាង៖ "មុខសញ្ញាលួចប្លន់ជាជនប្រព្រឹត្តល្មើសច្បាប់ ហេតុអ្វីយើងបែរជាខ្លាច់ទៅវិញ។ ត្រូវរួមកម្លាំងគ្នាតស៊ូកម្ចាត់ ទើបសង្គមបានសុខសាន្ត។ ប្រសិនបើអ្នកណាក៏នៅស្ងៀម ខ្លាចពួកចោរសងសឹក ខ្លាចគ្រោះថ្នាក់ ឧក្រិដ្ឋជននឹងធ្វើអំពើអ្វីតាមចិត្ត។ ការស្លាប់រស់អ្នកណាដែលថាមិនខ្លាច ប៉ុន្តែចំពោះខ្ញុំវិញ បើស្លាប់មានន័យ គឺកេរ្តិ៍ឈ្មោះល្បីសុះសាយដូច្នេះគ្មានបារម្ភអ្វីទាំងអស់។ ពេលណាខ្ញុំនៅមានកម្លាំងមាំមួន ខ្ញុំតស៊ូបរិហារនិងតាមចាប់ឧក្រិដ្ឋជនដល់ទីបញ្ចប់"។

ពិសេស រកគំហើញឲ្យបានទាន់ពេល និងស្ងើចសរសើរជូនរង្វាន់ដល់ប្រជាជន ដែលខ្នះខ្នែងចូលរួមដើម្បីគាំទ្រ ជំរុញទឹកចិត្តជនគ្រប់រូបចូលរួមតស៊ូបរិហារឧក្រិដ្ឋកម្ម រួមចំណែករក្សាសន្តិសុខសណ្តាប់ធ្នាប់នៅភូមិភាគ៕

ហ្វិញម៉ាយ(CAND) -សឺនម៉ាល័យ

ចែករំលែកអត្ថបទ

ពាក្យគន្លឹះ