គោលនយោបាយ -ការរស់នៅ គោលនយោបាយ

10/03/2015 - 10:09

ឃុំចូវដៀងបង្កើនល្បឿនកសាងជនបទថ្មី

ឆ្នាំ២០១៤ ឃុំចូវដៀង ស្រុកកូវកែ ខេត្តត្រាវិញ អនុវត្តបានសម្រេច៧ លក្ខឋានឃុំជនបទថ្មី បង្កើនលក្ខឋានដែលអនុវត្តបានសម្រេចគឺ១៤/១៩លក្ខឋាន។

ពុទ្ធបរិស័ទឃំុចូវដៀងធេី្វដំណេីរទៅវត្ត។

លោកថាច់ខន ប្រធានគណៈកម្មាធិការប្រជាជនឃុំចូវដៀង មានប្រសាសន៍ដោយក្ដីរីករាយ៖ "ប្រជាជននិងរដ្ឋអំណាចឃុំកំពុងរួមគ្នាខិតខំ អនុវត្តឲ្យបានសម្រេចនូវលក្ខឋាន ក្រៅពីនោះដើម្បីឆាប់បានទទួលស្គាល់ជាឃុំសម្រេចបទដ្ឋានជនបទថ្មីក្នុងឆ្នាំ២០១៥"។ មុនពេលបាន គណៈចង្អុលការតីណាមបូ និងខេត្តត្រាវិញជម្រើសជាឃុំគោលដៅ កសាងជនបទថ្មីចូវដៀងជាឃុំលំបាកពិសេសមួយអត្រាគ្រួសារក្រីក្ររបស់ឃុំមានជាង២៥% ក្នុងនោះភាគច្រើនគឺគ្រួសារជនជាតិខ្មែរ។ អគ្គិសនីផ្លូវថ្នល់ សាលារៀន ដំណាក់សុខាភិបាលនៅកង្វះខាតផងថែម ទាំងឱនថយទៀតផង។

ខណៈពេលបានជម្រើសជាឃុំគោលដៅថ្នាក់ដឹកនាំឃុំចូវដៀង បានកសាងយ៉ាងច្បាស់នូវផែនការកសាងលក្ខឋាននីមួយៗ ដើម្បីអនុវត្តសម្រេចបទដ្ឋានជនបទថ្មី។ ពេលនោះ ការងារផ្សព្វផ្សាយត្រូវបានថ្នាក់ដឹកនាំភូមិភាគ ផ្តោតការយកចិត្តទុកដាក់យ៉ាងពិសេស សំដៅបង្កការឯកភាពក្នុងប្រជាជន។ អាស្រ័យដោយបានបកស្រាយយ៉ាងហ្មត់ចត់អំពីកិច្ចការកសាងជនបទថ្មី បានជាប្រជាជនមានការគាំទ្រយ៉ាងពេញទំហឹង។ មានលក្ខឋានជាច្រើនដូចជាគមនាគមន៍ ធារាសាស្រ្ត សន្តិសុខសណ្តាប់ធ្នាប់។ល។ សុទ្ធតែមានការរួមចំណែកអំពីប្រជាជនទាំងកម្លាំងកាយនិងកម្លាំងទ្រព្យ។ល។

ប្រការឲ្យគួរកត់សម្គាល់ គឺកិច្ចការប្រជាជនខ្នះខ្នែងធ្វើសេដ្ឋកិច្ចដើម្បីចាកផុតពីភាពក្រីក្រ។ មានទម្រង់រូបភាពសេដ្ឋកិច្ចជាច្រើនត្រូវបានបង្កើតដូចជាចិញ្ចឹមគោ ចិញ្ចឹមអន្ទង់វាលស្រែគំរូធំ។ ជាពិសេស ប្រជាជននៅទាំងបានជំនួយដីសង់ផ្ទះ ដីផលិតកម្មនិងផ្លាស់ប្ដូរមុខរបរ។ រហូតមកដល់សព្វថ្ងៃ អត្រាគ្រួសារក្រីក្ររបស់ឃុំនៅតែជិត១០%ប៉ុណ្ណោះ។ លោកថាច់ផាយ ជាគ្រួសារមួយក្នុងចំណោមគ្រួសារជាង៣០០ដែល ទើបចាកផុតពីភាពក្រីក្រក្នុងឆ្នាំ២០១៤ឲ្យដឹងទាំងក្ដីរីករាយ៖" គ្រួសារខ្ញុំ ទើបតែចាកផុតពីភាពក្រីក្រហើយថែមទាំងបានអន្ទងបណ្ដាញអគ្គិសនី ចូលផ្ទះប្រើប្រាស់។ ផ្លូវខាងមុខផ្ទះ ត្រូវបានចាក់បេតុងរួចរាល់បានជាខ្ញុំមានឱកាសទិញម៉ូតូសម្រាប់ធ្វើដំណើរទៅមក។ កាលពីបុណ្យចូលឆ្នាំ តេតកន្លងហើយ គ្រួសារខ្ញុំប្រិតសំចៃទិញបានទូរទស្សន៍មួយគ្រឿង។ ការកសាងជនបទថ្មី ទៅដល់ណាគឺទីនោះមានការផ្លាស់ប្តូរថ្មី អាស្រ័យដូច្នោះពេលរដ្ឋអំណាចភូមិភាគចលនាធ្វើអ្វី ប្រជាជនមានការឯកភាព និងគាំទ្រភ្លាម"។

សព្វថ្ងៃឃុំចូវដៀង នៅមានលក្ខឋាន៥យ៉ាងកំពុងអនុវត្តនៅឡើយ ក្នុងនោះ មានដូច៖ សាលារៀនសម្រេចបទដ្ឋានអាគារវប្បធម៌ឃុំ បរិស្ថាន ។ល។ លោកថាច់ខន វាយតម្លៃ៖ "បណ្តាលក្ខឋានក្រៅពីនោះ សុទ្ធតែជាលក្ខឋានលំបាកៗពិសេស គឺលក្ខឋានចំណូលរបស់ប្រជាជន។ ទោះបីដូច្នោះក្ដី រដ្ឋអំណាចនិងប្រជាជននៅតែប្ដេជ្ញាចិត្តកសាងឃុំចូវដៀង ឲ្យបានសម្រេចបទដ្ឋានជាឃុំជនបទថ្មីក្នុងឆ្នាំ២០១៥នេះ"៕

ថាច់ថាញភូ-សេរី

ចែករំលែកអត្ថបទ

ពាក្យគន្លឹះ