គោលនយោបាយ -ការរស់នៅ គោលនយោបាយ

29/09/2026 - 05:56

គម្រោង៨៖ ជួយលើកកម្ពស់ការយល់ដឹង ផ្លាស់ប្តូរការរើសអើងភេទក្នុងតំបន់ជនជាតិភាគតិច

ជាមួយនឹងសកម្មភាពឧបត្ថម្ភជាក់ស្តែង ប្រសិទ្ធភាពពីគម្រោង៨នៃកម្មវិធីទិសដៅជាតិអំពីការអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំ បានជះឥទ្ធិពលជាវិជ្ជមានលើគ្រប់ផ្នែកនៃការរស់នៅរបស់ប្រជាជន។ មានទម្រង់ជាច្រើនរបស់គម្រោង បង្កឱ្យមានការវិវឌ្ឍន៍ជាវិជ្ជមានក្នុងការយល់ដឹងនិងសកម្មភាព ជាជំហានៗបំបាត់ផ្នត់គំនិតរើសអើងភេទលើភូមិឋានទីក្រុងកឹងធើ។

សាខាសមាគមនារីភូមិហោយទ្រុង ផ្គួបបញ្ចូលការផ្សព្វផ្សាយសមភាពភេទជា
មួយកិច្ចប្រជុំសមាគម។

គម្រោង ៨ ជាគម្រោងមួយក្នុងចំណោមគម្រោងសមាសភាពទាំង ១០ ចំណុះកម្មវិធីទិសដៅជាតិអំពីការអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំ ជាមួយទិសដៅជំរុញសមភាពភេទ លើកកម្ពស់ការយល់ដឹង និងដោះស្រាយមានប្រសិទ្ធភាពអំពីបញ្ហាសង្គមជាបន្ទាន់ ចំពោះស្ត្រីនិងកុមារជនជាតិភាគតិចនៅតំបន់លំបាកខ្លាំង។ នៅឃុំលិតហោយធឿង ទីក្រុងកឹងធើ មានជនរួមជាតិខ្មែររស់នៅជិត ៤២% ការរើសអើងភេទ កើតកូនច្រើននៅតែបន្តមាននៅក្នុងជីវភាពសហគមន៍។ ប៉ុន្តែចាប់តាំងពីផ្សព្វផ្សាយគម្រោង ៨ សមាគមនារីឃុំបានចាត់តាំងការឃោសនាជាច្រើនលើក អំពីសមភាពភេទ ការថែទាំសុខភាពកុមារ ។ល។ តាមរយៈកិច្ចប្រជុំសាខាសមាគម កិច្ចប្រជុំសហគមន៍ បានជួយលើកកម្ពស់ស្មារតីយល់ដឹង កសាងគ្រួសារសុខដុមរមនា សុភមង្គល។ អ្នកស្រី ថាច់ធីសាផាយ ប្រធានសមាគមសហព័ន្ធនារីឃុំលិតហោយធឿង ឱ្យដឹង៖ “ពីមុនជីវភាពប្រជាជនជួបការលំបាកកូនច្រើន ស្ថានភាពអំពើហិង្សាក្នុងគ្រួសារកើតមានច្រើន។ ប៉ុន្តែ ដោយសារការងារផ្សព្វផ្សាយខ្លឹមសារនៃគម្រោង៨ ឃើញថា ការយល់ដឹងរបស់ប្រជាជន បានផ្លាស់ប្តូរយ៉ាងច្បាស់ បំបាត់ការរើសអើងភេទ ទម្លាប់ឱនថយ ផ្លាស់ប្តូរគំនិតអភិវឌ្ឍសេដ្ឋកិច្ច លើកកម្ពស់គុណភាពជីវភាព”។

សកម្មភាពរបស់គម្រោង៨ គឺមានការវិវឌ្ឍន៍យ៉ាងច្បាស់ក្នុងការយល់ដឹងនិងសកម្មភាពរបស់បងប្អូននារីឃុំធ្វឹងហ្វាជាច្រើនឆ្នាំមកនេះ។ អ្នកស្រី ឌាំងធីយ៉េមភឿង ប្រធានសមាគមសហព័ន្ធនារីឃុំធ្វឹងហ្វា ឱ្យដឹង៖ “ឆ្នាំ២០២៥ សមាគមចាត់តាំងការ ផ្សព្វផ្សាយអំពីការ “អនុវត្តសមភាពភេទនិងដោះស្រាយបញ្ហាជាបន្ទាន់ចំពោះស្ត្រីនិងកុមារ” និងការ “បង្ការប្រឆាំងអំពើហិង្សាក្នុងគ្រួសារនិងការរំលោភ បំពានលើកុមារ” នៅតាមភូមិនិងសាលាអនុវិទ្យាល័យលើភូមិឋានឃុំបានជាង ៣០ លើក។ ឆ្លងតាមរយៈនោះ ធ្វើឱ្យផ្លាស់ប្តូរការយល់ដឹងនិងឥរិយាបទរបស់ប្រជាជន និងសាយភាយសារលិខិតអំពីការកសាងបរិស្ថានសាលារៀនសុវត្ថិភាព គ្មានអំពើហិង្សា។ល។ បច្ចុប្បន្ន សមាគមបន្តរក្សា ០៤ ក្រុម “អាសយដ្ឋានគួរជាទីទំនុកចិត្ត” ០២ ក្លឹប “អ្នកដឹកនាំនៃការផ្លាស់ប្តូរ” ០៤ ក្រុម “សារគមនាគមន៍សហគមន៍”។

តាមប្រសាសន៍លោកស្រី ត្រឹងធីហាំង អនុប្រធានសមាគមសហព័ន្ធនារីទីក្រុងកឹងធើ ក្រោយពីរយៈពេល ៥ ឆ្នាំផ្សព្វផ្សាយអនុវត្តសកម្មភាពរបស់គម្រោង ដំណាក់កាល ២០២១-២០២៥ ជំហានដំបូងបង្កឱ្យមានការវិវឌ្ឍន៍ជាវិជ្ជមានអំពីការយល់ដឹងនិងឥរិយាបទរបស់ប្រជាជនក្នុងការផ្លាស់ប្តូរ “ផ្នត់គំនិត របៀបធ្វើ” បំបាត់ការរើសអើងភេទ រួមចំណែកជាមួយភូមិភាគដោះស្រាយបញ្ហាសង្គមជាបន្ទាន់ចំពោះស្ត្រីនិងកុមារ ព្រមទាំងជំរុញសមភាពភេទនៅតំបន់ជនជាតិភាគតិចបានល្អ”៕

ថាញវ៉ាង-មុនី

ចែករំលែកអត្ថបទ

ពាក្យគន្លឹះ