គោលនយោបាយ -ការរស់នៅ គោលនយោបាយ

29/09/2026 - 05:56

អនុម័តជិត ១៦០ ពាន់លានដុង ពង្រឹងជាបន្ទាន់ការស្រុតបាក់ច្រាំងទន្លេហូវ នៅឃុំកូវឡាវយុង

គណៈកម្មាធិការប្រជាជនទីក្រុងកឹងធើ បានចេញសេចក្តីសម្រេច លេខ ៤៨៥២/QĐ-UBND អនុម័តលើគម្រោង “ពង្រឹងជាបន្ទាន់ការស្រុតបាក់ច្រាំងទន្លេហូវ នៅភូមិង្វៀងតាំង ឃុំកូវឡាវយុង ទីក្រុងកឹងធើ” ដោយកម្រិតវិនិយោគសរុបជិត ១៦០ ពាន់លានដុង។

តាមបណ្ដោយច្រាំងស្ថិតនៅឃុំកូវឡាវយុង មានការស្រុតបាក់យ៉ាងច្រើន។

គម្រោងនេះដើម្បីបង្ការទប់ស្កាត់ផលប៉ះពាល់ដែលគ្រោះធម្មជាតិ បង្កឡើងបានទាន់ពេល ទប់ស្កាត់ស្ថានភាពស្រុតបាក់បន្តលុកចូលដីគោក ធានាសុវត្ថិភាពអាយុជីវិត និងទ្រព្យសម្បត្តិរបស់ប្រជាជន និងការពារប្រព័ន្ធហេដ្ឋារចនាសម្ព័ន្ធសាធារណៈនៅខាងក្នុងច្រាំង។ សាខានាយកដ្ឋានធារាសាស្ត្រ (មន្ទីរកសិកម្មនិងបរិស្ថានទីក្រុងកឹងធើ) បានប្រគល់ឱ្យធ្វើម្ចាស់វិនិយោគ។ របាំងការពារច្រាំងនេះមានប្រវែងសរុប ២ គីឡូម៉ែត្រ រួមមានជម្រាលទ្រេតពង្រឹងដោយកម្រាលថ្ម កម្ពស់របាំង +៣,៧ ម៉ែត្រ ធ្នឹមរបាំងច្រាំងធ្វើពីបេតុងសរសៃដែក M៣០០។ ពង្រឹងទប់ស្កាត់ការហូរច្រោះដោយក្រណាត់ភូគព្ភវិទ្យា និងការុងខ្សាច់នៅកន្លែងដែលទឹកហូរខ្លាំង។ ទន្ទឹមនឹងនោះ នៅមានសំណង់រាយរងបន្ថែមទៀត ដូចជា ស្ពានកប៉ាល់បម្រើជីវភាពប្រជាជន ប្រព័ន្ធរំដោះទឹកបណ្តោយរបាំងច្រាំង និងពង្រឹងលូរំដោះទឹក… ប្រភពទុនអនុវត្តគម្រោងពីថវិកាទីក្រុង រយៈពេលកសាងក្នុងដំណាក់កាល ២០២៦-២០២៧។

គណៈកម្មាធិការប្រជាជនទីក្រុង បានប្រគល់ឱ្យមន្ទីរកសិកម្មនិងបរិស្ថាននិងសាខានាយកដ្ឋានធារាសាស្ត្រទីក្រុងកឹងធើ ទទួលខុសត្រូវអនុវត្តគម្រោង ធានាល្បឿងដំណើរការនិងគុណភាពត្រួតពិនិត្យហ្មត់ចត់នូវសំណង់ដែលចាំបាច់បំផុត ដើម្បីប្រិតសំចៃ ជៀសវាងការខ្ជះខ្ជាយ បង់ខាតថវិការដ្ឋ៕

ហាវុាំង - វិមាន

ចែករំលែកអត្ថបទ

ពាក្យគន្លឹះ