គោលនយោបាយ -ការរស់នៅ ការរស់នៅ

29/09/2015 - 15:15

ដុងថាញ់ខិតខំកសាងជនបទថ្មី

ឃុំដុងថាញ់ ទីរួមខេត្តប៊ិញមិញ ខេត្តវិញឡុង សម្រេច១៩/១៩លក្ខឋានកសាងជនបទថ្មី និងកំពុងរង់ចាំទទួលស្គាល់ឃុំសម្រេចបទដ្ឋានជនបទថ្មី។

កម្មាភិបាលឃុំដុងថាញ់ផ្តល់យោបល់របៀបចិញ្ចឹមសត្វជូន ដល់គ្រួសារកសិករ។

លោកហ្វិញវាំុងបែបា អនុប្រធានគណៈកម្មាធិការប្រជាជនឃុំដុងថាញ់ ឲ្យដឹង៖" នៅ៦ខែដើមឆ្នាំ២០១៥ ដុងថាញ់កាត់បន្ថយគ្រួសារក្រីក្រ បានចំនួន៦០ ក្នុងនោះ មានគ្រួសារខ្មែរចាកផុតពីភាពក្រីក្រចំនួន៤០ ដូច្នេះគ្រួសារក្រីក្រក្នុងឃុំត្រូវបានបន្ថយនៅ១១៨គ្រួសារ។ អត្រាគ្រួសារក្រីក្រ របស់ឃុំគឺ៤,៧% កាត់បន្ថយ៣% បើប្រៀបធៀបជាមួយនឹងឆ្នាំ២០១៤ ឃុំសម្រេចបទដ្ឋានជនបទថ្មី។ សម្រេចបានលទ្ធផលដូច្នេះ អាស្រ័យដោយការខិតខំពេញទំហឹងរបស់គណៈ ផ្នែក អង្គការមហាជននានានៅភូមិភាគ និងអង្គភាពនីមួយៗ ដែលទទួលគាំពារគ្រួសារក្រីក្រពី២ដល់៣គ្រួសារ"។ លោកបែបា ឲ្យដឹងបន្ថែម៖ លក្ខឋានកាត់បន្ថយអត្រាគ្រួសារក្រីក្រ ជាលក្ខឋានមួយក្នុងចំណោមលក្ខឋានលំបាកៗ ម៉្លោះហើយ ឃុំប្រមូលផ្តុំនៅរាល់ប្រភពកម្លាំង ដើម្បីខិតខំកាត់បន្ថយគ្រួសារក្រីក្រ តាមលក្ខឋានជនបទថ្មី។ វិធានការមួយក្នុងចំណោមវិធានការសំខាន់ៗ ដែលលើកឡើងគឺប្រគល់អង្គការមហាជននៅភូមិភាគត្រួតពិនិត្យនៅតាមគ្រួសារក្រីក្រ។

បងស្រីសេីុងធីង៉ា ជាគ្រួសារខ្មែរក្រីក្របានសមាគមនារីទទួលគាំពារគឺជាគ្រួសារទើបចាកផុតពីភាពក្រីក្រ ចែករំលែក៖" អាស្រ័យប្រភពទុន និងបានបងប្អូននារីពិគ្រោះយោបល់ខ្ញុំសម្រេចចិត្តទិញបន្លែលក់នៅនឹងផ្សារ។ ដោយបានបងប្អូននារីជួយទិញ ដូច្នេះខ្ញុំរកបានប្រាក់ចំណូលលំនឹងប្រចាំថ្ងៃ។ កាលពីដើមឆ្នាំ២០១៥ គ្រួសារខ្ញុំបានចាកផុតពីភាពក្រីក្រ និងសងបំណុលរួចស្រឡះ ឥឡូវបានបុលទុនសាជាថ្មីដើម្បីពង្រីកការលក់ដូរជាបន្ត"។ ភាពរីករាយរបស់បងស្រីង៉ា ក៏ដូចជាភាពរីករាយរបស់គ្រួសារក្រីក្រក្នុងឃុំជាង៦០គ្រួសារដែលចាកផុតពីភាពក្រីក្រ។ ជាក់ស្តែងសឲ្យឃើញថា គ្រួសារចាកផុតពីភាពក្រីក្ររបស់ឃុំគ្មានគ្រួសារក្រឡើងវិញ ពិសេសគឺមានគ្រួសារជាច្រើនឈានឡើងធូរធារ។

ទន្ទឹមនឹងលក្ខឋានគ្រួសារក្រីក្រ លក្ខឋានខាងចំណូលមធ្យមភាគលើមនុស្សម្នាក់ៗក្នុងឃុំក៏សម្រេចលក្ខឋានជនបទថ្មី។ នេះក៏ជាលក្ខឋានមួយដ៏លំបាកក្នុងក្រមលក្ខឋានឃុំជនបទថ្មី។ ដុងថាញ់ ជាឃុំតំបន់ឆ្ងាយ មានជនរួមជាតិខ្មែររស់នៅជិត៣០% ចំណូលមធ្យមភាគនៅទាប បើប្រៀបធៀបជាមួយនឹងឃុំនៅជិតខាង។ ថ្វីបើដូច្នោះ ចាប់ពីដើមឆ្នាំមកទល់បច្ចុប្បន្ន អាស្រ័យសហការជាមួយនឹងមន្ទីរការងារ-យុទ្ធជនពិការ និងសង្គមកិច្ច និងមណ្ឌលឧស្សាហកម្មនានា ឃុំដុងថាញ់បានឧទ្ទេសនាមការងារធ្វើជូនពលករ-ការិនីនៅភូមិភាគជាង៥០០នាក់។ ជាមួយនឹងប្រាក់បៀវត្សរ៍ពី៧ដល់៨លានដុង/ខែធ្វើការនៅវិញឡុងកឹងធើ ដូច្នេះពលករ-ការិនីរកបានប្រាក់ចំណូលលំនឹង។ ក្រៅពីនោះ គ្រួសារដែលមានដីផលិតកម្ម ក៏បានកម្មាភិបាលកសិកម្មណែនាំផលិតតាមទម្រង់រូបភាពវាលស្រែគំរូធំ ចម្ការជំនាញដាំក្រូចតាមបទដ្ឋានVIETGAP។ ចំពោះករណីគ្រួសារមានដីផលិតកម្មតិចតូច ឬក៏គ្មានកម្លាំងពលកម្មនិងបានរៀបចំរៀនរបរ បច្ចុប្បន្ន ឃុំមានភូមិរបរត្បាញត្រកៀតបោង កាត់ដេរទាក់ទាញពលករ-ការិនីចូលរួមជាង១០០នាក់។ ឆ្លងតាមនោះ ចំណូលមធ្យមភាគលើមនុស្សម្នាក់ៗ របស់ឃុំដុងថាញ់ ត្រូវបានកើនពី២៦លានដុងទៅ២៩លានដុង/ឆ្នាំ។

លោកសេីុងរឿ អនុប្រធានគណៈកម្មាធិការប្រជាជនឃុំដុងថាញ់ បញ្ជាក់៖"បន្ទាប់ពីបានទទួលស្គាល់ជាឃុំជនបទថ្មី ដុងថាញ់នឹងបន្តការលើកកម្ពស់គុណភាពលក្ខឋាន ដើម្បីជីវភាពប្រជាជននៅភូមិភាគពីមួយថ្ងៃទៅមួយថ្ងៃកាន់តែមានភាពប្រសើរឡើង"៕

ថាច់ថាញ់ភូ-មុនី

ចែករំលែកអត្ថបទ

ពាក្យគន្លឹះ